Makekeng 28:36 - Deduamiti

³⁶ Nga ge wiac dabac dabac efea mong goltegengngo memea pirac pirac mena minginango kpara meseriudeac hocfu mendzicandae, ifi isoc imohai kibi yofi mendzicbesena, Kebuac kpetiacngic desi desia.

Makekeng 28:36 ပူးပေါင်းရင်းမြစ်များ

Mitiyegec 93:5

O Kebu, geac singyoac imoc sasawa seria nga fora. Geac amau nasoya nasoya faka kpetiac feengkecbeso.

Makekeng 19:6

Ngeni womonggareng eucererenna amma ngicngacareng kpetiac amma kecnembisia.’ Ge yoac imocnoc Isracelngicngac edeyunubesena.”

Makekeng 28:11

Imoc mendzic mendzicngic yeneng kpac meserigecdeac kibi hocfu mendzicande, ifi isoc hoc yohockannu Isracel medacfora yeneac kpacngina mendzicbesena. Mendzicma hoc imoc gombunga faiyuruma witic golngo mudzema yerecgedacma mendangyurubesena.

Makekeng 28:35

Anu Aharon ye enactofoc tofoho ua meudesoc ngakpi imoc heima mana kpetiacfu Kebuac kicfu engemmama anude, naso imohai udumenga negenggecde. Ye kemeere anudesoc ifi amma mi homeude.

Makekeng 28:37

Nga imoc witic kibia dorongngo mema duyaac mesuyaubigeng meserima faina tacbeso.

Makekeng 28:9

Ge oniks hoc yohockang mema imocac witiau Isracel medacfora yeneac kpacngina mendzicbesena.

Makekeng 29:6

Dzegema oruhau duya heimima du witiau ira kpetiac imohai mendanggema faibesena.

Makekeng 39:27

Amma linenwitic pososoc mengerema imocngo kporuc mema Aharon nga medacfora yeneac ngakpi manau megec.

Makekeng 39:30

Amma yeni ira kpetiacac wiac dabac dabac efea goltegengngo mema kpac meserigecdeac onga mendzicandae, ifi isoc imohai yoac yofi mendzicgec, Kebuac kpetiacngic desi desia.

Makekeng 39:31

Amma imoc witic dorongngo witic kuneng mudzema du witiau meserigec feec. Imoc Kebungo Mose dederecge ammiec, imocac siricfu yombong megec.

Dzekarya 14:20

Naso imohai becosic yeneac ubau wesic faifaia ihai kibi yofi oho ohoya febesande, “Kebuac kpetiacareng.” Ammanu Kebuac womonnu kudzi nganoc tackende imocngo aratau enang tackende imoc isocngoc ambesande.

Hebiraio 12:14

Ngeni kpetiac kekec mi kecgecdeu Kebu naric mi henggecde, imocac ngeni ngicngac sasawa yenigoc ruae nga kpetiac kecgecdeac uatoa mebisia.

Hebiraio 7:26

Anu womonggarengtoa yennoc naric meficnunuude. Ye kpetiac nga kopocsiha kpac, kongaha amma wononga kpac. Anutungo ye ngic kopocsicmeme yeneac botucfunac meickeu ye kurumeng sasawa fekende, imoc feracyunuma wi kecde.

1 Petoro 2:9

Anu ngeni Anutuac faka kuhagoc dekperagigecdeac Anutungo ngeneac areng meisingngunuec. Meisingngunuma ngeni yengena areng ngicngac kpetiac anggecdeac mengunuma ngictauac arennu faingunuu womonggarengua mekecgecde. (Mke 19:5-6; Yes 43:20) Yennoc kundunnunac hagecdeac kpacngunuma kperagiau heitaingunuma yengena kperagi engena nga songea, imohai faingunuec.

Yohaneac kpefing 21:27

Amma wiac mong wonongagoc nga ngicngac angammemengina mangac manganea amma ikocnginagoc, yeneng taongtoa imocac manau naric mi enggecde, kpac. Ngicngac kpacngina ramamedahaac kekecac kibiu fede, yenengsac embesandae.