Makekeng 3:1 - Deduamiti

¹ Mose ye yofea Yitro, midyanngic yeneac sesememe, yeac ramanoningfora garengyunuma kefec. Anu kecma naso monnu bangec kisi edibigeng wangecyunu kemma Anutuac tiki Horew, ihai kensikeec.

Makekeng 3:1 ပူးပေါင်းရင်းမြစ်များ

Mitiyegec 106:19

Anu yeni Horew tikiu kecma burumaka medahaac ongea mong mema nemuonga aiengngo mema, imoc eweheimima numumigec.

Makekeng 17:6

Negennec, ni edi Horew tiki haniau hoc witiau ihai hoanggau nambade. Nambareng ge hoc kpena doku eremau ngicngac yeni nebisia.” Ifi deu Mose ye isracel enarafocngina yeneac kicfu ifinoc anec.

Makekeng 18:12

Anu Mose yofea Yitro ye Anutuac sese mong mehau gerecfu hafoangoc dzedarudeac yemmeu seseyang goa houma tosea faigec. Fau Aharon nga Isracel enarafocngina sasawa yeni ifingoc hama Anutuac kicfu Mose yofeagoc yaka negec.

Makekeng 19:11

Dzuacma efaima kecmagec wenac uameme harebec ambeso. Imoc yofiac, uameme imohai Kebungo ngicngac sasawa yeneac kicfu Sinai tikiu maude.

Makekeng 19:2

Imoc yofi kemma kensikegec, yeni Refidimbangec wama kengkecma Sinai bangeckisiu kensikema kporucamangina taigec enu guru mema tacyac anggec. Yeni tiki kiwau kpourcamanginasoc taigec enec.

Makekeng 19:3

Nga Mose ye Anutu meficgeudeac tikiu enu Kebungo tiki bumaunac kpacma yofi edeec, “Ge Yacakowac amaareng yoac yofi edeyununa amma ge Isracel ngicngacareng yoac yofi dekperagiyemmebesena,

Makekeng 2:16

Anu Midyan yeneac sesememengic mong yeac naroangfora sewen kecgec. Imoc yeni naso imohai hama mangnginaac rama nga noning doku gumecyunugecdeac doku fima otou kpakegec

Makekeng 2:18

Anu yeni mangngina Regucel yearu dzigenegec yeng yenemma yofi kpesiyemmeec, “Ngeni yaguc dafi amma bic hadae?”

Makekeng 2:21

Anu Mose ye Regucelgoc kefudeac negenu naric anu kefec. Anu ngic ye naroanga Tsipora Moseac enema anudeac miec.

Makekeng 24:13

Ifi deu Mose ye enactofoc tofohongiha Yehosuac yerahafoc yacma Anutuac tikiu enoc.

Makekeng 3:12

Ifi deu Kebungo yofi edeec, “Ni gegoc kecbade. Nga neng sueguduae, imocac kpete yofi fingeru hennade, Ge ngicngac Aigitabangecfunac hesicyununa hama tiki yomohai neac enactofoc tofoho ua mema ni eweheihei anemma numunembisia.”

Makekeng 3:5

Deu yeng yofi deec, “Ge ihaisac nanna, yei mi hana! Bangec nannec imoc kpetiac, imocac hanitabega hanigaunac hesina!”

Makekeng 33:6

Ifi deu Isracel medacfora yeni Horew tikiungoc ringgedangngina heikecgec imoc meickedacgec.

Makekeng 4:18

Anu Mose ye yofea Yitro yearu dzigene kemma yofi edeec, “Ge negenna naric anu ni dzigenema Aigitabangecfu kemma sacarengfocna yeni kecdaengoc me siriha dafi imoc yenembadeac negenduae.” Ifi deu Yitrongo edeec, “Ge ruaegoc kenna!”

Makekeng 4:27

Anu Kebungo Aharon yoac yofi edeec, “Ge Mose meficgenadeac bangeckisiu kenna!” Ifi deu ye kengkecma Anutuac tiki haniau meficgema titikokoc ammiec.

Amosi 1:1

Kebungo Tekoa taonggac ramagareng yenearunac mong kpara Amosi ye kpefinnu Isracelac yoac edeec. Naso imohai Udziango Yehuda yeneac ngictau kefec nga Yehoasiac medac Yeroboamngo Isracel yeneac ngictau kefec, anu kifa yohockang wisickeu usoctoa meec.

Malecaki 4:4

Ni enactofoc tofohongicna Mose nonoyoac nga singyoac Horew tikiu miai Isracel ngicngac sasawa ngeni imoc negensima modacdacbisia.

Bangec kisiu 10:29

Anu Mose ye yofea Recucel midyangngic, yeac medaha Howaw yofi edeec, “Kebungo neneac yofi deec, ni bangec imoc ngeni ngemmebade, imocac amma neni yaguc efaima yacma kporucamanina meickema bangec yomoc wama bangec imohai kembeso andimbe. Ge nenigoc naric kennade. Neni ge gombunga anggennide. Imoc yofiac, Kebungo Isracelngicngac neni gombunga anemmeudeac deserinemmeec.”

Bangec kisiu 10:33

Anu yeni efaima yacma kporucamangina meickema Kebuac tiki wama wenac harebec kengkecgec. Nga Kebuac dzadzahac katapango wenac harebec bangec dahai kecnegenggecdeac tatac mong meficgeyemmeudeac waraiyemmema kenec.

Ruka 2:8

Anu toforecfu ramagareng goa yeni Betereheng ama wegenacfu ramafocngina garengyunuma kecgec.

Aposoro 7:30

“Anu kifa 40 monggoc kecma Sinai tikiugeng bangec hocsiragocfu kemma kecmanu angero mongngo icbarama susiau gerecborang manau fingeru henec.