Makekeng 29:4 - Deduamiti

⁴ Faima Aharon nga medacfora meyunuma hesicyununa Kebugoc ewacemeemeac kporucama naguyau hama nanggec doku nadzicyemmebesena.

Makekeng 29:4 ပူးပေါင်းရင်းမြစ်များ

Makekeng 26:36

Anu kporucama naguyaac negemma witic kibia dorong nga giweng amma sacsac nga linenkporuc pososoc yumuyumuya mema kporucama naguyaac kporuc mong memusunggema megec kibi kibi ambeso.

Makekeng 29:3

Mema imoc sakac mocguac manau faiyununa kemegecde. Amma burumakangiwa kifaya mocgu nga ramangiwa yohockang imoc momoc mema haude imohai sakac imoc sese dema faibesena.

Makekeng 40:12

Ifi amma Aharon nga medacfora hesicyunuma hama Kebugoc ewacemeemeac kporucamaac naguyau faiyununa nanggec doku nadzicyemmebesena.

Makekeng 40:28

Amma kporucwomonggac naguu kporuc gbedickeu nanec.

Makekeng 40:32

Yeni Kebugoc ewacemeemeac kporucamau engkecgec me arata wegenac kengkecgec, naso imohai yeni doku nadzickecgec. Imoc Kebungo Mose dederecge ammiec, imocac siricfu yombong megec.

Bangec kisiu 8:9

Mema Lewingic hesicyunuma Kebugoc ewacemeemeac kporucamaac hoangau kemma nanggec Isracelkpebung hafoangoc kpedzucyunudacbesena.

Efeso 5:26

Anu nenang kpetiac annideac ye yengena yoaraac kucfu mitidokuyango dzuacnunuec.

Tito 3:5

yeng dzuacnunuu Tiri Asungo ua meu fingec fingec gboria fingering. Ye ua gombunga meinggac amma mi mengerenunuec. Ye nenanggac ubamangang negemma mengerenunuu komoc kpeing.

Hebiraio 10:22

Nga nenang hanahema herenegen negennina gameagoc nga mi ngereeande, yeng imoc dzuaru kongaha fede nga sebinina doku kongahango dzuaru kongac kpeing. Imocac amma nenang ubaherenina fora imocgoc kekecnina isinggeyombonggema ye hafoangoc negensinggema Anutuac hoannu kembisina.

1 Petoro 3:21

Dokunadzicngo onga imoc mema ebicfunac mesingunuude. Dokunadzicngo sebiac wonong mong mi dzuarude, kpac. Imoc yofi, Yesu Kristongo homecfunac yarecac amma herenegen negengngina kpetiac anude, imocngo Anutuac kicfu deficgeude.