Makekeng 4:23 - Deduamiti

²³ Nga ni yoac bic yofi edeguai, ge medacna uaac ebicfunac yungecna ye kemma enacna tofohoma eweheihei anembeso. Nga ge imocac negenna naric mi anu segereyunukecnecac ni geac morocmedacga homecfu faibade.” ’ ”

Makekeng 4:23 ပူးပေါင်းရင်းမြစ်များ

Mitiyegec 105:36

Yeng bangecnginau warac medacfocngina sasawa kpebucyunudacma kucnginaac fora warac fingecgec, yeni kpebucyunuu homedacgec.

Mitiyegec 135:8

Yennoc Aigita ngic yeneac warac medacfocngina nga rama burumakanginaac warac areng kpebucyunudarec.

Mitiyegec 136:10

Kebu Aigita bangecfu waracmedacfocngina kpebucyunuec, ye ubangerec edebesonga. Yeng yoac dedzege amma imoc modackecde, faka imocngo fefeseri feengkefude.

Mitiyegec 78:51

Ye Aigita yeneac warac nambaracfocngina kpebucyunudarec. Ye Hamgac esangabo kporucamanginau kecgec, yeneac kucnginaac waracmedacfocngina sasawa kpebucyunudarec.

Makekeng 10:3

Ifi deu Mose nga Aharon yeri Parecoaru kemma yofi edeoc, “Hebiraiongicngac neneac Kebu Anutunina yeng yofi dede, Ge nasoherec ubaseri annec nga neac kicfu mi memaemema kecnecngoc imoc mi ngereede. Ge fakaga imoc wana! Ngicngacfocna uaac ebicfunac yungecyununa yeni ni eweheinenggecdeac kembisia.

Makekeng 10:4

Nga negennec, ge wama uaac ebicfunac mi yungecyununadeu ine wereckenu ipua sueyunuba fingecma amabangecgau hagecde.

Makekeng 11:5

Aigitabangecfu morocmedacfocngina yeni sasawa homedacgecde. Pareco ngictautatacfu tacde yearunac hanahema kengkecma wanacnaroanga witsemeng hocfu hedzameande, ngac yeac waracmedaha yearu wisickeude. Amma imocsac kpac, ramaburumaka warac warac fingecdacgec, yeni ifingoc homedacgecde.

Makekeng 12:29

Anu tofocnac dzongiau Kebungo Aigitabangecfu ngic warac warac fingec fingera sasawa yunuhomedarec. Pareco ngictautatahau tarec yearunac kengkecma witicngic witicamau tackenggec yeneac morocmedacfocngina momoc yunuhomedarec nga amayangfocngina sasawa yeneac siriha imocngoc fingecdarec.

Makekeng 13:15

Nga Pareco ye ubaseri yombong amma segerenunuma uaac ebicfunac yungecnunuudeac waec. Imocac amma Kebungo Aigitabangecfu ngic nga amayang warac fingec fingera sasawa, homecfu faiyunudarec. Imocac amma yang heremanaunac warac warac fingec fingera sasawa imoc Kebuac sese dema ohoanduae. Nga ngic morocmedacfocnina sasawa yeneac turungngina kpouanduae.

Makekeng 18:8

Emma Mose ye Kebungo Isracel yeneac amma Pareco nga Aigitangicngac yenearu faka sasawa meec imocac yoacsiduc yofea ammidarec. Amma sinnu kemmagec ebic hania hania sasawa kucngina memaudeac fingecyemmeu Kebungo ebic imohacnac onggongyunuec imocac siduc momoc ammiec.

Makekeng 3:18

Ge ifi dena Isracelac enarafocngina yeni yoacga negenggec fora anu ge enara yenigoc Aigita ngictau yearu kemma yofi edebisia, ‘Kebu, hebiraio neneac Anutungo fingecnemmedac, imocac negennemmena neni uameme harebec bangeckisiu kengkecma Kebu Anutuninaac sesegerec ohominide.’

Makekeng 5:1

Ifi fingeru Mose nga Aharon yeri Parecoaru kemma yoac yofi dema edeoc, “Negennec, Kebu Isracel neneac Anutungo yofi dede, ‘Ge ngicngacfocna uaac ebicfunac yungecyununa yeni bangeckisiu kemma eweheihei anemma neac nasotoaac tacbisia.’ ”

Makekeng 6:11

“Ge kemma Aigita ngictau Pareco ye Isracelngicngac bangehaunac nga uaac ebicfunac yungecyunuu kenggecdeac edena.”

Makekeng 7:16

Namma yofi edebesena, ‘Kebu, hebiraiongicngac neneac Anutu, yeng yofi edegubadeac suenudac, ngicngacfocna bangeckisiu kemma neac enac tofohoma eweheihei anenggecdeac uaac ebicfunac yungecyununa kembisia. Nga geng yoac imoc mong mi tofohoma kecnecngoc.

Makekeng 8:1

Anu Kebungo Mose yofi edeec, “Parecoaru kemma yofi edena, ‘Kebungo yofi dede, ge ngicngacfocna uaac ebicfunac yungecyununa yeni kemma neac enac tofohoma eweheinembisia.

Makekeng 8:16

Anu Kebungo Mose yofi edeec, “Ge Aharon edena yasuya miacma bangecfu yube fede, imoc kpeu Aigitabangectoau yubengo numururuc andarude.”

Makekeng 8:17

Ifi deu yeri ifi anoc. Mosengo Aharon edeu ye mariau yasu menanec, imoc miacma bangecfu yube kpeianggeec. Kpeianggeu numururuc fingecma ngicngac nga yang momoc yinigec. Bangecfu yube feec, imoc sasawa numururuc andacma Aigitabangectoa sokodacgec.

Makekeng 8:20

Anu Kebungo Mose yofi edeec, “Wereckenu amanegenggac Parecongo dokuu kenudeac kemmanu geng fingecmima yofi edebesena, Kebungo yofi dede, ‘Ge ngicngacfocna uaac ebicfunac yungecyununa yeni kemma neac enac tofohoma eweheinembisia.

Makekeng 9:1

Ifi anu Kebungo Mose yofi edeec, “Ge Parecoaru kemma yofi edena, ‘Kebu hebiraiongicngac neneac Anutungo yofi dede, “Ge ngicngacfocna uaac ebicfunac yungecyununa yeni kemma neac enac tofohoma eweheinembisia.

Makekeng 9:13

Anu Kebungo Mose yofi edeec, “Ge wereckenu ama werec wereckenggac yacma Parecoaru kemma yofi edebesena, ‘Kebu hebiraiongicngac neneac Anutuninango yofi dede, “Ge ngicngacfocna uaac ebicfunac yungecyununa yeni kemma neac enac tofohoma eweheinembisia.

Makekeng 9:2

Nga ge ubaseri amma segereyunuma kenggecdeac mi yungecyununadeu