Makekeng 32:15 - Deduamiti

¹⁵ Anu Mose ye Kebungo wiac heigboringemmekecduaeac tafe yohockang, noboc nga noboc mendzic mendzira, imoc mariau mema tikiunac dzigenema maec.

Makekeng 32:15 ပူးပေါင်းရင်းမြစ်များ

Mitiyegec 19:7

Kebuac dedeseri imoc gombunga amma ngicngac ubaonganina heigboriude. Amma Kebungo yoac dekperagi nemmeude, imoc fora yombong amma ngic negen negentegecac obohoande, ye negen negentegec meficgemiude.

Makekeng 16:34

Anu Aharon ye Kebungo Mose dederecge ammiec, imocac siricfu amma Kebungo wiac heigboringemmekecduaeac wiac, imocac fanihau fau tarec.

Makekeng 24:12

Anu Kebungo Mose edeec, “Ge nearu tikiu erema kecna singyoac seria nga dederecgeyoac tafe hocngo memea imohai ohoyaimoc imoc edekpou ayemmenadeac gembade.”

Makekeng 24:18

Femanu Mose ye hoeng manau tikiu emma hadzing tofocnac foti ihai kefec.

Makekeng 31:18

Anu Kebungo Mosegoc sinai tikiu yoac ifi denegeng anec wisickeu yeng Kebungo wiac heigboringemmekecduaeac tafe yohockang hocngo memea miec. Anutu gbongango yoara tafe imohai mendzirec. Kebungo Mosegoc sinai tikiu yoac ifi denegeng anec wisickeu yeng Kebungo wiac heigboringemmekecduaeac tafe yohockang hocngo memea miec. Anutu gbongango yoara tafe imohai mendzirec.

Makekeng 32:16

Nga tafe imoc Anutungo meec. Amma imohai kibi mendzic mendzira imoc Anutu yengenaoc mendzirec.

Makekeng 34:29

Anu Mose ye Sinai tikiu Kebugoc yoacyoac anu wisickeu Kebungo wiac heigboringemmekecduaeac tafe yohockang, imoc mariau mema maec. Anu kicmesuya kperagiagoc anec imoc mi negengemeec.

Makekeng 40:20

Faima Kebungo wiac heigboringemmekecduaeac wiac katapa manau fau kemeu tofohogecdeac tofoya sineu kenu tapea katapa witiau heiec.

2 Korinti 3:3

Anu neni ngenearu ua meni ngeneng Kristoac kibi andae, imoc didiu bic fingectegerec. Amma kibi imoc pengdokuyango mi oho ohoya, kpac. Anutu kekehagoc yeac Asungo ine kibi imoc ohoec. Nga ye imoc tafebisic hocngo memea, imohai mi ohoec, kpac. Imoc ine ngicac sebifusiac tafeu ngicngac ubaherenginau oho ohoya fede.

2 Korinti 3:7

Anutungo dedeseriyoac imocac kibi hocfu ohoec. Yoac imocngo homec meficgenemmeec amma sifu kuc nga kibikperagiagoc haec. Moseac kicmesuya kperagiu Isracel ngicngac yeni kicmesuyau kic figecdeac osigec. Ngade ine kuha maec.

Hebiraio 9:4

Imohai hosuc homuna gombunga oho ohoac arata golngo memea nga dzadzahacac katapa taroc. Dzadzahacac katapa imoc golngo faima mekatahedacgec nga imocac manau enang golngo memea mannayakagoc faigec tarec. Aronggac yasu sera kpekpea nga dzadzahacac tafe ihai ifingoc faigec feec.

Yohaneac kpefing 5:1

Kebu ngictau tatacfu tarec, ye kibi kpou kpouya mong marifoiau mekefec. Nga imoc kibi manaac ngadeau kibi oho ohoya feec. Anu imohai kendokereha 7 onganginagoc, imocngo mendac mendanggea henai.