Makekeng 34:6 - Deduamiti

⁶ Anu ye nammanu Kebungo kiwau ferecgema kpacma deec, “Kebu, Kebu Anutu ye ngicngac yeneac ubahodung negemma wosoefac ayemmeande. Ye herebuya bic mi fingerude amma yoac dedzege amma imoc modackecma yoac foragoc kecande.

Makekeng 34:6 ပူးပေါင်းရင်းမြစ်များ

Fingec fingec 24:27

“Kunenna Awrahamgac Anutu, Kebu ye dzadzahac modacande faka imoc mi waec nga yoac deec imoc modacma kunenna gombunga ammide ye kenehebeso. Yeng ni dindingac yombong wangecnuu kunennaac arengfora yeneac amau hasikedua.”

Nehemia 9:17

Nga geng faka kuhagoc yenearu menec, imoc nigecyunuu ubaseri amma yenang songou sebiengenggoc enara meficyunugec. Amma enara imoc yeneng waraiyemmegec Aigita bangecfu wanac uau kecgec, imohai monggoc dzigenegecdeac negenggec. Anu geng ine kopocsic wawa nga ruaetoa amma wosoefacac Anutu nga herebuga tondzera amma songo fakagango mewakewakeguya, imocac amma ge mi ngadeheyununec.

Mitiyegec 108:4

Geng yoac dedzege amma imoc modackecnec, imocngo wiac engena amma engkecma kurumenga kurumenga feracyunuma enude. Nga ge yoac modac modac angkecnec, faka imocngo sawau emma hoeng kpesereyunuude.

Mitiyegec 111:4

Ye uaya bibiagoc meec, imoc yeng negemmanu negenggec fekefude. Kebungo neneac ubea manganeu ubangerec anemmeude.

Mitiyegec 111:8

Ye dederecgeyoac faiu imocngo nasoya nasoya seria fema fefeseri feengkecbesande. Imoc ikoc nga hamangeha kpac kecma modacma kecbesonga.

Mitiyegec 112:4

Ngicngac uba kongaha amma ikoc nga hamangecngina kpac kecandae, yeni kundung manau kecmagec kperagi fingecyemmeude. Kebu ye ubangerec ayemmema ubamangang negengyemmema dindingac kefude.

Mitiyegec 116:5

Kebu ye wosoefac nga faka dindingacac Kebu. Anutuninango ubamangang anemmeude.

Mitiyegec 138:2

Ni womongga kpetiacfubigeng ngonducnebade. Geng yoac dedzege amma imoc modacnade amma ge yoac modac modac Kebu, imocac kpac kunenggaac ubangerec dekecbade. Ge kpac kunenggagoc nga geng yoacga deserima denec, ge wiac imoc miacna enu imocngo wiac sasawa feraheude.

Mitiyegec 145:8

Kebungo ubangerec anemmema neneac ubea manganeude. Ye ngaba bic mi anemmeude amma yeng yoac dedzege amma imoc modackecde, faka imocngo wiac engena ande.

Mitiyegec 146:6

Anutungo kurumeng nga bangec meficgema kondung nga kondung manau wiac sasawa fede, imoc meficgedarec. Ye yoac modac modac Kebu. Ye ifi kecde nga nasoya nasoya ifi kecengkefude nga kecbesande.

Mitiyegec 31:19

Ngicngac ge eweheihei anggendae, yeni gombungagango garengyunuannec. Nga ngicngac neneng geac hoannu hama sufuni geng ngicngac sasawa yeneac kicfu gombunggango meficnununade, fakaga gombunga imoc homac yombong.

Mitiyegec 57:10

Geng yoac dedzege amma imoc modackecnec nga imocngo wiac herea amma kurumenga kurumenga manau naric enude nga ge yoac modac modac Kebu. Geac faka imocngo wiac herea amma sawau emma hoeng kpesereyunuude.

Mitiyegec 86:15

O Kebu, ge Anutu ubamangang nga wosoefac mingina. Ge ngaba bic mi annade nga geng yoac dedzege amma imoc modackecnec, fakaga imoc wiac engena. Ge yoac modac modacac Kebu nga faka imocngo wake wakea fegende.

