Makekeng 31:2 - Deduamiti

² “Negennec, ni Yehuda kisicfunac Hurac medaha Uri esea kpara Betsalecel, meisinggeai.

Makekeng 31:2 ပူးပေါင်းရင်းမြစ်များ

Makekeng 17:10

Ifi deu Yehosuac ye Mosengo edeec, imoc modacma wasaingicfora kpedzucyunuu yeni amalekngic yenigoc ewema kecgec. Ifi angkecgec Mose nga Aharon amma Hur, yeni ine tiki bumau emma nanggec.

Makekeng 33:12

Anu Mose ye Kebu yofi edeec, “Ge ngicngacareng yomoc meyunuma hesicyunu kembadeac edenunec nga merac suena nigoc kendede, imoc ine mi edenuannec. Amma yofi denec, ‘Ni kpacga negenduae nga geac negemba ngereede.’

Makekeng 33:17

Ifi deu Kebungo Mose yofi edeec, “Ni geac negemba ngereede nga kpacga negenduae, imocac amma ge yoac dedang, imoc andacbade.”

Makekeng 35:30

Anu Mose ye Isracelngicngac yofi edeyunuec, “Hendae, Kebungo Yehudaac kisicfunac Uriac medac Hurac esea kpara Betsalecel ye meisinggeec.

Makekeng 36:1

Kebungo Betsalecel nga Oholicaw amma marikibimemengic mariefacgoc ua ifia megecdeac negen negengngina meireckema negen negentegec yemmeu yeneng kpetiac amaac wiac sasawa naric medacma ua mesigecde. Amma yeng Mose yoac dederecge ammiec yeni imoc sasawa modacma ifi medacbisia.”

Makekeng 37:1

Anu Betsalecel ye akasia icngo dzadzahaac katapa hereayaac kubitkpete yohockang nga noboha amma odahaac kubitkpete mocgu nga noboha amma emuhacnac wi enudeac kubitkpete imoc mocgu nga noboha ifi meec.

Makekeng 38:22

Anu Kebungo Mose ua sasawa megecdeac dederecge ammiec nga Yehuda kisicfunac Uri medaha, Hur esea kpara Betsalecel, yeng ua imoc medarec.

Makekeng 38:23

Anu yegoc Danggac kisicfunac Ahisamak medahango Oholicaw meficgema ua meec. Yeng kibi aiennu heihei nga marikibimemeac negen negenggoc nga marikibi, kibi kibi arenggeudeac negen negenggoc amma witic kibia dorong, giweng nga sacsac amma linenkporuc pososocngo kporuc memusunggema mekefu kibi kibi fingerec.

Yohane 3:27

Ifi degec Yohanengo yofi merengyemmeec, “Anutungo kurumennunac wiac mi miudeu ngicngo imoc naric mi meude.