Makekeng 32:8 - Deduamiti

⁸ Ni sing modacgecdeac dederecge ayemmeai imoc bic wama sing segema kendau. Kemma gol gerea hetinggegec patatakeu burumakamedahaac onga mong mema yeac kicfu ngonducnema numumima sese faimima yofi dedau, yomoc Isracel geac anutuga engena, yeng Aigitabangecfunac hesicguma meguma hadac.”

Makekeng 32:8 ပူးပေါင်းရင်းမြစ်များ

Nehemia 9:18

Yeni ubanginaac netohoma golngo burumaka ongea mema yofi degec, ‘Yomocngo neneac anutu. Yennoc Aigita bangecfunac wangecnunu haec,’ Dema faka wonongagoc eweheiheiya kpac anggec.

Mitiyegec 106:19

Anu yeni Horew tikiu kecma burumaka medahaac ongea mong mema nemuonga aiengngo mema, imoc eweheimima numumigec.

Mitiyegec 78:36

Nga yeni enacnginango ine kerecyoac ammima nedzarangnginango ikocyoac ammigec.

Makekeng 20:23

Ngeni ni hoannukecma anutu dema nemuonga silwa me golngo memea mi meyunuma hoangyunukecbisia. Amma anutu dema nemuonga golngo memea imoc mi mebisia.

Makekeng 22:20

Anutuacsac sesegerec ohomibisia. Ngicngac nemuonga nga anutu hania hania sesegerec ohoyemmegecdeu yeni kpetotieyunudacgec kpac ambesandae.

Makekeng 32:4

Mekenggec yeng imoc mocgu mocgu mema gol gerea hetinggeu patatakeu burumakamedahaac ongea mong meu yeni hemma yofi degec, “Yomoc Isracel geac anutuga engena. Yeng Aigitabangecfunac hesicguma haec.”

Makekeng 34:15

Bangec imoc kecdae yeni singtoangac isoc nemufocngina nga anutufocngina hania hania hoangyunuma yeneac sese dema wiac kpema faiandae nga goa yeni heitaigugec ge seseyakangina imoc nebanggac. Imocac amma ge ngicngac bangec imohai kecdaemoc yenigoc dzadzahac mi mebesena.