Makekeng 40:3 - Deduamiti

³ Nanu imocac manau Kebungo wiac heigboringemmekecduaeac katapa faima imoc mana kpetiac nga kpataning yombonggac kporucngo hedzickebesena.

Makekeng 40:3 ပူးပေါင်းရင်းမြစ်များ

Makekeng 25:10

Anu akasia icngo katapa mong megecde, imocac hereaya kubit kpete yohockang nga noboha, odahaac kubitkpete imoc mocgu nga noboha, hongaac kubitkpete imoc mocgu nga noboha.

Makekeng 25:22

Anu keruw onga yohockang Kebungo wiac heigboringemmekecduaeac katapaac witiau tacdape, ni yereac botucngirau gegoc ewacma yoac denegeng ambade. Ni imohai yoac dederecge anggemba geng Isracel medacfora dederecge imoc ayemmebesena.

Makekeng 26:31

Anu mana kpetiac nga kpataning yombonggac naguac kpoructoa imoc witic kibia dorong nga giweng amma sacsac nga linenkporuc pososoc yumuyumuyango mebesena. Imoc marikibingicngo keruw ongaac siriha arenggeu kporucfu memusunggema mebisia.

Makekeng 31:7

Yeni Kebugoc ewacemeemeac kporucama nga Kebungo wiac heigboringemmekecduaeac katapa nga tapea imocac witiau nga kporucamaac wiac sasawa mebisia.

Makekeng 35:12

amma katapa tofoyagoc nga tapea nga mana kpetiac nga kpataning yombonggac kpoructoa hedzickema nanudemoc

Makekeng 35:4

Anu Mose ye Isracelkpebung hafoangoc yofi edeyunuec, “Kebungo faka yomoc modacgecdeac dederecge angngemmede.

Makekeng 39:32

Yeni ifi amma Kebugoc ewacemeemeac kporucamaac kporucwomongagocac ua imoc sasawa mesidacgec. Kebungo Mose dederecge ammiec, Isracelac medacfora yeni imoc sasawa modacma medacgec.

Bangec kisiu 4:5

Anu Isracelngicngac kporucamahabunginagoc yeni efaima yacma kembeso ammagec Aharon nga medacfora yeni Kebugoc ewacemeemeac kporucamau emma kporuc katapa hedzickema nande, imoc mesima imocngo Kebungo wiac heigboringemmekecduaeac katapa kperahebisia.

Hebiraio 9:3

Nga kporuc monggac ngadea imohai kporuc bedzoac mana mong feec, kpara Mana kpetiac nga kpataning yombong.

Yohaneac kpefing 11:19

Anu kurumennu Anutuac womonggac naguya megec yeac dzadzahacac katapa kicnginango henggec. Hemmagec piratac heiu udumengtoa nga gbururungtoa heiec amma usoc meu nomang gbomeatoa maec.