Makekeng 3:18 - Deduamiti

¹⁸ Ge ifi dena Isracelac enarafocngina yeni yoacga negenggec fora anu ge enara yenigoc Aigita ngictau yearu kemma yofi edebisia, ‘Kebu, hebiraio neneac Anutungo fingecnemmedac, imocac negennemmena neni uameme harebec bangeckisiu kengkecma Kebu Anutuninaac sesegerec ohominide.’

Makekeng 3:18 ပူးပေါင်းရင်းမြစ်များ

Fingec fingec 12:1

Anu Kebungo Awram yofi dema edeec, “Ge bangecga nga arengfocga amma manggaac amabangec wadacma neng bangectoa mong edzacgubade imohai kembesena.

Fingec fingec 14:13

Anu ngic mong ye dzikacac ebicfunac worama kemma hebiraiongic Awram siduc ammiec. Awram ye naso imohai amoringic Mamere yeac terebint icguru nanggec imohai tacyac anec. Anu Mamere nga dacmunahora Esekol nga Aner yeri Awramgoc dzadzahac amma kecgec.

Fingec fingec 15:1

Imocac ngadeau Kebuac yoac Awranggaru kpefing isoc hau yofi henec, “Awram, ge kengec mi anna, kasoga imoc ni nga ni bungga homac monggoc gembade.”

Fingec fingec 17:1

Anu Awram ye kifaya 99 ammanu Kebungo fingecmima yofi dema edeec, “Ni Anutu Kuctoa Mingina, ge neac kicfu kecengkecma hafoangoc ngic dindingac kecbesena.

Fingec fingec 48:3

Tacma Yosef yofi dema edeec, “Anutu Kuctoa Minginango Ludzi amau Kenacan bangecfu fingecnemma kenecnuma

Mitiyegec 110:3

Ngicfocga yeni dzikac nasou gegoc kenggecdeac songo negemma hama edegugec geng hesicyununa tiki kpetiacfu enggecde. Sacgbori habunginagoc yeni ubaefac amma wamba kpetiac heima asoacac dzimbong heima feande, ifi isoc amma gearu habesandae.

Makekeng 10:3

Ifi deu Mose nga Aharon yeri Parecoaru kemma yofi edeoc, “Hebiraiongicngac neneac Kebu Anutunina yeng yofi dede, Ge nasoherec ubaseri annec nga neac kicfu mi memaemema kecnecngoc imoc mi ngereede. Ge fakaga imoc wana! Ngicngacfocna uaac ebicfunac yungecyununa yeni ni eweheinenggecdeac kembisia.

Makekeng 17:5

Ifi deu Kebungo turunga yofi meremmiec, “Isracelac ngicenara goa meyununa ngicngac waraiyemmegec kembisia nga yasuga Nilidoku kpenec, imoc momoc mebesena.

Makekeng 19:1

Isracelngicngac yeni Aigitabangecfunac mama kengkecmagec afo kpete harebec anec wenac imohai yombong Sinai bangeckisiu kensikegec.

Makekeng 25:22

Anu keruw onga yohockang Kebungo wiac heigboringemmekecduaeac katapaac witiau tacdape, ni yereac botucngirau gegoc ewacma yoac denegeng ambade. Ni imohai yoac dederecge anggemba geng Isracel medacfora dederecge imoc ayemmebesena.

Makekeng 3:12

Ifi deu Kebungo yofi edeec, “Ni gegoc kecbade. Nga neng sueguduae, imocac kpete yofi fingeru hennade, Ge ngicngac Aigitabangecfunac hesicyununa hama tiki yomohai neac enactofoc tofoho ua mema ni eweheihei anemma numunembisia.”

Makekeng 3:16

Anu ge kemma Isracel enarafocngina kpedzucyunuma yofi edeyunubesena, ‘Kebu kisicfocnginaac yeneac Anutu, imoc Awraham, Itsak nga Yacakow yeneac Anutu, yeng fingecnemma yofi edenuec, “Ni ngeneac kekecngina hennegeng angkecduae nga Aigitabangecfu faka hania hania angemmema kecdae, imoc momoc hemma negendacduae.” ’

Makekeng 30:36

Anu ge imohacnac goa kpedzamena wit uha isoc anu imocac toseabisic Kebugocewacemeemeac kporucamau Kebungo wiac heigboringemmekecduaeac wiac tacde, imocac fanihau faina tacbeso. Taru ni gegoc imohaiewacdede. Wiac imoc negenggec kpetiac nga kpataning yombong ambeso.

