Makekeng 32:11 - Deduamiti

¹¹ Anu Mose ye Kebu Anutuyaac kicfu kpacsambic ammima yofi numumiec, “O Kebu, gennoc ngicngacfocga Aigitabangecfunac kuctoagagoc nga mariserigango meyunuma hesicyunuma hanec. Ge yenearu herebugaac gerecngo yonohoudeac denec, imoc mi ngereede.

Makekeng 32:11 ပူးပေါင်းရင်းမြစ်များ

Fingec fingec 18:27

Ifi deu Awraham ye meremmima yofi deec, “Kebu negennec, ni sendung nga hama isoc amma yoac debadeac kpae sifu mi heinenna.

Nehemia 1:10

Isracel yeni geac uangicfocga nga ngicngacfocganoc. Ge kuctoaga engena nga mariserigango mesiyununec.

Mitiyegec 106:23

Yeneng ifi anggec yeng kpetotieyunuudeac deu Mose meising ngihango Anutuac kicfu namma yeac herebu menomaneec. Ye ifi mi nambac dede Anutungo kpetotieyunuu kpac ambau.

Makekeng 32:7

Ifi anggec Kebungo Mose yofi edeec, “Ngicngacfocga Aigitabangecfunac meyunuma hesicyunu hanec yeni kekec nga angammemengina manganeyombonggedeac ge yacma bic kemena.

Makekeng 6:6

Imocac Isracelngicngac yofi edeyununa, ‘Nennoc Kebu, anu aigitangic yeneng mengunuma uatoa ebiria yombong ngemmema ngombongngunuma kecgec neng imohacnac onggongngunuma hesicngunuba kenggecde. Ni marina sinema yoacngina dema memetingtoa yemmema ngeni uaac ebicfunac yungecngunuba kenggecde.

Makekeng 8:8

Ifi fingeru Parecongo Mose nga Aharon haecdeac yoac fau haec yofi edeyuruec, “Ngeri Kebungira numumiec yeng sepengtoatoa ni nga ngicngacfocna nenearunac meicyunuu ni ngicngacareng faiyunuba yeni naric kemma Kebungina sesegerec ohomibisia.”

Danicel 9:15

O Kebu Anutunina, ge mariga kuhagocngo Aigitabangecfunac ngicngacfocga hesicnununec imohai kpackunengga meficgenec nga imoc yofinenggac fedengoc. Amma ngicngacfocga neni ine kopocsic meficgema ubahereninau faka mangana arenggema imoc amma kefing.

Yoele 2:17

Amma yofi ambisia, womonggareng Kebuac amau waraiyemmeandae, yeneng nagu nga arata botucngirau kiacma yofi debisia, “Kebu, maridzomingfocga neneac ubaga manganebeso. Nga ifi mi annadeu ngicngac goa yeneng bangeha bangeha yeneac botucfu ngadenunuma desusuic anemmema yofi degecde, ‘yeneac Anutu ye dahai?’ ”

Bangec kisiu 11:11

Kebu yofi edeec, “Ge enactofoc tofohoga ni nocac mangana yombong anendang? Ni negemba imoc mi ngereede. Ge neac negenna mi ngereeu ngicngacareng hafoangoc yomoc yeneac ebic imoc neac witiu fainec!

Bangec kisiu 14:13

Ifi deu Mose ye Kebu yofi edeec, “Ge ifi anna aigitangicngac yeni geac siduc yofi negenggecde! Ge kuctoagagocngo ngicngacareng yomoc botucnginaunac hesicyunuma hanec.

Bangec kisiu 16:22

Ifi deu yeri kicmesungirango bangecfu hetutuckema yofi deoc, “O Anutu, gennoc ngicsebigoc sasawa yeneac asunginaac kunengngina. Imocac ngic mocgungo kopocsic meficgeu ngichabu hafoangoc yeneac herebu negennade, imoc mi ngereede.”

Bangec kisiu 21:7

Homegec ngicngac yeni Mosearu hama yofi edegec, “Neni Kebugoc ngeri yoac dengecmema kopocsic meficgedinggac amma ge Kebungo nenearunac boidzoc sasawa meicyunuudeac numumibesena.” Ifi degec Mose ye ngicngac yeneac amma numuec.

Bangec kisiu 27:4

Nga ye medaha kpac kefecac amma kpara arengfora yenearu kpac anude imoc naric mi heide. Imocac manninaac dacmunafora yeneac botucfu bangec mong nemmebisia.”