Makekeng 38:21 - Deduamiti

²¹ Anu Mose ye Kebungo wiac heigboringemmekecduaeac kporucwomonggac areng hemma kpetea isinggema wiac mehagecdeac dederecge ayemmeu wiac imoc sasawa mema megec. Womonggareng Aharonggac medaha Itamarngo garengyunumanu Lewiac kisicarengfora yeneng wiac imoc osodacgec.

Makekeng 38:21 ပူးပေါင်းရင်းမြစ်များ

Mitiyegec 15:1

O Kebu, geac kporucwomongga kpetiacfu merang naric tarude? Nga merang tikiga kpetiacfu naric kefude?

Makekeng 25:16

Ni Kebungo wiac heigboringemmekecduaeac wiac gemba geng imoc katapa imocac manau faibesena.

Makekeng 26:33

Nanggeyunuma mana kpetiac yombonggac naguac kpoructoa imocac honacfu gbedickena nanu Kebungo wiac heigboringemmekecduaeac katapa mema imoc mana kpetiac nga kpataning yombonggac naguac kpoructoaac manau, imohai mekemma faibesena. Imoc yofiac, kporuc imocngo womonggac mana kpetiac nga mana kpetiac nga kpataning yombong mendzicyuruude.

Makekeng 38:20

Nga womonggac ngadeau sobeng oda manau yerecgedacma feec, imocac kping sasawa aieng sacsacngo megec.

Makekeng 38:22

Anu Kebungo Mose ua sasawa megecdeac dederecge ammiec nga Yehuda kisicfunac Uri medaha, Hur esea kpara Betsalecel, yeng ua imoc medarec.

Makekeng 40:3

Nanu imocac manau Kebungo wiac heigboringemmekecduaeac katapa faima imoc mana kpetiac nga kpataning yombonggac kporucngo hedzickebesena.

Makekeng 6:23

Aharon ye Amminadawac naroanga, Naheson naina, kpara Elisewac meu yeng Nadaw, Awihuc, Elecadzar nga Itamar meyunuec.

Bangec kisiu 1:50

Ge ine yeni uayoac yofi yemmebesena, yeni Kebungo wiac heigboringemmekecduaeac kporucwomong wiahagoc amma uaac wiaha sasawa imoc garenggema kecbisia. Yeni kporucwomong nga imocac manau wiaha sasawa imocsac tofohodacbisia amma imocac uayasac mema kecbisia. Amma yeni kporucamangina kpedzima guru mema kporucwomong yerecgema tackembisia.

Bangec kisiu 1:53

Nga Anutuac herebungo Isracelngicngac kpebungngina witiau mi enudeac Lewiac kisicarengfora yeni Kebungo wiac heigboringemmekecduaeac kporucwomong yerecgema kporucamangina kpedzigec enu guru mema tacyac angkecbisia. Ihai tacma yeni imoc garenggema uaya mema kecbisia.”

Bangec kisiu 10:11

Kifa kpete yohockang imocac afo kpete yohockang nga imocac wenac kpete twenti, imohai hoengngo Kebungo wiac heigboringemmekecduaeac kporucwomong wama enec.

Bangec kisiu 18:2

Anu dacmunafocga Lewiac kisicfunac, imoc geac manggacac kisicfunac, yeni ifingoc heitaiyununa yeni naric hama ge nga medacfocga ngenigoc torokpema Kebungo wiac heigboringemmekecduaeac kporucamaac naguyau geac enactofoc tofoho ua mebisia.

Bangec kisiu 24:5

O Yacakow, geac kporucamaga sasawa imoc siricngina gombunga yombong. Isracel, geac amagerecga guruya guruya imoc songodzidziagoc.

Bangec kisiu 9:15

Anu kporucwomong medacma mesigec wenac imohai hoeng mongngo kporucwomong semeec, nga imoc kpara mong Kebungo wiac heigboringemmekecduaeac kporucama. Hoengngo imoc semema femanu ama toforeu siriha gerecborang isoc anu kperagima kporucwomong witiau tackemmanu ama wereckenec.

Mataio 17:4

Nga Petorongo Yesuac deec, “Kebu, nenang yei kecni songea andeac ge negenna naric anu bedzo bedzo harebec meba. Geac mong nga Moseac mong amma Eriaac mong.”

Aposoro 7:44

“Kisicfocnina yeni bangec hocsiragoc, ihai Anutuac kporucwomong megec, imoc Anutungo Mose siriha edzahema derecgemiec, imocac sirihau memea.

2 Korinti 5:1

Neni yofi negendimbe, sebininaac bedzo yomoc, imoc bangecfu bedzoac onga ande. Amma imoc dzamema barackeu Anutungo amanina mong maringo mi memea kurumennu bic fainemmeec. Ama imocngo fefeseri amma feengkefude.

Hebiraio 8:2

Amma ye Anutuac womong yeac womong fora kurumennu nande, ihai kingangkpekpe ua mema kecde. Womong imoc ngicngo mi memea, kpac. Anutu yengenaoc imoc mema faiec.

Hebiraio 9:11

Anu Kristongo bic hama wiac sasawa gombunga yei fede, imocac womonggarengtoa anec. Ifi amma womong mong gombunga yombong maringo mi memea amma bangecfunac wiac mongngo mi memea, imoc nande, imoc kuneng nga hafoangoc gombunga amma esea feraheyombonggede.

2 Petoro 1:13

Amma sebinaac bedzo yomoc hesibadeac nasoya wegenede, Kebunina Yesu Kristongo imoc bic dekperaginenec. Imocac sebinaac bedzogoc kecbade, imohai yoac goa heigboringemmema midingunubadeac negemba naric ande.

Yohaneac kpefing 11:19

Anu kurumennu Anutuac womonggac naguya megec yeac dzadzahacac katapa kicnginango henggec. Hemmagec piratac heiu udumengtoa nga gbururungtoa heiec amma usoc meu nomang gbomeatoa maec.

Yohaneac kpefing 15:5

Ifi heigec wisickeu hemba kurumennu Anutuac womonnu dzadzahac katapaac kporucwomong naguya megec.

Yohaneac kpefing 21:3

Taru ni enacudumengtoa ngictau tatacfunac negemba yofi deec, “Henggec Anutuac womong imoc ngicngac yenigoc nanu yeni yeac areng anggec Anutu yengenaoc yenigoc kecma Anutungina kefude.