Makekeng 3:16 - Deduamiti

¹⁶ Anu ge kemma Isracel enarafocngina kpedzucyunuma yofi edeyunubesena, ‘Kebu kisicfocnginaac yeneac Anutu, imoc Awraham, Itsak nga Yacakow yeneac Anutu, yeng fingecnemma yofi edenuec, “Ni ngeneac kekecngina hennegeng angkecduae nga Aigitabangecfu faka hania hania angemmema kecdae, imoc momoc hemma negendacduae.” ’

Makekeng 3:16 ပူးပေါင်းရင်းမြစ်များ

Fingec fingec 1:7

Ye ifi dema odatoa mong meu imocngo doku hendzicyuruu oda bageau yengena feec nga oda witiau yengena feec. Ye deu ifi fingerec.

Fingec fingec 21:1

Anu Kebungo deec isocngoc Sara garenggema gombunga ammiec nga deseriec imocac sirihau Sara meficgeec.

Fingec fingec 28:13

Yenemmanu Kebungo imohai namma yofi dema edeec, “Ni Kebu, mangesaga Awraham nga Itsak yereac Anutu. Bangec fenec imoc ge nga bangecfocga ngemmebesandua.

Fingec fingec 48:15

Anu ye Yosef kenehema yofi deec, “Mangesahocna Awraham nga Itsak yeri Anutuac kicfu kefoc yeng neac gareng kefec nga yaguc kecde.

Fingec fingec 50:24

Anu Yosefngo dacfora yoac yofi dema edeyunuec, “Ni homebeso anduae. Foracngoc, Anutungo yugucngunuma bangec yomohanac wangecngunuu kengkecma bangec imoc Awraham, Itsak nga Yacakow yemmeudeac deseriec imohai faingunuude.”

Mitiyegec 102:21

Ifi anu Kebuac kpac kuneng Tsion taonnu dekperagibesonga nga Yerusalaimnu eriendzong memibesonga.

Mitiyegec 33:18

Foracngoc, ngicngac yeneng Kebuac ewea heiandae, Kebungo yeni kiwango yenenude. Yeng yoac dedzege amma imoc modackefude nga ngicngac yeneng imoc negensima fora fingerudeac tomai kecandae, ye kiwango yeninoc yenenude.

Mitiyegec 8:4

yofi negensima deba, “Geng ngic negensinunuma ngicac medacfora gombunga garennunukecnec, imocac warecguduae.

Makekeng 1:8

Anu Aigita yeneac ngictau gboria mong fingerec ye ine Yosef mi negemmiecac

Makekeng 13:19

Yosefngo warac Isracelkpebung yeni yofi deserigecdeac deec, “Anutungo yugucngunuude naso imohai ngeni sicna amabangec yomohanac meickema mema kembisia.” Imocac amma Mose ye Yosefac sic momoc mema kenec.

Makekeng 15:14

Anu ngicngacareng yeni imoc negemma dzonongngina fedeu Peleset bangec mingina yeni ubaongangina ebiriec.

Makekeng 17:5

Ifi deu Kebungo turunga yofi meremmiec, “Isracelac ngicenara goa meyununa ngicngac waraiyemmegec kembisia nga yasuga Nilidoku kpenec, imoc momoc mebesena.

Makekeng 18:12

Anu Mose yofea Yitro ye Anutuac sese mong mehau gerecfu hafoangoc dzedarudeac yemmeu seseyang goa houma tosea faigec. Fau Aharon nga Isracel enarafocngina sasawa yeni ifingoc hama Anutuac kicfu Mose yofeagoc yaka negec.

Makekeng 2:25

Isracelngicngac yenenggareng ayemmeu yengena areng anggecde, ifi negenec.

Makekeng 24:11

Anu ye mariango Isracelac ngicenara mi yunuec. Yeni Anutu hemma tacma nenedoku negec.

Makekeng 3:2

Anu imohai gerec icbarang monnu borang tima nanu henu Kebuac angerongo gerecborannu fingecmiec. Fingecmiu fima henu icbarang imoc borang tima feec amma sifu mi dzetackeec.

Makekeng 3:6

Ifi dema yofi edeec, “Ni kisicfocga Awraham, Itsak nga Yacakow yeneac Anutu.” Ifi deu Mose ye Anutu henudeac kengectoa kpeu kicmesuya mesufuec.

Makekeng 4:1

Ifi deu Mose ye yoac yofi meremmiec, “Negennec, yeni ine yoacna mi negensinggegecde nga kedzac mi kpema yofisac degecde, ‘Kebu ye ge mi fingecgendac, i.’ Ifi degec dafi ambade?”

Makekeng 4:29

Anu Mose nga Aharon yeri kemma Isracelngicngac yeneac enarafocngina sasawa hagecdeac yoac faima kpedzucyunuoc.

Makekeng 4:31

Meu yeni negensinggegec amma “Kebu ye Isracelngicngac nenanggac dzoickpendzeng hennegeng anec,” yeniifi negemma fafoc heimima kicmesungina bangecfu hetutuckemanumumigec.

Makekeng 4:5

Ifi anu edeec, “Ifi anna yeni yofi negensinggegecde, ‘Fora, Kebu kisicfocninaac Anutungo fingecmiec, imoc Awraham, Itsak nga Yacakow yeneac Anutu.’ ”

Mataio 26:3

Anu womonggareng enara nga yudangic yeneac enarafocngina, yeneng womonggarengtoa kpara Kaifa, yeac amaodayagocfu endacma

Ruka 1:68

“Kebu Israeac Anutu kenehebisina. Yeng ngicngacfora nenannu hama witicfunac bic yungecnunuec.

Ruka 19:44

Igocguma yeneng memanganeguma nambaracfocga geac botucfu kecdae, yeni yunuhomedacgec bangecfu fegecde. Amma geac manau hoc mong wagec mongngo monggac witiu mi tarude, nocac Kebugango hadac, ge imoc mi hentegecdang.”

Aposoro 11:30

Deserima hiedzo meficgegec, imoc Banaba nga Sauro yemecgec yeri imoc mekemma Yesuac habu Yerusalennu enarafocngina kecgec, yeni yemmegec.

Aposoro 15:14

Anutungo hanahema bangec monnunac ngicngac, yenearunac ngicngac meyunuu yeac arengfora anggecdeac sing meficgeec, imocac yoac Simongngo dekperagiu negending.

Aposoro 20:17

Sikema ihai namma Efeso yoac faiu kenu kpebung enarafocngina hagec.

1 Petoro 2:12

Ngeni bangec monnunac ngicngac, yeneac botucfu faka nga angammeme gombunga angkecbisia. Ifi anggec yeni ngeneac dedeseriyoac kpekpeareng dema enacfu faifai angemmema angammemengina gombunga henggecde. Ifi hemmagec Anutungo yeni yugucyunuu naso imohai dengeregecde.

1 Petoro 5:1

Kristongo kpendzeng kpeec imoc kicnango henai nga imocac hepuc kecduae. Amma kuc nga kibikperagia fingerude, imohai nenahafoc kecbesandimbe. Kpebunggac enara ni ngenigoc ifingoc ua imoc mema kecduaengo gorongina kpema yofi deduae,

Ruti 1:6

Ifi kecmanu, Kebungo ngicngacfora monggoc hoangyunuma yenenggareng ayemmema semeng monggoc meficgeyemmeec, siduc imoc Mocawbangecfu kenu negemma Nacomi nga erangihora yenahafocngoc Mocawbangecfunac dzigenegecdeac wiacngina sasawa mekpedzuc amma efaigec.