Makekeng 31:13 - Deduamiti

¹³ “Ge Isracel medacfora yofi edeyunubesena, ‘Ngeni neac tacnegennaso tacbisia. Nocac kpete imocngo ni nga ngeni amma fingecsahengina feengkefudesoc nenang botucfu ifi feengkecbeso. Ifi anggec yofi negemma kecgecde, ni Kebu, neng kpetiac anggecdeac desingunuma kecduae.

Makekeng 31:13 ပူးပေါင်းရင်းမြစ်များ

Nehemia 9:14

Ge kpetiac nasoga Sabata, imocac nonoyoac nga singyoac nga dederecgeyoac imoc uangicga Mosearusing yemmenec.

Makekeng 31:12

Anu Kebungo Mose yofi edeec,

Makekeng 31:17

Amma ni nga Isracelngicngac botucninau kpete imoc faiba feengkecbeso. Nocac Kebungo wenac uameme mocgu kemma siks imohai kurumenga kurumenga nga bangec meyunuec amma wenac kpete sewen imohai ine tacnegenec.’ ”

Amosi 8:5

Amma yofi deandae, “Afo gboriaac nesogai nasotoango noc nasoac wisickeu neni wit balinina suenide nga noc nasoac Sabatango wisickeu neni witnina naric emenecfu suenide?” Anu ngeni kemma ikocfu wiacngina kapianec hederema sigeriu faima kpetea efeanec, imoc hemmaguc buma imoc meemma sueandae.

Mataio 23:17

Womongngo gol kpanggeu kpetiac anude, imoc wiac engena nga gol yengenaoc imoc wiac mamea. Ngeni kicpisic nga negen negengngina mi irec ireckea.

Yohane 17:17

Geac yoac imoc fora amma imocngo kpetiac kekecfu meyadiyunubeso.

Yohane 17:19

Yeni yoac forau kecma kpetiac kecgecdeac neng yeneac amma kpetiac kekecfu kecduae.

1 Tesaronike 5:23

Anutu ye ruae mingina. Yeng kpetiac kekecac faka meyadingemmema mewakengunuu ongaasungina nga ubaongangina amma sebingina hafoangoc soronga nga kopocsiha kpac femanu Kebunina Yesu Kristo haude.

Yuda 1:1

Ni Yuda, Yesu Kristoac wanacngic nga Yakoboac munea. Anutu Manggacngo ngicngac kpacngunuma heresongogoc hoangngunuande, ngeni seria nanggecdeac Yesu Kristongo garengngunuma kecde, ngenearu kibi yomoc hade.