Makekeng 33:3 - Deduamiti

³ Meicyunuma ngeni bangec namu nga hanifosoc doku isoc hakecde, imohai hesicngunuu kenggecde. Nga ngeni ngicngacareng ubaseri andaeac sinnu kemma memanganengunubaiac ni ngenigoc mi kembade.”

Makekeng 33:3 ပူးပေါင်းရင်းမြစ်များ

Mitiyegec 78:8

Yeni mangesafocngina yeni isoc ambauac ifi anec. Mangesafocngina yeni serima kecma yoackpekpe areng amma herenginango ye seria mi modacgec nga asunginango Anutu wama kecgec.

Makekeng 13:5

Ngeni Kebungo wangecngunuu Kenacanngic, hittingic, amoringic, hiwingic nga yebusingic yeneac bangec dokuyagoc nga kerectoayagoc imohai kengsikegecde. Ye kisicfocngina yoac deseriyemmema imoc genudeac deec. Amma imoc genu ge yeac enac tofohoma afo yomohai yeac eweheiheifaka yomoc ammibesena.

Makekeng 23:21

Waraigenu ge yeac kicfu garengemema kecma yoara negentofoho ambesena nga yeac yoac mi kpebesena. Neac kpacna yeac ubaongea manau fekecdeac singyoara kpegecdeu yoackpekpengina imoc mi wangemmeude.

Makekeng 3:17

Ifi anu deserima yofi deduae, ni Aigitabangecac sisic kpendzennunac wangecngunu kengkecma kenacanngic, hittingic, Amoringic, peridzingic nga hiwingic amma yebusingic, yeneac bangecfu faingunubade. Bangec imohai namu nga hanifosoc doku isoc hakecde.

Makekeng 3:8

Imocac ni aigitangicngac yeneac mariunac yungecyunuma onggongyunuba komoc kpegecdeac negemma madua. Amma bangec imohacnac wangecyunuma kemma bangec gombunga nga kunengtoa ihai faiyunubade. Bangec imohai namu nga hanifosoc doku isoc hakecde. Imoc kenacanngic, hittingic, Amoringic peridzingic nga hiwingic amma yebusingic yeneac bangecfu faiyunubade.

Makekeng 32:14

Ifi deu Kebungo ngicngacfora ebictoau faiyunuudeac warac deec imoc negenu naric mi anu waec.

Makekeng 33:5

Anu Kebungo Mose yofi edeec, “Ge Isracel medacfora yofi edeyununa, ‘Ngeni ngicngac ubaseri yombong, ni naso wegenanec me naso mocgu ngeneac botucfu kecma memanganengunuba kpacambauac. Imocac amma ringnganoc heiandae imoc meickedacbisia. Meickegec dafi angemmebade, imocac negengising ambesare.’ ”

Makekeng 34:9

yofi deec, “O Kebu ge neac negenna ngereeudeu nenigoc botucninau kengkecbesena. Neni ngicngac ubaseri nga fakanina dindingac kpac. Anu geng sifu kopocsicnina wama geangga ngicngac annideac menununa.”

Yona 3:10

Anu yeni yoac imoc modacma manganangina sasawa imoc ngadehedacma wadacgec. Wagec Anutungo imoc hemma memeting ayemmeudeac deec imoc waec.

Yona 3:4

Anu ye taontoau kensikema wenac mocgusac kengkecma yofi dekperagiyemmema edeyunuec, “Uameme foti wisickemanu Ninewe yomoc kpetotiegecde.”

Bangec kisiu 13:27

Edzacyunuma Mose yofi edegec, “Ge suenununec neni bangec imohai kensikeing. Fora yombong, bangec imohai namu nga hanifosoc doku isoc hakecde amma imocac icgbomeaac foraya yomoc.

Bangec kisiu 14:12

Neng deba hafei homectoayagocngo yunuhomema kpetotieyunuu kpac anggecde. Anu ge ine mesaheguba ngicngacareng kuneng anna kucgango yeneac kucngina feraheude.”

Bangec kisiu 14:8

Nga Kebungo nenanggac negenu ngereeudeu yeng naric imohai hesicnunuma bangec imoc nemmeude. Bangec imohai namu nga hanifosoc doku isoc hakecde.

Bangec kisiu 16:13

Ge bangec namu nga hanifosoc wake wakea imohacnac hesicnunuma bangec kisi yomohai homenideac menunuma hanec. Nga imoc negenna wiac mamea anu geng enaratatac mema enaranina yombong annadeac denec.

Bangec kisiu 16:21

“Ngeri ngichabu yomoc yeneac botucfunac meickema tembucngira nammaec ni bic yombong meicyunudacbade.”

Bangec kisiu 16:45

“Ngeri kpebung yomoc yeneac botucnginaunac meickeec! Ni bic yombong yunuhomeba kpac anggecde.” Ifi deu yeri kicmesungirango bangecfu hetutuckema feoc.

Aposoro 7:51

“Ngicngac gori goria, ngeni ubakedzacngina fonggo fonggoya, kisicfocngina yeni Tiri Asu deendema ammikecgec, ngeni ifingoc ifi andae.