Mitiyegec 86:5

Ge gombunga anemmema kopocsic wanemmenade. O Kebu, geng yoac dedzege amma imoc modackecnec. Nga ngic yeneng hofocgugec geng faka imoc modacma wiac gombunga efea kpac ayemmenade.

Mitiyegec 91:4

Ye kpegang dzoeango kperacguu geng yeac kpeganga bageau sufuma kecnade. Ye yoac modac modac Kebu nga fakaya imocngo geac kasoga amma odaga seria ande.

Makekeng 20:5

Ge imoc yeni mi ngonducneyemmebesena amma yeneac enac mi tofohobesena. Nocac ni Kebu geac Anutu, ni ngicngacfocna heresongogoc hoangyunukecduaeac yeneac keracmangang kpetiac amba herenau gerec dzede. Mong ye ni ubango ukunuudeu manggac yeneac kopocsic imocac turunga naroangmedac esangabofocngina fingecenggecdesoc arenga harebec nga neackpac kpouyemmebade.

Makekeng 22:27

Nocac wiac mocgu imocnganoc kperaha sebiaac birang ande, imoha kpac ine noc wiacngo kperacemema gau feude? Ni wosoefacnagocac ye ni kpacsambic anenudeu negemmibade.

Makekeng 33:19

Ifi deu Kebungo yofi deec, “Neac gombungana gearu hama hoanggau feracgubade amma kpacna Kebu imoc kpacba negennade. Ni mong danggunucna mibadeac negemma, ye mibade nga monggac ubamangang ammibeso negenduae, ye ubamangang ammibade.

Yoele 2:13

Amma ngeni kopocsicngina heregoc yombong deficgedacbisia nga ngakpingina witiau eng mi kpesuckebisia.” Ngeni Kebu Anutungina yearu dzigenebisia, imoc yofiac, ye ruae nga wosoefactoa mingina amma herebuya tondzera nga songo fakayango mewakewakea. Amma ye kopocsicnina wama ebicfunac mesimesinunudeac efaikecde.

Yona 4:2

Kebu yofi numumiec, “O Kebu ni bangecnau kecmangoc yofi deai, ‘Faka imocnoc fingerude.’ Ni ifi negenaiac amma bic worama Tarsis imohai kembadeac negenai. Anu Anutu, ge wosoefacgagoc nga ngicngac yeneac ubaga manganeande, ge ngaba bic mi annade nga yoac dedzege amma imoc modacyombonggeannec amma memanganeyunubeso negengannec imoc waannec, ni imocnoc negenai.

Mika 7:18

Mongngo Anutu ge isoc mi kecdae, ge maridzomingfocga tosea kecdae, yeneac kopocsic wayemmeannec. Amma herebu naso herea mi mekecma ubamangang ayecayemmeac negenna ngereeande.

Mika 7:20

Ge warac mangesahocnina Yacakow nga Awraham yerigoc dedeseri fora menec, imoc modacma yereac fingecsahe neni ubamangang anemmema songoga edzacnununade.

Nahum 1:3

Kebu ye herebuya dengecdengec hakecde nga ye kuctoayagoc amma ngicngac kopocsicnginaac turung kpoukpou faka imoc mi waande nga hoengngo hanititiyaac yube angkecde amma firang kuhagoc nga gbungparandanggac manau sing kengande.

Bangec kisiu 12:8

Ni yegoc yoac mong sangoyau mi deanduae, kpac. Ni Moseac kicfu fingec fingec mekperagiemeba nengande. Anu ngeri nocac enactofoc tofohongicna Mose desure ammibeso kengec mi andaoc?”

Roma 2:4

Anutungo faka yumea yombong anggemma modzotitia kpac tomaiga naso herea kecande, imoc ngadehenadeu naric mi ande. Nga ubaga merennadeac Anutungo yumea anggende, ge sifu imoc negentegecbesena.

Yakobo 5:11

Ngicngac modzotitia kpac kecgec, yeneac negenni kenehagoc anec nga ngeni Yopac yoac bic negenggec. Ye ebicfu serima kefecac amma Kebungo yearu faka gombunga meec. Kebungo ubamangang kuneng nga wosoefactoagoc fakaya anemmeude.