Makekeng 39:28 - Deduamiti

²⁸ Amma orucfu kporuc yerecgegec imocngo duya anec nga nasotoaac dungina imoc linenwitic pososocngo megec. Nga linenkporuc amma linenkporuc yumuyumuyango dzeingina mana gbotogec.

Makekeng 39:28 ပူးပေါင်းရင်းမြစ်များ

Makekeng 28:32

Nga oruc enudeac wi botuhau singagoc mema tegia mi tegerudeac kporucmemengicngo titingau kporucngo tegia mong mema yerecgema kpebibeso. Imoc wasaingicac aiengngakpiac tegia ifia isoc ambeso.

Makekeng 28:39

Anu linenwitic pososocngo kporuc kibi kibi memusunggema ngakpingina mana mena. Nga ge orucac du linenkporucngo mema fadeng mong kporuc kibi kibingo memusunggebesena.

Makekeng 28:4

Anu wamba imoc yofi mebisia, mokucac kaso nga kasoac masecngakpi nga imocac bageau ngakpi herea isoc maria kpac. Amma ngakpi mana herea mariagoc kporuc kibiagoc memuc memusunggea mema du nga fadeng mebisia. Yeni kpetiac wamba imoc mengeregec dacga Aharon nga medacfora yeni imoc heigec kemeu Aharongngo neac womonggareng ua mebeso.

Makekeng 28:40

Nga Aharon medacfora yeneac ngakpi mana nga fadeng amma du imoc mena heigec eweheihei meficgeyemmebisia nga siricngina gombunga ambeso. Medacma imoc dacga Aharon nga medacfora heiyemmena kemebeso.

Makekeng 28:42

Nga ngakpi manau senggangngina semegecdeac dzei linenkporucngo memea bunginaunac mama tabunginau maudeac mebesena.

Makekeng 39:27

Amma linenwitic pososoc mengerema imocngo kporuc mema Aharon nga medacfora yeneac ngakpi manau megec.

Makekeng 39:29

Nga fadeng imoc linen pososoc yumuyumuya nga witic dorong, giweng amma sacsac imocngo megec. Imoc Kebungo Mose dederecge ammiec, imocac siricfu yombong medacgec.