Makekeng 29:18 - Deduamiti

¹⁸ Faima imoc hafoangoc aratau faina dzedacbeso. Imoc Kebuac sesegerec amma ye homuna gombunga yombong negenu ngereeudeac amma sese imoc gerecfu faina dzema Kebuaru kembeso.

Makekeng 29:18 ပူးပေါင်းရင်းမြစ်များ

Fingec fingec 22:13

Ifi deu Awraham ye dzigenema ngadeau fima henu ramangiwa mong baihango ic gigidangau fau keme gidanggeu nanec. Nanu Awraham ye kemma imoc mema medahaac turunga rama imocngo sesegerec ohoec.

Fingec fingec 22:2

Ifi deu Anutungo yofi deec, “Ge medacga Itsak mocgusac yeac songo kuneng negengannec yenoc geanggaoc Moria bangecfu wangecma kemma tiki mong edzacgubade imohai ye ni sesegerec anembesena.”

Fingec fingec 22:7

Sinnu kemma Itsakngo mama Awraham yofi dema kpesimiec, “Manggac.” Deu deec, “Oc, medacna dena.” Deu medahango yofi deec, “Negennec, gerec mosora nga feranga imoc mekecdipe nga sesegerec ohodede imocac rama damoc?”

Fingec fingec 8:20

Anu Noango Kebuac arata mema yang nga neng kongahamocgu mocgu ifi meyunudacma aratau faiyunuma Anutuacsesegerec ohoec.

Fingec fingec 8:21

Anu Kebungo hosuc homung songeagoc imocnegemma negen negengau yofi negenec, “Bangecngicngac yenisebigboringinaunacngoc ubaherenginau negen negengnginangomangana negensima kecgecde. Ni yeneac amma bangec monggocmi soweckebade. Anu wiac kekecnginagoc sasawa yunuba homegec ifi isoc monggoc mi ambade.

Mitiyegec 50:8

Ngeni ubangerecac sese meandae nga neac sese ohogec imoc hengkecduae. Ni ine wiac monggac negemma gorongina kpeduae, imoc yofi, ngeni Anutu Engenatoaac kpacfu wiac deserima dema imocac fora mi meficgegec.

Makekeng 29:17

Nga ramangiwa yengena ine houma keraha nga hanimaria dzuacma oruha nga fusia witiau faibesena.

Makekeng 29:25

Ifi anggec ge imoc maringinaunac monggoc mema imocngo sesegerecac witiau aratau faina hafoangoc dzebeso. Imoc Kebuac kicfu homungkerengagoc amma imocngo gerecfu dzema Kebuaru kemma sesegerec gombunga ambeso.

Mareko 12:33

Nga ubaherega hafoangoc nga negen negengga hafoangoc amma kucga hafoangoc yeac songo heregoc negemma kecbesena amma geangga anggengande, siriha imocngoc ngicngac gegoc wegenac kecdae, yeni heresongogoc hoangyunubesena, wiac imocngonoc Anutuac hosuc heihei amma sese hania hania ferahade.”

Efeso 5:2

Kristo ye ifingoc heresongogoc hoannunuma yengena sebia desiemema sese imoc Anutuaru mekemma nenanggac donina mema homeec. Sese imocngo homung kerengagoc amma Anutuaru enec. Nga ngeni onga imoc modacma heresongogoc hoangemema kecbisia.

Firipi 4:18

Epafoditongo wiac goa ngenearunac mehaecac wiac monggac mi oboho kecba wiacna ebiriangoc fede. Nga wiac imocngo homung kerengagoc amma sese songea, Anutungo imoc henu ngereede.