Makekeng 33:11 - Deduamiti

¹¹ Anu Kebungo Mosegoc ngic mongngo ogeagoc engemma namma yoacyoac angandape, ifi isoc yoacyoac angkefoc. Amma Mose ye monggoc dzigenema hau memefiha sebigborimedac Nun medaha Yehosuac, ye kporucama mana mi wama imohai kefec.

Makekeng 33:11 ပူးပေါင်းရင်းမြစ်များ

Fingec fingec 32:30

Keneheu Yacakow ye yofi deec, “Ni Anutuac kicmesuya yombong hendua anu mi homedua.” Ifi dema amabangec imocac kpara Penicel kparec.

Makekeng 17:9

Anu Mosengo Yehosuac yofi edeec, “Ge nenanggac wasaingic meisingyunuma waraiyemmena kemma amelekngic yenigoc ewebisia. Nga ni wereckenu tiki bumau emma Anutuac yasu menambade.”

Makekeng 24:13

Ifi deu Mose ye enactofoc tofohongiha Yehosuac yerahafoc yacma Anutuac tikiu enoc.

Makekeng 32:17

Anu Yehosuac ye ngicngac yeneac arongina nga orongngina negemma Mose yofi edeec, “Ni dzikacudumeng kporucamabangecfu fingeru negenduae.”

Makekeng 33:10

Nga ngicngac tembuc tembuc sasawa yeni hoeng herea kporucamaac naguyau nanu hemma kporucamangina naguyausoc namma Anutu dengerekecgec.

Makekeng 33:9

Emmanu hoeng hereango mama kporucamaac naguyau hedzickema nammanu Kebungo Mosegoc denegeng angkefec.

Bangec kisiu 11:28

Ifi deu Nun medaha Yehosuac ye sebigboriaunacngoc Moseac enactofoc tofoho kefec yeng yofi edeec, “O Mose kunenna, ge hama kpae heiyecmebesena.”

Bangec kisiu 12:7

Nga enactofoc tofohongicna Mose ye ifi mi ammianduae, ye amana hafoangoc imocac manau naric kecde.

Bangec kisiu 12:8

Ni yegoc yoac mong sangoyau mi deanduae, kpac. Ni Moseac kicfu fingec fingec mekperagiemeba nengande. Anu ngeri nocac enactofoc tofohongicna Mose desure ammibeso kengec mi andaoc?”

Yohane 11:11

Ifi dema yoac monggoc torokpema edeyunuec, “Nenang ogonina Radzaro gau feu ni midiba yarudeac ihai kembade.”

Yohane 3:29

Ngic enembingehagoc yeng ngacfu kenude. Anu ngicac ogeango yeac enacfunac memeturanggac siduha negemma ubangerectoa negenude. Nga ni ifi isoc yaguc ubangerec hafoangoc negenduae.

Yakobo 2:23

Anu imoc fora ande nga mitikibingo edzacnunuma yofi dede, “Abarahang ye Anutu negensinggeu Anutungo yeac ngic dindingac demiec.” (Fing 15:6) Amma yeac yofi degec, “Ye Anutuac ogea.”