Makekeng 34:10 - Deduamiti

¹⁰ Ifi deu deec, “Negennec, ni dzadzahac mong ngenigoc mebade. Nga ngicngacfocga hafoangoc yeneac kicfu faka bibiagoc mebade. Faka ifia warac bangectoa bangec sasawau nga bangecareng sasawa ngenearu mi fingec fingera imoc meba henggecde. Anu Kebu neng faka meba ge ngicngacareng botucnginau kecnec yeni sasawango imoc henggecde. Imoc yofi, neng faka anggembade imoc wiac bibiagoc nga engena.

Makekeng 34:10 ပူးပေါင်းရင်းမြစ်များ

Mitiyegec 106:22

Yeng Hamgac bangecfu kucfaka bibiagoc mema kondung sacsacfu faka kicfuria meu kerectegec anggec.

Mitiyegec 136:4

Kebu kucfaka bibiagoc mekecde, ye ubangerecyoac memibesonga. Yeng yoac dedzege amma imoc modackecde, faka imocngo fefeseri feengkefude.

Mitiyegec 145:6

Ngic yeneng uaga damu damuyagoc nga kuhagoc mekecnec, imoc dekperagiyemmebisia. Nga ge engenatoa, imoc dekperagibade.

Mitiyegec 147:20

Ye bangec areng goa yeni faka ifia mong mi ayemmeec. Yeneng yeac dederecgeyoac mi negendae, kpac. Kebu eriendzong memini, hallelu Yac.

Mitiyegec 65:5

O Anutu, memengerecnina, ge nunumunina negemma fakaga mi hehena amma turunga merennemmema ebicfunac mesinununade. Bangec tegia fekende, imocac ngicngacfora nga ngicngac kondung ferahema tegiau kecdae, yeni sasawango kekecnginau wiac fora fingerudeac ge negensiguma tomaiga kecgecde.

Mitiyegec 66:3

yofi debisia, “Geng wiac angannec, imoc wiac engena yombong, imocac kerectegec andimbe. Ge kucga monggoc, imocac ngabafocga geac bageu kecma ngonducnegecde.

Mitiyegec 66:5

Ngeni hama Anutungo ua meec, imoc hembisia. Ye bangecngicngac nenanggoc kecma ua bibiagoc meude.

Mitiyegec 68:35

O Anutu, ge damu damugagoc amma ge kpetiac womonggau kecnec. Isracelac Anutu ye ngicngacfora gareng anggecdeac kuc nga sebinginaac kuc yemmeude. Anutu keneheni, hallelu Yac.

Mitiyegec 72:18

Kebu keneheni. Isracelac Anutu yengsac kucfaka engena mekefu neneng imoc negenni wiac engena ande.

Mitiyegec 76:12

Nocac yeng ngictau medacfocngina yeneac onganginaac kuc meickema bangecac ngictau kengectoa meficgeyemmeude.

Mitiyegec 77:14

Anutu ge mocgungo kucfaka bibiagoc mekecnec. Ge kucuaga ngicngacareng botucnginau mena yeneng imoc bic henggec.

Mitiyegec 78:12

Ye Aigita bangecac Tsoan yeneac bangec nobohau esangabo yeneac kicfu kucfakaya bibiagoc meec.

Makekeng 34:27

Anu Kebungo Mose yofi edeec, “Ni ge nga Isracel ngenigoc yoac imoc modacma dzadzahac anduaeac amma imoc mekecnadeac ohobesena.”

Makekeng 34:28

Nga ye Kebugoc hadzing tofocnac foti kecma yaka nga doku mi nenekefec. Kecmanu tafe imohai dzadzahacac yoac ten mendzicma miec.

Mika 7:15

“Anu naso imohai Aigitanac meicngunuma faka morora edzacngunuyai ifi isocngoc yeni edzacyunubesanduae.”