Makekeng 36:10 - Deduamiti

¹⁰ Amma yeni kporuc herea marimong ifi torokpeyunugec mocgu anggec nga herea marimong tacgec imoc ifingoc torokpeyunugec mocgungoc andacgec.

Makekeng 36:10 ပူးပေါင်းရင်းမြစ်များ

Mitiyegec 122:3

Yerusalaim imoc taongtoa isoc megec nande. Imoc meserima mocgutoa megec ama nga ama wegenacfu ifi tackendae.

Mitiyegec 133:1

Negenggec, ngicngac daramuna ngeneng negen negengngina kpeturanggema ruaegoc kecandae, imocngo wiac songea yombong.

Makekeng 26:3

Kporuc marimong torokpema marimong ifingoc torokpebisia.

Makekeng 36:11

Amma yeni kporuc kpedzucnegec imocac tegiau yombong kambac kambac witic dorongngo memea faigec kporuc kpedzuc kpedzucnea monggac tegiau yombong ifingoc faigec tarec.

Makekeng 36:9

Nga kporuc noboha mocgu mocgu hereayaac kubitkpete twenti eit nga odahaac kubitkpete neackpac anec. Kporuc sasawa imoc yeneac kubitkpetengina mocgungoc memea.

Tsefanya 3:9

Naso imohai ngic habuya habuya yeneng Kebu neac kpacna kpacma deafehe nga kpacsambic amma uba mocgu namma heitofoho anemma sasawango kingang kpenengdacbesandaeac amma enacbibicngina dzuacma meremba yoac kongahasac debesandae.

Aposoro 2:1

Pentekos tacyacac naso wegenemanu yenahafoc ama mocguu kpedzucnema engensicfu tacgec.

1 Korinti 1:10

Tosofocna, ni Kebunina Yesu Kristoac kpacfu negen negengngina midima yofi edengunuduae, ngeni sasawango yoacdedenginau nga negen negengnginau uba mocgu amma gurunendzic mi angemebisia.

1 Korinti 12:20

Sebi ye mocgu nga sebiac tosea yeni homac.

1 Korinti 12:27

Anu ngeneng ine yofinenggac Kristoac sebi amma tembuc tembuc sebiaac tosea andae.

Efeso 1:23

Anu yeni yeac forakebanga hanimaria anggec yeng imoc hafoangoc sing hania hania meficgedacma sasawa mewakedacande.

Firipi 3:15

Anu yadiseri bic aning, nenang sasawango ifi negensibisina. Nga ngeni wiac monggac negenggec singa siriha mong anudeu Anutungo wiac sufu sufuya imoc ifingoc mekperagingemmeude.