Makekeng 5:1 - Deduamiti

¹ Ifi fingeru Mose nga Aharon yeri Parecoaru kemma yoac yofi dema edeoc, “Negennec, Kebu Isracel neneac Anutungo yofi dede, ‘Ge ngicngacfocna uaac ebicfunac yungecyununa yeni bangeckisiu kemma eweheihei anemma neac nasotoaac tacbisia.’ ”

Makekeng 5:1 ပူးပေါင်းရင်းမြစ်များ

Mitiyegec 119:46

Ni ngictau yeneac kicfu ifingoc geac dedekperagiyoac ayemmeba game kpekpeu naric mi fainugecde.

Makekeng 10:3

Ifi deu Mose nga Aharon yeri Parecoaru kemma yofi edeoc, “Hebiraiongicngac neneac Kebu Anutunina yeng yofi dede, Ge nasoherec ubaseri annec nga neac kicfu mi memaemema kecnecngoc imoc mi ngereede. Ge fakaga imoc wana! Ngicngacfocna uaac ebicfunac yungecyununa yeni ni eweheinenggecdeac kembisia.

Makekeng 10:4

Nga negennec, ge wama uaac ebicfunac mi yungecyununadeu ine wereckenu ipua sueyunuba fingecma amabangecgau hagecde.

Makekeng 10:9

Ifi deu Mosengo yofi meremmiec, “Kebuninaac nasotoa tacnideac neni yada kapia, nambaracfocnina nga amayang habuya habuya imoc momoc wangecyunu kennide.”

Makekeng 3:18

Ge ifi dena Isracelac enarafocngina yeni yoacga negenggec fora anu ge enara yenigoc Aigita ngictau yearu kemma yofi edebisia, ‘Kebu, hebiraio neneac Anutungo fingecnemmedac, imocac negennemmena neni uameme harebec bangeckisiu kengkecma Kebu Anutuninaac sesegerec ohominide.’

Makekeng 33:13

Imocac ge neac negenna naric andeu negenggubadeac singga naric edzacnuma torokpema neac negenna ngereebeso. Nga bangecareng yomoc yeni geac ngicngacareng, ifi negensiyunubesena.”

Makekeng 4:23

Nga ni yoac bic yofi edeguai, ge medacna uaac ebicfunac yungecna ye kemma enacna tofohoma eweheihei anembeso. Nga ge imocac negenna naric mi anu segereyunukecnecac ni geac morocmedacga homecfu faibade.” ’ ”

Makekeng 6:11

“Ge kemma Aigita ngictau Pareco ye Isracelngicngac bangehaunac nga uaac ebicfunac yungecyunuu kenggecdeac edena.”

Makekeng 6:27

Ifi deu Mose nga Aharon yereng Isracelac ngicngacareng Aigitabangecfunac wangecyunugecdeac Aigita ngictau Parecoaru yoac ua meoc.

Makekeng 7:16

Namma yofi edebesena, ‘Kebu, hebiraiongicngac neneac Anutu, yeng yofi edegubadeac suenudac, ngicngacfocna bangeckisiu kemma neac enac tofohoma eweheihei anenggecdeac uaac ebicfunac yungecyununa kembisia. Nga geng yoac imoc mong mi tofohoma kecnecngoc.

Makekeng 7:2

Kecma yoac sasawa dederecge anggemba ge imoc dacga Aharon edebesena. Edena yeng Pareco edeu yeng Isracelac ngicngacareng uaac ebicfunac yungecyunuma bangehaunac meickema kenggecdeac debeso.

Makekeng 8:1

Anu Kebungo Mose yofi edeec, “Parecoaru kemma yofi edena, ‘Kebungo yofi dede, ge ngicngacfocna uaac ebicfunac yungecyununa yeni kemma neac enac tofohoma eweheinembisia.

Makekeng 8:16

Anu Kebungo Mose yofi edeec, “Ge Aharon edena yasuya miacma bangecfu yube fede, imoc kpeu Aigitabangectoau yubengo numururuc andarude.”

Makekeng 8:17

Ifi deu yeri ifi anoc. Mosengo Aharon edeu ye mariau yasu menanec, imoc miacma bangecfu yube kpeianggeec. Kpeianggeu numururuc fingecma ngicngac nga yang momoc yinigec. Bangecfu yube feec, imoc sasawa numururuc andacma Aigitabangectoa sokodacgec.

Makekeng 8:20

Anu Kebungo Mose yofi edeec, “Wereckenu amanegenggac Parecongo dokuu kenudeac kemmanu geng fingecmima yofi edebesena, Kebungo yofi dede, ‘Ge ngicngacfocna uaac ebicfunac yungecyununa yeni kemma neac enac tofohoma eweheinembisia.

Makekeng 8:27

Imocac amma neni Kebungo dederecge anemmedac ifi yombong wenac uameme harebec kengkecma bangeckisiu Anutuninaac sesegerec ohoni ngereeude.”

Makekeng 9:1

Ifi anu Kebungo Mose yofi edeec, “Ge Parecoaru kemma yofi edena, ‘Kebu hebiraiongicngac neneac Anutungo yofi dede, “Ge ngicngacfocna uaac ebicfunac yungecyununa yeni kemma neac enac tofohoma eweheinembisia.

Makekeng 9:2

Nga ge ubaseri amma segereyunuma kenggecdeac mi yungecyununadeu

Mataio 10:18

Nga ngicngac yeni neac amma mengunuma kemma gawana nga ngictau yeneac kicfu faingunugecde. Ifi anggec ngeneng yeni nga bangec monnunac ngicngac Anutu mi negemmidae, ngic imoc momoc siduc gombung dekperagiyemmebisia.

Mataio 10:28

Ngicngac yeni sebingina kpehomema ubaongangina naric mi kpehomegecde, ngeni yeneac mi kengecngunubeso. Anutungo sebi nga ubaonga yerahafoc hofeu memanganeude, ngeni yeac ine damungunubeso.

Aposoro 4:29

O Kebu, yomoc ine dekengec yoacngina hennegeng amma enac tofoc tofohofocga kuc meficnunuma nanggenununa yoacga kengeha kpac dekperagiyemmebisina.

1 Korinti 5:8

Imocac amma nenang uuha esea yisgoc, imocac ngaba nga faka mangana wadacma faka kongaha nga yoac foragoc, imocac ic sogong yisha kpac mekecbisina.