Makekeng 32:1 - Deduamiti

¹ Mose ye tikiu kefu naso hereeu ngicngacareng yeni imoc hemma Aharonggaru kemma kpedzucnema yofi edegec, “Mose ye Aigitabangecfunac menunuma hesicnunuec, imoc yearu noc wiac fingecmiec imoc mi negendimbeac ge bic yacma anutu mong menemmena yeng warainemmema kembeso.”

Makekeng 32:1 ပူးပေါင်းရင်းမြစ်များ

Fingec fingec 19:14

Ifi deec, Lot ye kemema ngic naroanghora meyurubeso anoc yeri yofi dema edeyuruec, “Kebungo bangec yomoc kpetotiebeso andeac ngeri yacma bangec yomoc wama woraec.” Ifi deu yeri negenec ye tenic ande dema ioc baoc amma waoc.

Fingec fingec 21:26

Ifi deu Awimelecngo yofi deec, “Ngic damoc yeneng ifi anggenggec imoc ni mi negenduae. Geng imocac siduc mong mi anennec nga ni ifingoc imocac siduc mong mi negenai yagucsac negenduae.”

Fingec fingec 39:8

Deu ye imoc wama yofi dema meremmiec, “Negennec, kunenna ye neac negenu naric anu ameau wiac sasawa fedacde imocac negengyohoc mi amma neac mariu faidarec.

Fingec fingec 44:15

Ifi anggec yeng yofi dema kpesiyemmeec, “Ngeni noc faka andau? Ni ngic yofia, ni kpefing amma faka sufu sufuu angkecdae naric meficgebade. Ngeni imoc negembau imoc ngereebac.”

Fingec fingec 44:4

Kemma taongtoa wama kenggec sing mi hereemanu Yosefngo amagarenga yofi dema sueec, “Ge yacma ngic imoc modacyunuma kenna. Kemma meficyunuma yofi debesena, ‘Neni faka gombunga angemmeding anu ngeni nocac faka mangana andau? Ngeni kunennaac kpakenec silwango memea imoc hamangec medau.

Mitiyegec 106:19

Anu yeni Horew tikiu kecma burumaka medahaac ongea mong mema nemuonga aiengngo mema, imoc eweheimima numumigec.

Makekeng 13:21

Yeni wenacfu nga tofocnac naric kenggecdeac Kebungo wenacfu sing edzacyunuudeac hoengherec manau waraiyemmekefec nga tofocnac ine kperagiyemmeudeac ine gerecborang mong herea dzema feec, imocac manau kefec.

Makekeng 14:11

Amma Mose yofi edegec, “Aigitabangecfu kicsere homac fedenoc. Nga ge ine yei bangeckisiu homenideac hesicnununa hading, imoc naric mi ande. Ge nocac ifi amma Aigitabangecfunac wangecnunu hadang.

Makekeng 16:3

yofi edeyurugec, “Neni Aigitabangecfu kecmina Kebuac maringo nunuu homeni ngereebac. Ihai birikenninau yang ohoma tacma yaka homac fenemmeu negebec amma kefing. Nga ngeri nocac yeac kpebung hafoangoc yomoc neni yakaac homema kecma homedacnideac bangec kisi yomohai wangecnunuec hama kecdimbe.”

Makekeng 20:23

Ngeni ni hoannukecma anutu dema nemuonga silwa me golngo memea mi meyunuma hoangyunukecbisia. Amma anutu dema nemuonga golngo memea imoc mi mebisia.

Makekeng 24:12

Anu Kebungo Mose edeec, “Ge nearu tikiu erema kecna singyoac seria nga dederecgeyoac tafe hocngo memea imohai ohoyaimoc imoc edekpou ayemmenadeac gembade.”

Makekeng 24:18

Femanu Mose ye hoeng manau tikiu emma hadzing tofocnac foti ihai kefec.

Makekeng 32:11

Anu Mose ye Kebu Anutuyaac kicfu kpacsambic ammima yofi numumiec, “O Kebu, gennoc ngicngacfocga Aigitabangecfunac kuctoagagoc nga mariserigango meyunuma hesicyunuma hanec. Ge yenearu herebugaac gerecngo yonohoudeac denec, imoc mi ngereede.

Makekeng 32:22

Ifi deu Aharongngo yofi deec, “O kunenna, ge herebuga gereagoc ifi fede, imoc naric wabang me? Ngicngacareng imoc yeni mangana bic anggec imoc negennec.

Makekeng 32:23

Amma ni yofi edenugec, ‘Mose ye Aigitabangecfunac menunuma hesicnunu haec, ngic imoc yearu noc wiac fingecmiec imoc neni mi negendimbe, imocac ge anutu engena mong menemmena yeng warainemmeudeacsoc anu kengkecbisina.’

Makekeng 32:7

Ifi anggec Kebungo Mose yofi edeec, “Ngicngacfocga Aigitabangecfunac meyunuma hesicyunu hanec yeni kekec nga angammemengina manganeyombonggedeac ge yacma bic kemena.

Makekeng 33:3

Meicyunuma ngeni bangec namu nga hanifosoc doku isoc hakecde, imohai hesicngunuu kenggecde. Nga ngeni ngicngacareng ubaseri andaeac sinnu kemma memanganengunubaiac ni ngenigoc mi kembade.”

Mika 6:4

Ni wanac bangec Aigitanac agengngina tima wangecngunu hayai. Amma Mose, Aharon nga Miryam sueyunuba waraingemmegec.

Bangec kisiu 14:22

Ngic sasawango neac kibikperagina henggec amma Aigitabangecfu nga bangeckisiu negensinggegecdeac faka morora mema edzacngunuba imoc hengkecgec, yenennoc faitobannu fainuma ubaudumennaac kedzac mi kpegec, imoc naso ten ande.

Mataio 24:43

Hamangecngic ye ama hetackema engande. Nga ama mingina mong ye hamangecngic noc nasou haude negendeu ye gaugbori kecma amea garenggekecma hamangecngic imoc kpae heimiude.

Mataio 24:48

Nga wanacngic mangana, ye ine yengenaoc negensiude, ‘Ni minginna naso herea kecmaguc haude.’

Aposoro 17:29

Anu nenang Anutuarunac, imocac amma ngic yeni ubau negemma gol me silwa me hocngo marikibi meandae, Anutungo ifi isoc ande, imoc mi negensibisia. Anutu ye kuctoa mingina.

Aposoro 19:26

Nga ngic mong hama kecde kpara Pauro, yeac hania negendae. Ye Efeso amaunac nga Asia bangec goaunac ngic noc efea fenggeyunuma uba mesufu ayemmema yofi edeyunuande, ‘Nemuonga ngicmaringo memea, imoc wiac fora kpahac.’

Aposoro 7:40

Arong yofi edegec, ‘Ge nemuonga mong menemmena nemu imocngo warainemmebeso. Mosengo Aigita bangecfunac hesicnunu haec, ye gedang bic sufuma kpac anec.’

2 Petoro 3:4

degecde nga debesandae, “Haudeac edengunuec, ye damoc kecde? Anutungo hanac hanaheaunacngoc wiac sasawa deu fingerec nga mangesafocnina homegecfunac nang erekecma yaguc kecdimbe, imoc sasawa yeni warac feec isoc siriha mockicngoc fede.”