Makekeng 31:15 - Deduamiti

¹⁵ Ngeni uameme siksfu ua mebisia nga wenac kpete sewen imoc Kebuac tacnegeng fingerudeac tacbisia. Tacnegennaso imoc Kebuac naso kpetiac desi desia. Mocgu mocgu sasawango tacnegennasou ua mong meudeu ye imocac turunga homecfu faibesonga.

Makekeng 31:15 ပူးပေါင်းရင်းမြစ်များ

Fingec fingec 2:2

Fingecdaru uameme seweng anec. Uameme seweng ammanu ua sasawa fau taru tacnegenec.

Makekeng 16:23

Edegec yofi edeyunuec, “Kebungo imocacnoc yofi deec, ‘Wereckenu tacnegennaso, imoc Kebuac tacnegeng kpetiac. Imocac ngeni dzegoc ohobeso dema dzegoc ohogec me dokugoc ohobeso dema ohogec. Nga tosea taru imoc sasawa wereckenuac negemma faigec tacbeso.’ ”

Makekeng 16:26

Ngeni wenac uameme kpete siks imohai manyaka mekpedzuc angkecbisia nga wenac kpete sewen, imoc tacnegennaso, imocac imohai mong mi fingecma feude.”

Makekeng 23:12

Ge wenac uameme siks uaga mema kecbesena nga wenac kpete sewen imohai ine tacnegembesena. Imoc yofiac, donggi burumakafocga yeni tacnegenggecdeac nga wanacngacgaac medaha amma kuricngic amagau kecdape, yeri kuc monggoc meecdeac ifi ambesena.

Makekeng 31:14

Tacnegennaso imoc ngeneac kpetiacnaso andeac nasotoa imoc tacbisia. Mocgu mocgu sasawango tacnegennaso imoc kpetiac mi anudeac negemma ua mong meudeu ye homecfu faibesonga. Imoc yofiac, mong ye wenac imohai ua meudeu ye ngicngacfora yeneac botucfunac meickema homecfu faibesonga.

Makekeng 31:16

Imocac Isracelngicngac yeni tacnegennasou nasotoa tacbisia nga arengfocngina fingecsahengina feengkefudesoc tacnegennasou takecbisia. Dzadzahac imoc nasoya nasoya feengkecbesande.

Makekeng 31:17

Amma ni nga Isracelngicngac botucninau kpete imoc faiba feengkecbeso. Nocac Kebungo wenac uameme mocgu kemma siks imohai kurumenga kurumenga nga bangec meyunuec amma wenac kpete sewen imohai ine tacnegenec.’ ”

Makekeng 34:21

Ge wenac uameme siks imohai ua mekecma wenac kpete seweng imohai tacnegembesena. Uau bangec memengerenasou nga kpememenasou ifingoc uameme imohai tacnegembesena.

Makekeng 35:2

Wenac uameme siks ihai ua mebisia nga wenac kpete sewen imoc tacnegennasongina kpetiac, imohai Kebu eweheihei ammima hafoangoc tacnegembisia. Mocgu mocgu sasawa yeni wenac imohai ua megecdeu yeni homecfu faiyunubesonga.

Makekeng 35:3

Nga ngeni dahai dahai kecdaemoc tacnegennasou amanginau gerec mong mi figec dzebeso.”

Ruka 13:14

Ifi anu kpekpeturang amaac gareng yeng ine Yesungo sabatau mengec mengere ua meecac herebu negemma ngicngac edeyunuec, “Uameme 6 fede, imohai ua mebesonga. Ifi anu ngeni naso imohai hagec mengerengunugecde nga sabata nasou ine kpac.”

Ruka 23:56

monggoc dzigenema amanginau kemma fareng imocac kerecdoku homuna gombunga memengere amma sabatanasoac singyoac fede, imoc modacma tomai kecma tacnegenggec.

Hebiraio 4:9

Imocac yofi negendimbe, Anutuac ngicngac yeneac hombanggac kecnegeng naso fedengoc.