Makekeng 34:29 - Deduamiti

²⁹ Anu Mose ye Sinai tikiu Kebugoc yoacyoac anu wisickeu Kebungo wiac heigboringemmekecduaeac tafe yohockang, imoc mariau mema maec. Anu kicmesuya kperagiagoc anec imoc mi negengemeec.

Makekeng 34:29 ပူးပေါင်းရင်းမြစ်များ

Makekeng 16:15

Nga Isracelngicngac yeni hemma imoc noc wiacngo ande, imocac obohoma yenaocngoc yofi dekpesi angemegec, “Imoc noc wiac?” Ifi anggec Mosengo yofi edeyunuec, “Imoc icsogong, Kebungo imoc negecdeac faidac.

Makekeng 31:18

Anu Kebungo Mosegoc sinai tikiu yoac ifi denegeng anec wisickeu yeng Kebungo wiac heigboringemmekecduaeac tafe yohockang hocngo memea miec. Anutu gbongango yoara tafe imohai mendzirec. Kebungo Mosegoc sinai tikiu yoac ifi denegeng anec wisickeu yeng Kebungo wiac heigboringemmekecduaeac tafe yohockang hocngo memea miec. Anutu gbongango yoara tafe imohai mendzirec.

Makekeng 32:15

Anu Mose ye Kebungo wiac heigboringemmekecduaeac tafe yohockang, noboc nga noboc mendzic mendzira, imoc mariau mema tikiunac dzigenema maec.

Makekeng 34:35

Nga Isracel yeni Moseac kicmesuya kperagiagoc hengkecgec. Henggec ye kporucsusucngo kicmesuya monggoc semema kecma monggoc Kebugoc yoacyoac ambeso kengkefec.

Mataio 17:2

Ihai kecmagec Yesuac sebia kicnginau heimerenec. Heimerenu kicmesuya imoc wenac isoc anec nga ngakpikporuha imoc kongac kpema ama meaiu kperagia fingecande, ifi isoc anec.

Mareko 14:40

Numuma hama yenenu yeni monggoc gau fegec. Nocac yeni kicngina ebiriec. Nga ye yoac deu yeni meremmigecdeac obohogec.

Mareko 9:6

Yeni homac kengecyunuecac ye noc wiac debeso, imoc obohoec.

Ruka 2:49

Ifi deu yeng edeyuruec, “Ngeri nocac hofocnudape? Mannango ua mekecde, ua imoc mebadeac denenec, imoc mi negendape me?”

Ruka 9:29

Emma numumanu kicmesuya heimerenu siriha mong anu wambaya kperagima kongac koporarac yombong anec.

Yohane 5:13

Nga ngic ngereec ye merang mengereec, imoc mi negenec nocac Yesungo ngichabutoa nanggecac, ihai kemma kperucgeec.

Aposoro 12:9

Ifi deu Petorongo yacma angero modacma kenec. Kemma angerongo faka yearu meec, imocac negenu onga isoc anec.

Aposoro 23:5

Ifi degec Paurongo yofi deec, “Tosofocna, ye womonggarengtoa kecde, imoc mi negemma yoac singau mi dedua. Mitikibiu yofi oho ohoya fede, ‘Ge enaramemengina mi soweckebesena.’ ” (Mke 22:28)

Aposoro 6:15

Nga yudangic sasawa tutumangtoanginau tacgec, yeneng Stefano henserima henggec kicmesuyango angero yeneac siric isoc anec.

2 Korinti 3:13

Moseac kicmesuyaac kperagia, imocac kuha mamanu ye yofi negemma kicmesuya kporucsusucngo kperahaec, “Isracel ngicngac faka imoc mi hembisia.” Nga neneng ine ifi mi angandimbe, kpac.

Yohaneac kpefing 1:16

Ye marifoiau asomeng 7 menanec nga enaraunac wasai beang mana ngadea enaragocngo ereec. Kicmesuya imoc wenackiwa kuhagoc neraranggeande, ifi isoc anec.

Yohaneac kpefing 10:1

Anu ni angero kuhagoc mong hemba kurumennunac maec. Ye hoengngo temboc tembonggea oruhau asommadoc heiec nga kicmesuya imoc wenackiwa isoc amma hanihora imoc wotung isoc gerehagoc.