Makekeng 30:13 - Deduamiti

¹³ Nga kpetengina megecdeac dedea yeni tembuc tembuc sasawango sese dema shekelkpete ½ Kebu mibisia. Imocngo kpetiac amaac shekelkpeteac ebihaac isoc ambeso. (Shekelkpete mocgu imoc gerakpete twenti.)

Makekeng 30:13 ပူးပေါင်းရင်းမြစ်များ

Fingec fingec 23:15

“Kunenna, ge deba negenna. Bangec imocac buma silwadzo 400 ande nga nerang imocac botucnirau yoac mong mi dede. Ge sifu enenggaac farenga ihai tonggobesena.”

Makekeng 30:14

Amma ngic medac kifangina 20 namma ende, yeneac kpetengina mebesonga anu yeni tembuc tembuc sasawango Kebuac sese dema imoc faidacbisia.

Makekeng 38:24

Nga kpetiac amaac ua hafoangoc megecdeac gol sesengina sasawa faigec gol imoc talent kpeteac ebiha 29 nga shekelkpeteac ebiha 730anec. Imoc kpetiac amaac ebiha modacma osogec.

Makekeng 38:26

Anu ngic kifangina twenti namma ende warac osoyunugec tembuc tembuc sasawa yeneac kpetengina 603 550 anec. Ammanu kpetiac amaac ebic feec, imocac sirihau yeni tembuc tembuc beka kpete mocgu, imoc shekelkpete ½ deyec deyemmea, imocacsoc faidacgec.

Bangec kisiu 18:16

Imoc yeni afongina mocgu anude, imohai turungngina kpoubesena nga imocac bumaac kpetea imoc silwa dzo marimong, ifi dedea fede. Imoc kpetiac amaac shekelkpete ebihaac sirihau amma imocac ebiha imoc gerakpete twentiacsoc ande.

Bangec kisiu 3:47

Imocac amma ngic tembuc tembuc sasawa silwa shekelkpete marimong gembisia. Shekelkpete imoc kpetiac amaac shekelkpete fede, imoc modacbesena. Nga shekelkpete mocgu imoc gerakpete twenti ande.

Bangec kisiu 7:67

Anu ye sese yofi faiec, tera mong silwango memea mehama faiec, imocac ebiha shekelkpete 130 anec. Amma ye sokoc mong silwango memea faiec, imocac ebiha shekelkpete sewenti anec. Kpete imoc kpetiac amaac shekelkpeteac sirihau memea. Nga seseac yakaac negemma terau nga sokocfu wit uha gombunga yombong kerecdokugoc yerec yerecgea imoc wake wakea taroc.

Bangec kisiu 7:86

Amma sokoc twelf golngo memea hosuc homungkerenggac sopogoc wake wakea tacgec, mocgu mocgu sasawa imocac ebicngina imoc shekelkpete ten anec. Sokoc golngo memea sasawa yeneac ebicngina imoc kpeturanggema shekelkpete 120 anec. Imoc kpetiac amaac shekelkpete feec, imocacsoc megec.

Mataio 17:24

Anu Kafanaung taonnu kensikemagec Anutuac womonggac takesimemengic yeneng Petoroaru hama kpesimigec, “Ngeneac kpoukpou ye womonggac takesi faiande me kpac?”

Mataio 21:12

Anu Yesungo Anutuac womonggac oda manau emma ngicngac wiac emekpesi anggec, yeni imohacnac kporacyunuec. Ye ngic hiedzo emekpesi anggec, yeneac tebo heimeremma kebesac emegec, yeneac tatac ifingoc heimeremma

Mataio 27:24

Ifi dema nanggec hemma Piratongo yoac dindingac deudeac obohoec. Nga yeni ine serima kpacma nanggec kpeborongtoa hanahema fingeru yeng doku mema ngicngac habutoa kicnginau namma maria dzuacma yofi deec, “Ngic yomocac sacac kopocsic, imocngo nearu mi tacbeso, imoc ngenearu febeso.”