Makekeng 4:21 - Deduamiti

²¹ Anu Kebungo Mose yofi edeec, “Ge Aigitabangecfu dzigene kennade, naso imohai faka sasawa mi hehena, imoc menadeac kuc genai, imoc negensima Parecoac kicfu medacbesena. Nga neng ine ubaseri meficgemiba ngicngacareng uaac ebicfunac naric mi yungecyunuude.

Makekeng 4:21 ပူးပေါင်းရင်းမြစ်များ

Fingec fingec 6:3

Ifi anggec Kebungo yofi deec, “Ngicngac yeni sebifusingina bangectehecngo memea imocac amma neac asu yenearu fefeseri mi febeso. Yeni bangecfu kekecnginaac kifanaso 120sac ambeso.”

Mitiyegec 105:25

Ferahegec yeng Aigita ngic yeneac negen negeng merenu yeneng ngicngacfora ubango ukuyunugec. Yeni yenahafoc yoac denegeng amma Kebuac kingang ngicfora faitobannu faiyunugec.

Mitiyegec 78:43

Ye Aigita bangecfu ngic yeneng negensinggegecdeac kucfaka mi hengena meficgema Soang manennu kucfakaya bibiagoc hania hania mekefec, yeni naso imoc mong mi negensima kecgec.

Makekeng 10:1

Ifi fingeru Kebungo Mose yofi edeec, “Ge Parecoaru kembesena. Ni neannaocnoc kucfaka yomoc botucnginau mebadeac ye nga enactofoc tofohofora yeni faka ayemmeba ubaseri yombong andae.

Makekeng 10:20

Nga Kebungo Pareco ammiu ubaseri yombong amma Isracelngicngac uaac ebicfunac mi yungecyunuec.

Makekeng 10:27

Nga Kebungo Parecoac uba mehonggameu uaac segereyunuma ebicfunac yungecyunuudeac mi ammiec.

Makekeng 11:10

Anu Mose nga Aharon yeri Parecoac kicfu kucfaka mi hehena imoc sasawa medaroc nga Kebungo Pareco ammiu ubaseri yombong amma Isracelngicngac yeni bangeha wama kenggecdeac uaac ebicfunac mi yungecyunuec.

Makekeng 11:9

Anu Kebungo Mose yofi edeec, “Ni Aigitabangecfu fakami hehena homac mebadeac negenduae, imoc fingecdarudeac Parecongo mi negengngemmeude.”

Makekeng 14:17

Nga ni aigitangic ubaseri meyunuba yeni modacngunugecde. Pareco nga wasaihabufora sasawa keretacnginagoc amma becosicfu kekengngicfora yeni ifi anggec neng firang amba eweheihei fingecnenude.

Makekeng 14:4

Nga ni Pareco ye ubaseri yombong meficgemiba kporacyunuude. Kporacyunuu ni yeac wasaihabufora sasawa yenigoc ewema firang amba eweheihei fingecnenude. Ifi fingeru aigitangicngac yeni yofi negentegecgecde, ni Kebu.” Ifi deu Isracelngicngac yeni ifi anggec.

Makekeng 14:8

Anu Isracelac ngicngacareng hafoangoc yeni kengeha kpac kucgoc kemmagec Kebungo Aigita ngictau Pareco ubaseri meficgemiu kporacyunuma kenec.

Makekeng 3:19

Anu ni ine yofi negenduae, Aigita ngictau ye uaac ebicfunac yungecngunuu kenggecdeac mi negenude. Mari mong seria yombongngo ngombonggeudeusac yungecngunuu kenggecde.

Makekeng 3:20

Imocac ni marina sinema aigitangicngac yeneac botucfu ebicfaka hania hania mi hehena Aigita meficgeyemmema yunubade. Imoc amba wisickeu ine yungecngunuu kenggecde.

Makekeng 7:13

Anu Kebungo deec, faka ifi yombong fingerec. Pareco ye ubaseri amma mi negengyecmeec.

Makekeng 7:3

Nga ni ine Pareco ubaseri meficgemima Aigitabangecfu ebicfaka kuhagoc nga faka mi hehena hania hania monggoc nga monggoc mebade.

Makekeng 8:11

Nga sepengtoatoa yeni gearu nga amabangecga fekendesoc imohai amma enactofoc tofohofocga nga ngicngacfocga yenearu momoc kpac andacma Nilidokuusac ine kemedacma kecgecde.”

Makekeng 8:15

Anu Pareco ye henu sepengtoatoa kpac andacgec sebia efaiu monggoc ubaseri amma mi negenyecmeec. Imoc Kebungo bic deec, ifi yombong fingerec.

Makekeng 8:32

Anu Pareco ye naso imohai ifingoc ubaseri yombong ammangicngac uaac ebicfunac kenggecdeac mi yungecyunuec.

Makekeng 9:12

Nga Kebungo Pareco ubaseri meficgemiu ye Mose nga Aharon yereac yoacac kedzac mi kpeec, Kebungo Mose bic edeec ifi yombong fingerec.

Makekeng 9:35

Anu Kebungo Mose edeecmoc, ifi yombongfingerec. Pareco ye ubaseringoc kecma Isracelngicngac uaacebicfunac mi yungecyunuec.

Yohane 12:40

“Yeni kicnginango mi henggecdeac kicngina mekundung kpeec amma faka meu ubangina dzingfong anu mekundung kpeyunuec nga ubadzigec dzigene mi fingecyemmemanu mengereyunubaiac.” (Yes 6:10)

Roma 1:28

Ngicngac yeni Anutu negemmibesonga negenggec wiac mamea anu faka imoc ngadehema wagec. Imocac amma Anutungo ifingoc kpae mi heima wayunuec. Wayunuu yeni faka kpedahango fenggeyunuu faka ngicngo mi angana, yeni imoc modacma angemekecgec.

Roma 9:18

Imoc yofi, Anutungo mong wosoefac ammibesonga negendeu, imoc ammiude. Amma monggac herea dzegebesonga negendeu, imoc dzegeude.

1 Petoro 2:8

“Nga yeni hoc imohai kpondzong heigecde nga peperandziu tifainggema negemmangang meficgegecde.” (Yes 8:14) Yeni Anutuac yoac kpeandaeac ifi anggecde, yoac imoc yeneac bic dedea.