Makekeng 30:34 - Deduamiti

³⁴ Anu Kebungo Mose yofi edeec, “Ge wiac homuna gombunga yomoc mena, stakt, h oniha, i galbanum amma frankinsens k gombunga. Mema wiac imohacnac kpetea socfungoc mema

Makekeng 30:34 ပူးပေါင်းရင်းမြစ်များ

Nehemia 13:5

Imocac amma amamana yada imoc wit nga baliac sesememe nga hosuc homung kerengngagoc oho ohoac wiac. Amma womonggac wiac sasawa nga wit bali gbomea gboriaac sese tennunac mocgu nga waing gboria amma oliwa kereha imoc Lewiareng nga eriendzongngic amma odagareng yeneac gosigosia tacande. Amma womonggareng yeneac sese kpekpedzucac mana momoc Eriatsibngo Tobia desimiec.

Makekeng 25:6

Nga kifaac kerecdoku amma wiac hosogecdeac kerecdoku nga hosuc homungkerengagoc dema semeng uaunac wiac homuna gombunga.

Makekeng 30:23

“Ge wiac songeagoc homuna gombunga yombong yakau faiandae nga sebinginau hosoandae imoc mebesena, imoc yofi, Mira dokuya shekelkpete 500 nga mosoki homuna gombunga shekelkpete imocac noboha, imoc shekelkpete 250 amma kalmus homuna gombunga shekelkpete 250 mebesena.

Makekeng 30:33

Nga ngic mong ye kerecdoku mong ifia isoc yerecgema ngic mong yeac mi dedeau hosoudeu, ye arengfora yenearunac meickebeso.’ ”

Makekeng 30:35

yofi ambesena, hosuc homuna gombungaac uamemengicngo hosuc homuna gombunga meandae, ge wiac imoc mema imocngo hosuc homungkereng ifi mena imoc kondungagoc amma kpetiac nga kongaha ambeso.

Makekeng 30:7

Anu Aharon ye asoacsoc kifa memengere amma arata imocac witiau hosuc homungkereng ohokecbeso.

Makekeng 31:11

Mema hosogecdeac kerecdokuya amma womonggac hosuc homungkerenggac kereha mebisia. Wiac imoc sasawa menadeac dederecge anggenai yeneng ua imoc ifi yombong medacbisia.”

Makekeng 35:15

amma hosuc homungkerenggac oho oho arata tofoyagoc amma nadzicmigecdeac kerecdoku nga hosuc homungkerenggac kerec homuna gombunga nga kporucwomong naguac kporuc

Makekeng 37:29

Amma hosuc homungkereng oho ohoac uamemengic yeneng wiac meandae, ifi isoc yeng nadzic nadzicac kerecdoku kpetiac nga hosuc homungkereng oho ohoac sopotegeng meec.

Bangec kisiu 4:16

Anu womonggareng Aharonggac medaha Elecadzar yeng kporucwomong nga imocac manau wiac kpetiac sasawa fedacde, imoc amma yeneac uagedangngina sasawa garenggedacbeso. Imoc kifaac kerecdoku, hosuc homungkereng, seseac yaka wenacsoc faiandae amma wiac nadzicgecdeac kerecdoku.”

Bangec kisiu 7:14

Amma ye sokoc mong golngo memea faiec, imocac ebiha shekelkpete ten anec nga imoc hosuc homuna gombungaac kerecngo wakema tarec.

Mataio 2:11

Taru yeni amau emma sabac nga nonggea Maria yerenggec. Yeremma fafoc heima ngonducnema ye afehegec. Amma finachienginaunac ubangerecac wiac yofi widicma migec, gol nga hosuc homungkerengagoc amma icsopea homuna gombunga kpara mira.