Makekeng 29:9 - Deduamiti

⁹ Kemeu Aharon nga medacfora fadeng dzegeyemmema du heiyemmena kemebeso. Anu womonggareng ua imoc yeneac ua yombong anude imoc singseringina amma nasoya nasoya feengkecbeso. Ge ifi amma womonggareng ua Aharon nga medacfora maringinau faibesena.

Makekeng 29:9 ပူးပေါင်းရင်းမြစ်များ

Makekeng 27:21

Anu Kebugoc ewacemeemeac kporucamau Kebungo wiac heigboringemmekecduaeac wiac mana kpetiac nga kpataning yombonggac kpoructoaac ngadeau, imohai Aharon nga medacfora yeni tofocnacfunac kecma asoac Kebu neac kicfu kifa imoc garenggekecbisia. Singseringina imocngo Isracelac fingecsahe feengkefudesoc ngenearu feengkecbeso.

Makekeng 28:1

Ge Isracelngicngac yeneac botucfunac dacga Aharon nga medacfora Nadaw, Awihu nga Elecadzar amma Itamar edeyununa yeni gearu hama neac womonggareng amma uana mekecbisia.

Makekeng 32:29

Ifi anggec Mosengo yofi edeyunuec, “Kebungo keneha ngemmeudeac ngeni medacfocngina nga dacmunafocngina kpebucyunuma yaguc Kebuac uau desiemedau.”

Makekeng 40:15

Kemeu mangngina kerec nadzicmidang ifi isocngoc kerec nadzicyemmena yeni neac womonggareng ua mekecbisia. Nga kerec nadzicyemmenade imocac titiha yofi, yeneng nasosoc fingecsahengina feengkefudesoc ua imoc mekecbisia.”

Bangec kisiu 16:10

Nga ge amma Lewingic dacmunafocga ngeni meisingngunuma heitaingunuu yeac hoannu yombong ua mekecdae. Anu ngeni yaguc womonggareng ua ifingoc megecdeac angemmede imoc naric mi ande!

Bangec kisiu 16:35

3Anu Kebuarunac gerecngo hama ngic 250 hosuc homuna gombunga mehagec imoc yonohodarec.

Bangec kisiu 16:40

Anu Isracelngicngac yeni faka imoc hemma yofi negensima kecgecdeac ifi anggec, kuricngic mong me ngic mong ye Aharonggac fingecsaheunac mi anudeu ye hosuc homungkereng mehama Kebuac kicfu mi ohobeso. Ngic mongngo Kora nga yeac habu isoc ambacac, ifi anggec. Anu Elecadzar ye Kebungo Mose edeec ifi isoc yombong andarec.

Bangec kisiu 18:7

Amma ge nga medacfocga ngenengsac ine womonggareng uangina mema aratau nga kporucamaac mana kpetiac kporuc manau fede, imocac ua sasawa mema kecbisia. Womonggarenggac ua imoc sese isoc ngeni ngemmeduae. Anu ngic mongngo ua imoc mi meudeac dedea, yeng dederecgeyoacna ferahema ua imoc meudeac haudeu ye homecfu faibeso.”

Bangec kisiu 25:13

Ye Anutuya neac amma keracmangang amma Isracel yeneac ngaba meic meicke ua meec, imocac ye nga yeac gboricfora yeac ngadeau fingecgecde, yeni dzadzahac imocac manau kecma womonggareng ua nasoya nasoya mekengkecbesandae.’ ”

Bangec kisiu 3:10

Anu ge Aharon nga medacfora yeni womonggareng ua megecdeac faiyunubesena nga ngic mongngo ua imoc meudeac mewegenema haudeu ye homecfu faibesonga.”

Hebiraio 5:10

Ifi anu Anutungo yeac yofi deec, “Geng Melkitsedekac siricfu womonggareng wisic wisickea kpac kecengkecnade.”