Makekeng 28:12 - Deduamiti

¹² Ge masecngakpiac fuayaac kporuc witiau hoc yohockang imoc faiyuruna Isracel medacfora yeneac negensigec febeso. Anu Aharon ye negenu feudeac kpacngina imoc Kebuac kicfu tofohokecbeso.

Makekeng 28:12 ပူးပေါင်းရင်းမြစ်များ

Mitiyegec 89:19

Ge warac onga nga kpefingyoacfu singyoacga dema ngicngacfocga geac yoac modac modac kecgec, yeni yofi edeyununec, “Ni ngic mong kuhagoc meficgema ye ngictauac ira heimiai. Ni ngicngac yeneac botucfunac sebigbori medac mong meisinggema gununggeai.

Makekeng 12:14

Anu wenac imocngo ngeneac nasotoangina angkecbeso, imoc kifasoc tacbisia. Nga tacgecdesoc Kebungo faka meec imocac negensima kecbisia. Imoc fingecsahengina feengkefudesoc imoc meserima mekecgec singngina seria amma feengkecbeso.

Makekeng 13:9

Nga ye mariseriango Aigitabangecfunac wangecgu haec, imocac ge kecnadesoc angammeme imoc nigecgubacac marigau nga kicmesugau ma isoc faima Kebuac singyoac seria imoc enacbibicgau febeso.

Makekeng 28:11

Imoc mendzic mendzicngic yeneng kpac meserigecdeac kibi hocfu mendzicande, ifi isoc hoc yohockannu Isracel medacfora yeneac kpacngina mendzicbesena. Mendzicma hoc imoc gombunga faiyuruma witic golngo mudzema yerecgedacma mendangyurubesena.

Makekeng 28:29

Anu Aharon ye kpetiac womonnu enude, imohai Isracel medacfora yeneac kpacngina imoc yoac isinggema desigecdeac kasou woucboraac witiau heima kpetiac amau engkecbeso. Imoc Kebungo yeneac negenu fekefudeac yeac kicfu tatahoc heikefude.

Makekeng 28:7

Imoc yofi mengerebisia, fua noboc nobocac kporuc yohockang mema wi nericyurugec tarecde.

Bangec kisiu 16:40

Anu Isracelngicngac yeni faka imoc hemma yofi negensima kecgecdeac ifi anggec, kuricngic mong me ngic mong ye Aharonggac fingecsaheunac mi anudeu ye hosuc homungkereng mehama Kebuac kicfu mi ohobeso. Ngic mongngo Kora nga yeac habu isoc ambacac, ifi anggec. Anu Elecadzar ye Kebungo Mose edeec ifi isoc yombong andarec.

Bangec kisiu 31:54

Anu Mose nga womonggareng Elecadzar yeri ngic tausen habuya habuya nga ngic handred habuya habuya enarafocngina yenearunac gol imoc mema Kebugoc ewacemeemeac kporucamau mekenoc imoc Kebungo Isracelngicngac yeneac negensima kefudeac ifi anoc.

Ruka 1:54

Anutungo yoara bangecnina Abrahang nga fingecsaheyaac edeyunuec, imoc mi nigeckpeec, kpac. Ye kingangkpekpefora Isracel siriha ifiangoc meficyunuma wosoefac ayemmeude.”

Ruka 1:72

Nga Anutungo kisicnina Abrahanggoc yoac deserima deec, imoc negensima dzadzahac kpataninga modacma kisicfocnina wosoefac ayemmema

Aposoro 10:4

Ifi deu kpidohoma kengec kpeu kiwango gbong henserimanu deec, “Kebu noc wiac?” deu yeng deec, “Nunumuga nga ubangerecgaac wiac makpekpea yemmeannec, imoc sese isoc Anutuaru enu ye imocac negengngereekecde.

1 Korinti 11:24

Anutuac ubangerec dema ic sogong mendzicma yofi deec, “Yomoc fusina, imoc ngeneac amma faifaia. Ngeni imoc nema neac negensima nekecbisia.”