Makekeng 3:19 - Deduamiti

¹⁹ Anu ni ine yofi negenduae, Aigita ngictau ye uaac ebicfunac yungecngunuu kenggecdeac mi negenude. Mari mong seria yombongngo ngombonggeudeusac yungecngunuu kenggecde.

Makekeng 3:19 ပူးပေါင်းရင်းမြစ်များ

Makekeng 10:20

Nga Kebungo Pareco ammiu ubaseri yombong amma Isracelngicngac uaac ebicfunac mi yungecyunuec.

Makekeng 11:10

Anu Mose nga Aharon yeri Parecoac kicfu kucfaka mi hehena imoc sasawa medaroc nga Kebungo Pareco ammiu ubaseri yombong amma Isracelngicngac yeni bangeha wama kenggecdeac uaac ebicfunac mi yungecyunuec.

Makekeng 11:9

Anu Kebungo Mose yofi edeec, “Ni Aigitabangecfu fakami hehena homac mebadeac negenduae, imoc fingecdarudeac Parecongo mi negengngemmeude.”

Makekeng 13:15

Nga Pareco ye ubaseri yombong amma segerenunuma uaac ebicfunac yungecnunuudeac waec. Imocac amma Kebungo Aigitabangecfu ngic nga amayang warac fingec fingera sasawa, homecfu faiyunudarec. Imocac amma yang heremanaunac warac warac fingec fingera sasawa imoc Kebuac sese dema ohoanduae. Nga ngic morocmedacfocnina sasawa yeneac turungngina kpouanduae.

Makekeng 4:21

Anu Kebungo Mose yofi edeec, “Ge Aigitabangecfu dzigene kennade, naso imohai faka sasawa mi hehena, imoc menadeac kuc genai, imoc negensima Parecoac kicfu medacbesena. Nga neng ine ubaseri meficgemiba ngicngacareng uaac ebicfunac naric mi yungecyunuude.

Makekeng 5:2

Ifi deec Parecongo ine yofi deec, “Kebu ye merac? Ni yoara negentofoho amma Isracel ngeni kenggecdeac naric mi faingunuba kenggecde, kpac yombong. Kebu ye merac, imoc mi negemmiduaeac amma naric mi faiyunuba kenggecde.”

Makekeng 6:1

Ifi deu Kebungo Mose yofi edeec, “Ni yaguc Parecoaru faka hania hania ammiba hembesena. Ni marina kuctoayagocngo ngombonggeba yeng uaac ebicfunac yungecyunuu kenggecde. O, ye Isracelac kisicfunac ngeni kucgoc yombong kporacngunuudeac ngombonggeba ngeni Aigitabangec wama kenggecde.”

Makekeng 8:28

Ifi deu Parecongo deec, “Ni faingunuba Kebu Anutungina yeac sesegerec ohogecdeac bangeckisiu naric kenggecde nga hereau yombong ine mi kembisia. Amma ngeni neac momoc numubisia.”

Makekeng 9:35

Anu Kebungo Mose edeecmoc, ifi yombongfingerec. Pareco ye ubaseringoc kecma Isracelngicngac uaacebicfunac mi yungecyunuec.

Makekeng 9:7

Ifi anu Parecongo faka imocac hania negentegerudeac ngic sueyunuu kemma henggec Isracelngicngac yeneac yang mongngo mong mi homegec. Anu ye ubaseri yombong amma ngicngac uaac ebicfunac mi yungecyunuec.