Makekeng 34:9 - Deduamiti

⁹ yofi deec, “O Kebu ge neac negenna ngereeudeu nenigoc botucninau kengkecbesena. Neni ngicngac ubaseri nga fakanina dindingac kpac. Anu geng sifu kopocsicnina wama geangga ngicngac annideac menununa.”

Makekeng 34:9 ပူးပေါင်းရင်းမြစ်များ

Mitiyegec 135:4

Kebungo Yacakow yengena areng segerema Isracel yengena areng yombong anggecdeac meisingyunuec.

Mitiyegec 25:11

O Kebu, ni kopocsic ebira yombong meficgeai nga ge kpac kunenggaac amma imoc sifu wana.

Mitiyegec 28:9

O, ge ngicngacfocga ebicfunac mesiyununa amma geangga ngicngacfocga andae, yeni kenecyunuma yenenggareng ayemmema nasoya nasoya tofohoyunubesena.

Mitiyegec 33:12

Bangecareng mong yeni Anutungina Kebu, yeni kenecnginagoc. Ye yengena areng meisingyunuu yengena areng anggec.

Mitiyegec 78:62

Ye yengena ngicngacfora herebu negengyemmema wayunuu ngic yeneng dzikacac beangngo kpebucyunugec.

Mitiyegec 94:14

Kebungo ngicngacfora mi ngadeyunuma wayunuude. Ye bangecarengfora naric mi wayunuude.

Makekeng 19:5

Imocac amma yoacna negentofoho amma dzadzahacna mema kecgecdeu ngicngacareng yeneac botucfu segerengunuba neac ngicngacfocna yombong anggecde. Bangectoa bangec imoc neac.

Makekeng 32:9

Ifi dema yofi edeec, “Negennec, ngicngac imoc yeni yenengkecba ubaseri yombong andae anu ge ifingoc yennennec.

Makekeng 33:12

Anu Mose ye Kebu yofi edeec, “Ge ngicngacareng yomoc meyunuma hesicyunu kembadeac edenunec nga merac suena nigoc kendede, imoc ine mi edenuannec. Amma yofi denec, ‘Ni kpacga negenduae nga geac negemba ngereede.’

Makekeng 34:7

Amma ye yoac dzegema imoc modackefu imocngo tausenga tausenga yenigoc seria fekefude. Nga faka mangana ngicngac ayemmekecgec amma singyoac ferahegec amma turungnginagoc yeni kopocsicngina wayemmeude. Ye mangana megec imocac turunga eng mi wadarude. Ye imocac kpemeting imoc esamedacfocngina nga bangecfocngina yeneac fingecsahe arenga harebec nga neackpac yenearu imoc kpouyemmeude.”

Mika 7:18

Mongngo Anutu ge isoc mi kecdae, ge maridzomingfocga tosea kecdae, yeneac kopocsic wayemmeannec. Amma herebu naso herea mi mekecma ubamangang ayecayemmeac negenna ngereeande.

Dzekarya 2:12

Ammanu bangec kpetiac imohacnac Kebungo Yehuda bangec imoc tiu enu Yerusalaimmonggoc meisinggebesande.

Bangec kisiu 14:19

O Kebu ge dzadzahac dzegema imoc modackecnec, fakaga seria imoc modacna ngicngac yomoc yeni faka mangana anggenggec, ge imoc sifu wayemmena. Negennec, yeni Aigitabangecfunacngoc hakecma yaguc bangec yomohaingoc hasikegec geng kopocsicngina wama kengkecnec ifi isocngoc yaguc ifingoc kopocsicngina imoc ifingoc wayemmena.”

Mataio 28:20

Nga neng yoac sasawa dederecge angemmekefai, ngeni imoc hafoangoc modacdacgecdeac kpouyemmebisia. Amma negendae, ni wenaha wenaha ngenigoc kecbare naso wisickebesande.”