Makekeng 3:9 - Deduamiti

⁹ Negennec, Isracelac ngicngacareng yeneac kiacsambic bic meficnuec nga aigitangicngac yeneng kenghedzic hahedzic ayemmekecdae imoc ifingoc hendua.

Makekeng 3:9 ပူးပေါင်းရင်းမြစ်များ

Fingec fingec 16:11

Amma monggoc yofi edeec, “Negennec, ge ebicgoc amma medac mong menade. Nga Kebungo ubaebicga hemma negendacac amma yeac kpara Ismacel kpacbesena.

Fingec fingec 31:12

Ifi deba yofi dema edenuec, “Lawangngo faka hania hania anggendarec imoc ni hendarai. Imocac ge kicga fina kenu henna. Ramaga nga noningga ngiwango ngagera feracyunuandae ngiwa imoc yeni sebingina faikperecge nga kibi kibi sasawa.

Nehemia 9:9

Ge Aigita bangecfu neneac esangabofocnina yeneac kpendzengngina hennec amma Kondung Sacsacfu kiacngina negennec.

Mitiyegec 12:5

Ifi degec Kebungo ine yoac yofi dede, “Yeni makpekpea memayunuma memanganeyunuandae. Anu ngicngac yeni ebic witiau kecma asoringa ayemmede, imocac yaguc yacma onggongyunubade. Yeni sufu sufuu ruaegoc tacgecdeac ayemmeudeu neng meyunuma hoannau faiyunubade.”

Mitiyegec 9:14

Ge ifi anna ni faka gombunga angannec, imocac siduc andacma eriendzong megembade. Nga ge ebicfunac mesinunec, imoc Tsion naroangaac naguu namma sogac sogaigoc dekperagiyemmebade.

Makekeng 1:11

Ifi deu ua megecdeac keracnatang mangana yeneac bageau faiyunugec yeni kpendzengtoa kpema kecgecdeac negemma ua ebira yombong megecdeac ngombongyunugec. Ngombongyunugec yeneng Parecoac kpounecac taontoa yohockang, Pitom nga Racamses meyurugec.

Makekeng 1:22

Ifi anu Parecongo ngicngacfora sasawa dederecge yofi ayemmeec, “Hebiraiongic yeneac medacfocngina fingecgecdesoc ngeni Nilidokuu ukuyunugec kemedacbisia nga naroang yeni ine onggongyunubisia. Yeni naric kecbisia.”

Makekeng 1:8

Anu Aigita yeneac ngictau gboria mong fingerec ye ine Yosef mi negemmiecac

Makekeng 2:23

Anu ye kifa homac ihai kecmanu Aigita ngictau homeec. Anu Isracelngicngac yeni ine wanacngic kecma uangina kpendzenggoc mema kecma kiacubamangang amma Anutungo meficyunuma kpendzengnginaunac yungecyunuudeac kpacsambic ammima kecmagec kpakpacnginango yearu enec.

Makekeng 2:25

Isracelngicngac yenenggareng ayemmeu yengena areng anggecde, ifi negenec.

Makekeng 3:7

Ifi anu Kebungo yofi edeec, “Ngicngacfocna Aigitabangecfu dzoicuau faiyunuma kenghedzic hahedzic ayemmekecdae imoc bic hendua nga uaac keracnatang mangana yeneng kpendzennu faiyunukecdae, imocac kiac arongina bic negendua. Yeni kpendzeng witiau kecdae imoc negenduaengoc.

Amosi 4:1

Ngac Samaria tikiu kecdae, ngeni Basanggac burumaka gbofong isoc ngeni kedzac kpema negenggec, ngac ngeni makpekpea nga kpe-kpedadanga meenti memati ayemmema ebic kuneng witinginau faima ewefocngina yeneac yofi deandae, “Dokuseria mehagec neni!”