Makekeng 4:31 - Deduamiti

³¹ Meu yeni negensinggegec amma “Kebu ye Isracelngicngac nenanggac dzoickpendzeng hennegeng anec,” yeniifi negemma fafoc heimima kicmesungina bangecfu hetutuckemanumumigec.

Makekeng 4:31 ပူးပေါင်းရင်းမြစ်များ

Fingec fingec 17:3

Ifi deu Awram ye kicmesuya bangecfu hetutuckema feec. Feu Anutungo yofi dema edeec,

Fingec fingec 24:26

Ifi deu ngic ye ngoducnema Kebu dengerema yofi deec,

Fingec fingec 29:32

Nga Lea ye medac kpenanggema mema yofi deec, “Kebungo ubaebicna hennegeng amma meficnudac. Ewena ye yaguc neacsongo negenude.” Ifi dema kpara Recuwen kparec.

Fingec fingec 50:24

Anu Yosefngo dacfora yoac yofi dema edeyunuec, “Ni homebeso anduae. Foracngoc, Anutungo yugucngunuma bangec yomohanac wangecngunuu kengkecma bangec imoc Awraham, Itsak nga Yacakow yemmeudeac deseriec imohai faingunuude.”

Nehemia 8:6

Ifi nandacmagec Edzerango KEBU Anutu Engenatoa dengereec. Dengereu ngicngac sasawango maringina miacma ningkpedacma, “Imoc Fora! Imoc Fora!” Dema yenahafocngoc KEBU dengerema ngonducnema kicngina bangecfu hetutuckedacgec.

Makekeng 12:27

yofi edeyunubisia, ‘Imoc Kebungo onggonnunuecac sesegerec. Yennoc Aigitangic yunuma Isracelngicngac Aigitabangecfu kefing, neni onggonnunuma neneac amanina ferahaec.’ ” Ifi edeyunuu ngicngac yeni imoc negemma ngonducnema numumigec.

Makekeng 14:31

Anu Kebu kuctoayagocngo aigitangic faka ayemmeu Isracelngicngac yeni imoc henggec. Hemma damuyunuu Kebu negensinggegec nga enactofoc tofohongiha Mose ye ifingoc negensinggegec.

Makekeng 19:8

Edeyunuu ngicngac yeni sasawango yenahafoc dendzerenggema yofi degec, “Kebungo yoac sasawa dedacde, imoc tofohodacnide.” Degec Mosengo yoacngina mema Kebuaru mekemma edeec.

Makekeng 19:9

Anu Kebungo Mose yofi edeec, “Negennec, gegoc yoac denegeng ammira ngicngac yeni imoc negenggecdeac, ni hoeng kundung dzicnambac manau gearu habeso anduae. Ifi amba yeni ifingoc nasoya kpac yoacga negensinggema kecgecde.” Ifi deu Mose ye ngicngac yeneng yoac degec, imoc Kebu edeec.

Makekeng 2:25

Isracelngicngac yenenggareng ayemmeu yengena areng anggecde, ifi negenec.

Makekeng 3:16

Anu ge kemma Isracel enarafocngina kpedzucyunuma yofi edeyunubesena, ‘Kebu kisicfocnginaac yeneac Anutu, imoc Awraham, Itsak nga Yacakow yeneac Anutu, yeng fingecnemma yofi edenuec, “Ni ngeneac kekecngina hennegeng angkecduae nga Aigitabangecfu faka hania hania angemmema kecdae, imoc momoc hemma negendacduae.” ’

Makekeng 3:18

Ge ifi dena Isracelac enarafocngina yeni yoacga negenggec fora anu ge enara yenigoc Aigita ngictau yearu kemma yofi edebisia, ‘Kebu, hebiraio neneac Anutungo fingecnemmedac, imocac negennemmena neni uameme harebec bangeckisiu kengkecma Kebu Anutuninaac sesegerec ohominide.’

Makekeng 3:7

Ifi anu Kebungo yofi edeec, “Ngicngacfocna Aigitabangecfu dzoicuau faiyunuma kenghedzic hahedzic ayemmekecdae imoc bic hendua nga uaac keracnatang mangana yeneng kpendzennu faiyunukecdae, imocac kiac arongina bic negendua. Yeni kpendzeng witiau kecdae imoc negenduaengoc.

Makekeng 33:10

Nga ngicngac tembuc tembuc sasawa yeni hoeng herea kporucamaac naguyau nanu hemma kporucamangina naguyausoc namma Anutu dengerekecgec.

Makekeng 34:8

Ifi deu Mose ye bic yombong bangecfu ngonducnema numumima

Makekeng 4:5

Ifi anu edeec, “Ifi anna yeni yofi negensinggegecde, ‘Fora, Kebu kisicfocninaac Anutungo fingecmiec, imoc Awraham, Itsak nga Yacakow yeneac Anutu.’ ”

Tsefanya 2:7

Bangec imoc yehudahabu toseanec yenengsac komoc kpegecde yeneac bangec ammanu ramafocngina ihai faiyunubesandae. Faiyunuma ama marai anu yenang ine Askelon taonnu ama tackendesoc ihai fenegembesandae. Kebu Anutunginango yeneac negensima feackekecngina monggoc kpakeyemmebesande.

Ruka 1:68

“Kebu Israeac Anutu kenehebisina. Yeng ngicngacfora nenannu hama witicfunac bic yungecnunuec.

Ruka 8:13

Gbome harongannu heiec, imoc ngic goango Anutuac yoac negemma heresongogoc bic hoanggegecde nga yoacngo ubanginau godea mong mi meecac naso wegenanecsac taru faitobannaso hau yeni wagecde.

Ruti 1:6

Ifi kecmanu, Kebungo ngicngacfora monggoc hoangyunuma yenenggareng ayemmema semeng monggoc meficgeyemmeec, siduc imoc Mocawbangecfu kenu negemma Nacomi nga erangihora yenahafocngoc Mocawbangecfunac dzigenegecdeac wiacngina sasawa mekpedzuc amma efaigec.