Makekeng 40:38 - Deduamiti

³⁸ Imoc yofiac, wenacfu Kebuac hoengngo kporucwomong witiau tackefec nga tofocnacsoc hoeng manau gerec dzema fekefec. Isracel ngicngacareng hafoangoc sinnu kenggecsoc yeneac kicnginau ifi fingeckefec.

Makekeng 40:38 ပူးပေါင်းရင်းမြစ်များ

Mitiyegec 105:39

Anutungo hoeng tiameu imocngo kperacngina amma witinginau feu tofocnac gerec yemmeu imocngo mekperagiyunuec.

Mitiyegec 78:14

Yeni wenacfu hoengngo waraiyemmema hesicyunuec nga tofocnac gerecac kperagingo mekperagiyunudarec.

Makekeng 13:21

Yeni wenacfu nga tofocnac naric kenggecdeac Kebungo wenacfu sing edzacyunuudeac hoengherec manau waraiyemmekefec nga tofocnac ine kperagiyemmeudeac ine gerecborang mong herea dzema feec, imocac manau kefec.

Makekeng 13:22

Amma wenacfu hoengherec hongngoc nangkefec nga tofocnac gerecborang herea imoc nasosoc dzetarec. Yeri ngicngac mi wayunuma ngicngac waraiyemmemangoc kefoc.

Bangec kisiu 10:34

Nga yeni efaima yacma kporucamangina meickema kporucamabangec imoc wama kenggec imohai Kebuac hoengngo wenacfu witinginau sawau kengkefec.

Bangec kisiu 9:12

Nga maunga mong wagec tacmanu ama mi wereckembeso nga sic mong mi hetackebisia. Onggoc onggongge nasotoaac singseria fede, imocac siricfu modacdacma tacbisia.

Bangec kisiu 9:15

Anu kporucwomong medacma mesigec wenac imohai hoeng mongngo kporucwomong semeec, nga imoc kpara mong Kebungo wiac heigboringemmekecduaeac kporucama. Hoengngo imoc semema femanu ama toforeu siriha gerecborang isoc anu kperagima kporucwomong witiau tackemmanu ama wereckenec.

Bangec kisiu 9:16

Nga nasosoc ifinoc fingecyemmekefec, wenacfu hoengngo semekefec nga tofocnacfu siriha gerecborang isoc amma kperagiyemmekefec.