Makekeng 31:6 - Deduamiti

⁶ Nga negennec, ni Danggac kisicfunac Ahisamacac medaha Oholicaw meisinggeai, yeng yeac marimefic amma ua mebeso. Anu ni ifingoc marikibimeme sasawa marikibi megecdeac negen negeng ubanginau bic faiduaac wiac menadeac bic dederecge anggenai imoc yeni naric medacgecde.

Makekeng 31:6 ပူးပေါင်းရင်းမြစ်များ

Makekeng 28:3

Marikibimeme nga negen negentegec ngic sasawa negen negentegecac Asungo mewakeyunuai, ge ngic imoc yeni sasawa edeyununa yeni Aharonggac wamba ifi memigec, yeng heu kemeu neac kpetiacngic amma womonggareng uana mebeso.

Makekeng 31:5

Nga ye ua arenggema hoc mengerema fau onga gombunga fingerude amma icfu onga mema marikibi ua sasawa naric meude.

Makekeng 35:10

Amma ngeneac botucnginau marikibimemengic ua hania hania negendae yeni hama Kebungo wiac dederecge anemmeec, imoc medacbisia.

Makekeng 35:34

Nga Danggac kisicfunac Ahisamakac medac kpara Oholicaw, yeng yegoc ngic goa ua imoc kpouyemmeecdeac negen negengyecmeec.

Makekeng 35:35

Amma ye marikibiac negen negeng nga negen negentegecngo mewakeyuruu yeri icfu mendzic mendzic ua hania hania naric meecde. Yeri ifingoc witic dorong nga giweng nga sacsacngo amma linenwitic pososocngo kporuc onganginagoc memusunggeec kibi kibi anu kporuc siricngina gombunga gombunga naric meecde. Yeri marikibi ua gboria naric arenggema ua sasawa ifia meecde.

Makekeng 35:4

Anu Mose ye Isracelkpebung hafoangoc yofi edeyunuec, “Kebungo faka yomoc modacgecdeac dederecge angngemmede.

Makekeng 36:8

Anu ngic maringina efea sasawa ubanginau uaac negen negeng feyemmeec yeni kporucwomonggac kporuc herea ten linenwitic yumuyumuya pososoc nga witic dorong, giweng nga sacsacngo megec. Marikibiac negen negen ngicngo onga arenggeu yeni kporuc memusunggema imohai keruw ongaac marikibi megec.

Makekeng 38:23

Anu yegoc Danggac kisicfunac Ahisamak medahango Oholicaw meficgema ua meec. Yeng kibi aiennu heihei nga marikibimemeac negen negenggoc nga marikibi, kibi kibi arenggeudeac negen negenggoc amma witic kibia dorong, giweng nga sacsac amma linenkporuc pososocngo kporuc memusunggema mekefu kibi kibi fingerec.

Makekeng 6:26

Kebungo Mose nga Aharon, ngic imocnoc edeyuruma deec, “Ngeri isracelngic habusoc arengyunuma Aigitabangecfunac wangecyunuec mabisia.”

Ruka 10:1

Imoc wisickeu Kebungo ngic 72 meisingyunuma yohockang yohockang hendzicyunuec. Hendzicyunuma yengena taong nga amabisic kembesonga negensiec, imohai yeneng waraimigecdeac sueyunuma yofi edeyunuu kenggec,

Aposoro 13:2

Anu yeni naso monnu yakasege kecma Kebu afehegecdeac kpedzucnema kecgec Tiri Asungo yoac yofi edeyunuec, “Banaba nga Sauro yeri neac ua meecdeac kpacyuruma ua yemerai, ngeni imoc meecdeac desiyecmegec.”

Yakobo 1:5

Anutungo pakeng dedea kpac songogoc kecma ngicngac wiac homac yemmekecde. Imocac ngeneac botucfunac ngic me ngac mongngo negen negentegecac kpedadanggeudeu ye Anutuaru numuma kpesimiu miude.