Makekeng 3:8 - Deduamiti

⁸ Imocac ni aigitangicngac yeneac mariunac yungecyunuma onggongyunuba komoc kpegecdeac negemma madua. Amma bangec imohacnac wangecyunuma kemma bangec gombunga nga kunengtoa ihai faiyunubade. Bangec imohai namu nga hanifosoc doku isoc hakecde. Imoc kenacanngic, hittingic, Amoringic peridzingic nga hiwingic amma yebusingic yeneac bangecfu faiyunubade.

Makekeng 3:8 ပူးပေါင်းရင်းမြစ်များ

Fingec fingec 11:5

Ifi dema bangecngicngac yeni taongtoa nga tauatoa megec nga Kebu ye imoc henudeac maec.

Fingec fingec 11:7

Imocac nenang kemema yoacngina mendzicma mesufuni ngic me ngac mongngo ogea wegenac kecde yeac yoac mi negentegecbeso.”

Fingec fingec 15:13

Kengec kpeu Kebungo Awram yofi dema edeec, “Yomoc foracngoc negennec, bangecfocga yeni bangec mong yeneac mi dedea imohai kuric kecma bangec mingina kifa 400 enacngina tofohomagec yeneng ngaba ayemmema ebic hania hania meficgeyemmebesandae.

Fingec fingec 15:14

Amma yeni bangecareng imoc yeneac enac tofohogecde, bangecareng imoc yeni neng fakangina imocac turunga kpouyemmebesandua. Anu imocac ngadeau yeni imohacnac finac homac medacma kembesandae.

Fingec fingec 18:21

Ni kemema ngicngac imoc yeneac fakangina hembade. Kpakpac nearu hau bic negenai nga yeni yoac imocacsoc angkecgec me kpac, imoc kemma hemma negembade.”

Fingec fingec 43:11

Ifi deu mangngina Isracelngo yofi dema edeyunuec, “Ifi ambesonga dedaeu ine yofi ambisia, bangec yomohai wiac goa fingecande imohacnac wiac goa gombunga gombunga meisinggema torunginau banima mema kemma ngic imoc mibisia. Imoc kerec homuna gombunga, hani, icsopea homuna gombunga, mandari icac sopea homuna gombunga amma pistakio nga almond icgbomea mekembisia.

Fingec fingec 46:4

Ni gegoc Aigita bangecfu momoc kemma kecbade amma foracngoc, ni monggoc merengguba dzigenebesannec. Yosefngo ine kicga mesufuude.”

Fingec fingec 50:24

Anu Yosefngo dacfora yoac yofi dema edeyunuec, “Ni homebeso anduae. Foracngoc, Anutungo yugucngunuma bangec yomohanac wangecngunuu kengkecma bangec imoc Awraham, Itsak nga Yacakow yemmeudeac deseriec imohai faingunuude.”

Nehemia 9:8

Amma ye here nengennegenga hafoangoc gearu feecac geng imoc henna ngereeu Kenacangareng, Hitiareng, Amoriareng, Peridziareng nga Yebuareng amma Gilgarareng, yeneac bangec sasawa imoc esamedacfora yemmenadeac yegoc dzadzahac menec. Ge dzadzahacga imoc modacnec amma geac fakaga imoc dindingac.

Mitiyegec 12:5

Ifi degec Kebungo ine yoac yofi dede, “Yeni makpekpea memayunuma memanganeyunuandae. Anu ngicngac yeni ebic witiau kecma asoringa ayemmede, imocac yaguc yacma onggongyunubade. Yeni sufu sufuu ruaegoc tacgecdeac ayemmeudeu neng meyunuma hoannau faiyunubade.”

Mitiyegec 12:6

Kebungo yoac deserima deec, imoc sasawa yoac kongaha nga seuha kpac. Ngic yeni silwa gerec gereagoc ohogec atac 7 anu bangecfu mama kongac koporarac anude. Kebungo yoac deserima deec, imoc ifi isoc ande.

Mitiyegec 34:8

Kebu gombunga, ngeni imocnoc tobanggema kicnginango hembisia. Ngic mong ye yeac hoannu kemma sufuma kecande, ye sogac sogaigoc kefude.

Mitiyegec 91:15

Ye kpacnuu ni turunga meremmibade. Ye ebic witiau kefu ni yegoc kecma ebicfunac mesima eweheihei ammibade.

Makekeng 12:41

Nga kifa 430 wisickeu wenac imohai yombong Kebu yengena habu sasawa yeni Aigitabangec wama kenggec.

Makekeng 12:51

Nga wenac imohai yombong Kebungo Isracelac ngicngacareng habuya habuya Aigitabangecfunac wangecyunuu kenggec.

Makekeng 13:5

Ngeni Kebungo wangecngunuu Kenacanngic, hittingic, amoringic, hiwingic nga yebusingic yeneac bangec dokuyagoc nga kerectoayagoc imohai kengsikegecde. Ye kisicfocngina yoac deseriyemmema imoc genudeac deec. Amma imoc genu ge yeac enac tofohoma afo yomohai yeac eweheiheifaka yomoc ammibesena.

Makekeng 3:17

Ifi anu deserima yofi deduae, ni Aigitabangecac sisic kpendzennunac wangecngunu kengkecma kenacanngic, hittingic, Amoringic, peridzingic nga hiwingic amma yebusingic, yeneac bangecfu faingunubade. Bangec imohai namu nga hanifosoc doku isoc hakecde.

Makekeng 34:11

Nga ni yaguc yoac dederecge anggenduae imoc modacbesena. Negennec, ni geac kicfunac Amoringic, kenacanngic, hittingic, peridzingic nga hiwingic amma yewusingic kisangyunuba worama kendacgecde.

Makekeng 5:23

Ni Parecoaru kemma geac kpacfu yoac edeai naso imohainochanahemangoc ngicngac yomoc faka mangana yombong ayemmema ebic kunennu faiyunude. Nga geng ine geangga ngicngacfocgayomoc yungecyununa kenggecdeac ua mong mi mema kecnec.”

Amosi 2:10

Ni Amoriareng yeneac bangec ngemmebadeac amma Aigita bangecfunac meicngunuma kifa fotiac manau bangeckisiu waraingemmeai.

Bangec kisiu 13:18

Emma bangec imoc siriha dafia nga ngicngac imohai kecdae yeni kucnginagoc me kucngina kpac amma yeni kpetengina efeanec me homac, imoc hennegeng ambisia.

Bangec kisiu 13:19

Nga bangec kecdae, imoc dafia, gombunga me mangana, nga imocac manau kecdae imoc kporucamabangecfu kecdae me odaseriaac manau kecdae.

Bangec kisiu 13:27

Edzacyunuma Mose yofi edegec, “Ge suenununec neni bangec imohai kensikeing. Fora yombong, bangec imohai namu nga hanifosoc doku isoc hakecde amma imocac icgbomeaac foraya yomoc.

Yohane 3:13

Ngic mongngo kurumennu mi enec. Ngicac medac kurumennunac maec, ye mocgungo kurumennu enec.

Yohane 6:38

Ni neanna ubanaac kurumennunac mi mayai. Suenuec, yeac negen negeng modacbadeac mayai.