Makekeng 30:6

Amma mana kpetiac nga kpataning yombonggac kpoructoa Kebungo wiac heigboringemmekecduaeac katapa hedzickede imocac fanihau arata faina nanu. Imocngo katapa witiau tapea tarude imocac hoangau faina nambeso. Anu ni imohai gegoc ewacemekecdede.

Makekeng 4:1

Ifi deu Mose ye yoac yofi meremmiec, “Negennec, yeni ine yoacna mi negensinggegecde nga kedzac mi kpema yofisac degecde, ‘Kebu ye ge mi fingecgendac, i.’ Ifi degec dafi ambade?”

Makekeng 4:23

Nga ni yoac bic yofi edeguai, ge medacna uaac ebicfunac yungecna ye kemma enacna tofohoma eweheihei anembeso. Nga ge imocac negenna naric mi anu segereyunukecnecac ni geac morocmedacga homecfu faibade.” ’ ”

Makekeng 4:24

Anu sing kengkecma tacnegeng bangec monnu tacmagec Kebungo hama Mose homecfu faibesonga anec.

Makekeng 4:31

Meu yeni negensinggegec amma “Kebu ye Isracelngicngac nenanggac dzoickpendzeng hennegeng anec,” yeniifi negemma fafoc heimima kicmesungina bangecfu hetutuckemanumumigec.

Makekeng 5:1

Ifi fingeru Mose nga Aharon yeri Parecoaru kemma yoac yofi dema edeoc, “Negennec, Kebu Isracel neneac Anutungo yofi dede, ‘Ge ngicngacfocna uaac ebicfunac yungecyununa yeni bangeckisiu kemma eweheihei anemma neac nasotoaac tacbisia.’ ”

Makekeng 5:3

Ifi deu yereng deoc, “Hebiraiongicngac neneac Anutu, ye neni fingecnemmedac amma, hafeihomecngo me dzikacngo memanganenunubacac sifu negennemmena wenac harebec bangeckisiu kengkecma Kebu Anutuninaac sesegerec ohomibisina.”

Makekeng 7:16

Namma yofi edebesena, ‘Kebu, hebiraiongicngac neneac Anutu, yeng yofi edegubadeac suenudac, ngicngacfocna bangeckisiu kemma neac enac tofohoma eweheihei anenggecdeac uaac ebicfunac yungecyununa kembisia. Nga geng yoac imoc mong mi tofohoma kecnecngoc.

Makekeng 8:1

Anu Kebungo Mose yofi edeec, “Parecoaru kemma yofi edena, ‘Kebungo yofi dede, ge ngicngacfocna uaac ebicfunac yungecyununa yeni kemma neac enac tofohoma eweheinembisia.

Makekeng 8:20

Anu Kebungo Mose yofi edeec, “Wereckenu amanegenggac Parecongo dokuu kenudeac kemmanu geng fingecmima yofi edebesena, Kebungo yofi dede, ‘Ge ngicngacfocna uaac ebicfunac yungecyununa yeni kemma neac enac tofohoma eweheinembisia.

Makekeng 8:23

Amma neac ngicngacfocna yeni faka siriha mong ayemmebade nga geac ngicngacfocga ine faka siriha mong ayemmebade. Kpete kuhagoc imoc wereckenu yombong fingerude.’ ”

Makekeng 9:1

Ifi anu Kebungo Mose yofi edeec, “Ge Parecoaru kemma yofi edena, ‘Kebu hebiraiongicngac neneac Anutungo yofi dede, “Ge ngicngacfocna uaac ebicfunac yungecyununa yeni kemma neac enac tofohoma eweheinembisia.

Makekeng 9:13

Anu Kebungo Mose yofi edeec, “Ge wereckenu ama werec wereckenggac yacma Parecoaru kemma yofi edebesena, ‘Kebu hebiraiongicngac neneac Anutuninango yofi dede, “Ge ngicngacfocna uaac ebicfunac yungecyununa yeni kemma neac enac tofohoma eweheinembisia.

Bangec kisiu 17:4

Mendzicma kemma Kebugoc ewacemeemeac kporucamau heigboringemmekecduaeac wiac tacde, imohai ngenigoc ewacandimbe, imocac hoangau faiyununa febisia.