Makekeng 32:12 - Deduamiti

¹² Ge ifi anna Aigitaareng yeni yofi debauac, ‘Ebictoau faiyunuudeac negensima wangecyunuma tikibangecfu kemma yunuhomema bangecfunac medzigueyunuu kecma kpac anggecdeac ifinoc anec!’ Imocac ge sifu herebugaac gerec wama ngicngacfocga ebictoa yemmebeso negensinec imoc sifu wana.

Makekeng 32:12 ပူးပေါင်းရင်းမြစ်များ

Fingec fingec 6:6

Anu ye imoc hemma ngicngac meficyunuma bangecfu faiyunuec uaya imoc ubeango wama ubaebictoa meec.

Mitiyegec 106:45

Ye warac dzadzahac yenigoc meec, imoc yeneac amma negenu feec. Yeng yoac dedzege amma imoc modackecde, imocngo efea kpac femideac amma yeneac ubamangang negengkefec.

Mitiyegec 74:18

O Kebu, ngabafocga yeni ngadeguma deendema anggenggec ngic negen negengngina kpac, yeni geac kpac kuneng demanganeandae, imoc negenna febeso.

Mitiyegec 78:38

Yeni kopocsicnginagoc kecgec, forangoc, nga yeng sifu yeneac ubea manganeu manganangina wama mi kpetotieyunuec. Ye naso homac ngabaya dzegema herebuya erebacac imoc kpetarimiec.

Mitiyegec 85:3

Ge herebuga wama ngaba gereagoc angkecnec, imoc wadacnec.

Mitiyegec 90:13

O Kebu, ge monggoc dzigenena. Naso dafiguc monggoc geac tomai tacbesonga? Ge kingang ngicfocga neneac ubaga manganeu.

Makekeng 32:14

Ifi deu Kebungo ngicngacfora ebictoau faiyunuudeac warac deec imoc negenu naric mi anu waec.

Makekeng 33:13

Imocac ge neac negenna naric andeu negenggubadeac singga naric edzacnuma torokpema neac negenna ngereebeso. Nga bangecareng yomoc yeni geac ngicngacareng, ifi negensiyunubesena.”

Yoele 2:17

Amma yofi ambisia, womonggareng Kebuac amau waraiyemmeandae, yeneng nagu nga arata botucngirau kiacma yofi debisia, “Kebu, maridzomingfocga neneac ubaga manganebeso. Nga ifi mi annadeu ngicngac goa yeneng bangeha bangeha yeneac botucfu ngadenunuma desusuic anemmema yofi degecde, ‘yeneac Anutu ye dahai?’ ”

Amosi 7:3

Ifi deba Kebungo negen negengnga heimeremma yofi deec, “Imoc mi fingerude.”

Amosi 7:6

Ifi deba Kebungo negen negengnga heimeremma yofi deec, “Imoc ifingoc mi fingerude.” Kebu Kpembibiagoc yengenaoc ifi dede.

Yona 3:9

Imoc yofi gedang, ifi annideu Anutungo negen negenga meremma ebic fingecnemmeudeac deec, imoc waude gedang. Ifi anu herebuyaac gereango mi nonohobac. Ifi amma komoc kpebing.”

Dzekarya 8:14

Amma Kebungo torokpema yofi deec, “Esangabo nga bangecfocngina yeneng herebu meficgenengkecgec naso imohai memanganeyunubadeac negengareng angkefai imoc mi wakefai.

Bangec kisiu 14:19

O Kebu ge dzadzahac dzegema imoc modackecnec, fakaga seria imoc modacna ngicngac yomoc yeni faka mangana anggenggec, ge imoc sifu wayemmena. Negennec, yeni Aigitabangecfunacngoc hakecma yaguc bangec yomohaingoc hasikegec geng kopocsicngina wama kengkecnec ifi isocngoc yaguc ifingoc kopocsicngina imoc ifingoc wayemmena.”

Bangec kisiu 16:21

“Ngeri ngichabu yomoc yeneac botucfunac meickema tembucngira nammaec ni bic yombong meicyunudacbade.”