Makekeng 28:3 - Deduamiti

³ Marikibimeme nga negen negentegec ngic sasawa negen negentegecac Asungo mewakeyunuai, ge ngic imoc yeni sasawa edeyununa yeni Aharonggac wamba ifi memigec, yeng heu kemeu neac kpetiacngic amma womonggareng uana mebeso.

Makekeng 28:3 ပူးပေါင်းရင်းမြစ်များ

Makekeng 35:10

Amma ngeneac botucnginau marikibimemengic ua hania hania negendae yeni hama Kebungo wiac dederecge anemmeec, imoc medacbisia.

Makekeng 35:25

Anu ngac witic yumuyumu ua negenggec yeni witic dorong nga giweng nga sacsac amma linenwitic pososoc maringinango yumuma imoc mehadacgec.

Makekeng 35:30

Anu Mose ye Isracelngicngac yofi edeyunuec, “Hendae, Kebungo Yehudaac kisicfunac Uriac medac Hurac esea kpara Betsalecel ye meisinggeec.

Makekeng 35:31

Meisinggema Anutuac Asungo mewakeu negen negenga ireckeu negen negentegecgoc anu ye ua hania hania meudeac negen negengagoc anudeac ifi ammiec.

Makekeng 35:35

Amma ye marikibiac negen negeng nga negen negentegecngo mewakeyuruu yeri icfu mendzic mendzic ua hania hania naric meecde. Yeri ifingoc witic dorong nga giweng nga sacsacngo amma linenwitic pososocngo kporuc onganginagoc memusunggeec kibi kibi anu kporuc siricngina gombunga gombunga naric meecde. Yeri marikibi ua gboria naric arenggema ua sasawa ifia meecde.

Makekeng 36:1

Kebungo Betsalecel nga Oholicaw amma marikibimemengic mariefacgoc ua ifia megecdeac negen negengngina meireckema negen negentegec yemmeu yeneng kpetiac amaac wiac sasawa naric medacma ua mesigecde. Amma yeng Mose yoac dederecge ammiec yeni imoc sasawa modacma ifi medacbisia.”

Makekeng 36:2

Betsalecel nga Oholicaw nga ngic tosea marikibi siriha gombunga megecdeac negen negenggoc kecgec Kebungo ubangina meefaima negengireckegecdeac ayemmeu yeni ubanginango ua imoc hama megecdeac meefaiyunuec. Mose ye ngic imoc amma ngic sasawa marikibi siriha gombungaac negen negengnginagoc kecgec yeni hama ua megecdeac heitaiyunuec.

Efeso 1:17

yofi numuanduae, Kebu Yesu Kristo yeac Anutu, kibikperagiaac Manggac, yeng negen negengtegec nga wiac sufu sufuya mekperac kperagi Asu ngemmeu Anutu hafoangoc negemmigecde.

Yakobo 1:17

Anutu ye kurumeng kperagiac manggac amma yearu kundung mong mi kpeude, kpac. Yearu kperagia feec nga fede amma fekengkecbesande. Nga yeng wihacnac wiac gombunga nga soronga suenemmeu maude. Ye ubangereha ifi nemmekecde.