Makekeng 28:41 - Deduamiti

⁴¹ Heigec kemeu kerecdokungo nadzicyemmena yeni neac womonggareng ua megecdeac deseriyemmebesena amma yeni kpetiac anggecdeac desiyunubesena.

Makekeng 28:41 ပူးပေါင်းရင်းမြစ်များ

Makekeng 28:1

Ge Isracelngicngac yeneac botucfunac dacga Aharon nga medacfora Nadaw, Awihu nga Elecadzar amma Itamar edeyununa yeni gearu hama neac womonggareng amma uana mekecbisia.

Makekeng 28:4

Anu wamba imoc yofi mebisia, mokucac kaso nga kasoac masecngakpi nga imocac bageau ngakpi herea isoc maria kpac. Amma ngakpi mana herea mariagoc kporuc kibiagoc memuc memusunggea mema du nga fadeng mebisia. Yeni kpetiac wamba imoc mengeregec dacga Aharon nga medacfora yeni imoc heigec kemeu Aharongngo neac womonggareng ua mebeso.

Makekeng 29:24

Mema wiac imoc sasawa Aharon nga medacfora yeneac maringinau faina yeni sese imoc Kebuac kicfu fendzonggebisia.

Makekeng 29:35

Ni yoac dederecge anggendua imocacsoc yombong Aharon nga medacfora yenearu medacbesena. Womonggareng ua megecdeac desigecde imocac wenac sewen mekecbesena.

Makekeng 29:7

Amma ge kerecdoku momoc mema oruhau kpakena mau nadzicmibesena.

Makekeng 29:9

Kemeu Aharon nga medacfora fadeng dzegeyemmema du heiyemmena kemebeso. Anu womonggareng ua imoc yeneac ua yombong anude imoc singseringina amma nasoya nasoya feengkecbeso. Ge ifi amma womonggareng ua Aharon nga medacfora maringinau faibesena.

Makekeng 30:35

yofi ambesena, hosuc homuna gombungaac uamemengicngo hosuc homuna gombunga meandae, ge wiac imoc mema imocngo hosuc homungkereng ifi mena imoc kondungagoc amma kpetiac nga kongaha ambeso.

Makekeng 40:13

Nadzicyemmema Aharon wamba kpetiac heimina kemeu kerec nadzicmima neac womonggareng kpetiac anudeac desimibesena.

Makekeng 40:15

Kemeu mangngina kerec nadzicmidang ifi isocngoc kerec nadzicyemmena yeni neac womonggareng ua mekecbisia. Nga kerec nadzicyemmenade imocac titiha yofi, yeneng nasosoc fingecsahengina feengkefudesoc ua imoc mekecbisia.”

Bangec kisiu 16:5

Fema yacma Kora nga habufora sasawa yofi edeyunuec, “Wereckenu Kebungo ngic damocngo yeac areng ande nga merang yeac kpetiacngic ande amma ngic merac meisinggeu yengena hoannu naric kenude, imoc dekperaginemmeude. Yeng ngic meisinggeu yeng naric yeac hoannu hama kefude.

Bangec kisiu 3:3

Nga Aharon medacfora imoc yeneng womonggareng ua mekecgecdeac desiyunuma kerecdoku nadzicyemmegec.

Yohane 3:34

Anutungo ngic sueec ye Anutuac yoac deude. Imoc yofiac, Anutungo Tiri Asu hendzicma nobohasac kpeteagoc mema mi yemmeude, kpac.

Hebiraio 5:4

Amma ngic mongngo womonggarengtoaac tatac yengena ubeaac naric mi meude. Anutungo Arong kpacma womonggarengtoa uayoac miec, ifi isocngoc Anutungo womonggarengtoa sasawa kpacyunuma uayoac yemmeande.

Hebiraio 7:28

Foracngoc, dedeseringo ngic kucmamagoc uayoac deyemmeu womonggarengtoa angkecdae. Nga demeseriyoacgoc fingerec, imocngo Medac uayoac demiu yeng tatac mema kucmamea kpac nga hafoangoc gombunga wisic wisickea kpac feengkefude.

1 Yohane 2:20

Kpetiac minginango Asuac dzimbongngo nadzicngemmeu ngeni sasawango yoac fora negendacdae.

1 Yohane 2:27

Ngeni Tiri Asuac dzimbong warac megec, imocngo ubaonganginau feu ngeni kpoukpou monggac mi obohogecde. Yeac dzimbong imocngo ine wiac sasawa kpoungemmekecde. Nga yeng yoac kpoungemmede, imoc fora yombong, imoc ikoc kpac. Ngeni sing imohaingoc yeac hereu kecbisia.