Makekeng 28:30 - Deduamiti

³⁰ Nga yoac isinggema desigecdeac kasou urim nga tummim faiyuruna Aharonggac woucboraac witiau mama nammaec ye Kebuac kicfu kenude. Ifi anu ye imoc woucboraac witiau heima kecma Isracel medacfora yeneac yoac isic isingge imoc Kebuac kicfu tatahoc kecengkecbeso.

Makekeng 28:30 ပူးပေါင်းရင်းမြစ်များ

Nehemia 7:65

Imocac amma Yehuda yeneac gawanango yeni sese faikecdae imoc mi nenma kecmagec womonggareng mong fingecma, yeng wedzu hoc Urim nga Tummimgoc ua meu womonggareng ua megecde me kpac imoc heficgebeso, ifi dema kpetariyemmeec.

Makekeng 28:29

Anu Aharon ye kpetiac womonnu enude, imohai Isracel medacfora yeneac kpacngina imoc yoac isinggema desigecdeac kasou woucboraac witiau heima kpetiac amau engkecbeso. Imoc Kebungo yeneac negenu fekefudeac yeac kicfu tatahoc heikefude.

Dzekarya 6:13

Yennoc Kebuac womong mema eweheiheiac kibikperagi mebesande amma enara tatahau tacma gareng ua mebesande. Amma yeac hoannu womonggareng mongngo tatacfu tacma yerahafoc ruaegoc uangira mebesandape.

Bangec kisiu 27:21

Nga ye womonggareng Elecadzar yeac kicfu namma kpesi kpesi faikecbeso. Fau Elecadzarngo yeac turunga Kebuac kicfu namma urim nga tummin kpeing kpeu imocngo yoac fora desibeso. Desiu isracelngic yeni imoc modacma kengkecbisia amma dzigenekecbisia. Imoc ye nga Isracelac ngichabu hafoangoc yeni yegoc yacma kengkecbisia amma dzigenekecbisia.”

2 Korinti 12:15

Amma ngeneng kekecngina ngereeudeac amma dzofinac fenende, imoc ubangerecgoc naric meficngunuma faingemmebade. Nga imocsac kpac, ni ifingoc neanna kekec hafoangoc ngeneac amma naric wabade. Ni ngeneac heresongotoa negenduae, imocac ngeni ifingoc neac songo kapia naric negembisia.

2 Korinti 7:3

Ngeni manganaac areng kecdae, imoc mi debade, kpac. Ngeni neneac heremanau kecdae, imoc bic edengunuai amma homenide me kecnide, imoc sasawa nenahafoc andacnide.

Hebiraio 2:17

Ye donina meudeac amma wiac sasawa negemma munafora nenanggac siric yombong amma mong mi segeec. Ye ifi amma ngicngac nenanggac wosoefac amma uayoara modacma Anutuac kicfu ngicngac nenanggac womonggarengtoa anec nande.

Hebiraio 4:15

Faitobang fingecnemmeande, ifi isoc womonggarengtoanina ye ifingoc fingecmidarec nga yeng ine kopocsic mong mi meficgeec. Imocac ye kucmamanina hennegeng andacma nenanggac ubamangang negengkecde.

Hebiraio 9:12

Kristo ye noning ngiwa me burumaka medahaac sac mema mi enec, kpac. Ye yengena sawango naso mocgusac sese mema mana kpetiac nga kpataning yombong, imohai enec. Emma yengena sawango bunnina meec, imocngo fefeseri fekecbesande.

Hebiraio 9:24

Kristongo ama kpetiac maringo memea amma wiac fora fede imocac ongea ande, ama imohai mi enec, kpac. Yeng nenanggac amma Anutuac kicfu nanudeac kurumeng forau enec.