Makekeng 28:11 - Deduamiti

¹¹ Imoc mendzic mendzicngic yeneng kpac meserigecdeac kibi hocfu mendzicande, ifi isoc hoc yohockannu Isracel medacfora yeneac kpacngina mendzicbesena. Mendzicma hoc imoc gombunga faiyuruma witic golngo mudzema yerecgedacma mendangyurubesena.

Makekeng 28:11 ပူးပေါင်းရင်းမြစ်များ

Makekeng 28:10

Imoc fingecgecsoc hoc mong imocac witiau siks yeneac kpacngina ohoma mong imocac witiau siks yeneac kpacngina ifingoc ohobesena.

Makekeng 28:12

Ge masecngakpiac fuayaac kporuc witiau hoc yohockang imoc faiyuruna Isracel medacfora yeneac negensigec febeso. Anu Aharon ye negenu feudeac kpacngina imoc Kebuac kicfu tofohokecbeso.

Makekeng 28:21

Nga hoc imoc Isracel medacfora twelf yeneac kpacnginasoc mendzicbesonga. Amma twelf anggec hoc tembuc tembucfu kisicfocngina twelf yeneac kpacngina sasawa minginaac kpac hocfu mendzicyunubesena. Hocfu kibi mendzicma kpacngina imocngo meseriandae, ifi fingecma tembuc tembuc tackembeso.

Makekeng 28:25

Anu witic yumuyumuyaac tosea yohockang imoc kpetiac uaac masecngakpiac kiwaubigeng fuaac kporucfugeng wiac mudze mudzea yohockannu mendangyurubesena.

Makekeng 28:36

Nga ge wiac dabac dabac efea mong goltegengngo memea pirac pirac mena minginango kpara meseriudeac hocfu mendzicandae, ifi isoc imohai kibi yofi mendzicbesena, Kebuac kpetiacngic desi desia.

Makekeng 39:13

Nga emubigeng imohai krisolit hoc, oniks hoc nga yasper hoc faigec. Yeni golwitic mudzema dzegema hoc imoc kibingina gombunga tatacngina mengerema imohai faigec.

Makekeng 39:18

Nga golwitic tosea yohockang tarec imoc masecngakpiac fuayaac wambau kicnginaubigeng mendanggegec.

Makekeng 39:6

Anu golwitic mudzema dzegema hoc buma kuneng kpara oniks hoc imohai faigec. Hoc imohai Isracel medacfora yeneac kpacngina mendzicgec. Imoc onga mendzicma kpac imocngo meseriandae, ifi isoc mendzic mendzira.

Dzekarya 3:9

Henggec hoc kibikerengagocngo pirac pirahagoc noboha sewen memea imoc Yehosuac geac hoannu faiba tacde. Hoc imohai yoac mong ohobade amma wenac mocguac manaungoc bangec yomocac kopocsic meickedacbesandua. Kurumenggac wasaiareng habuya habuya yeneac Kebu yeng ifi dede.

Efeso 1:13

Ngeni ifingoc yoac fora negemma memengerecac siduc gombung mema Yesu negensinggegec. Negensinggema ngeneng yeac anggecdeac amma Tiri Asu ngemmeudeac deec, ye herenginau faima dzadzahacac dzic ngemmeec.

Efeso 4:30

Ngeni Anutuac Tiri Asu ubaebic mi mibisia. Anutungo ebicfunac yungecngunuudeac naso faiec, imohai nanggecdeac dzadzahacac dzic Tiri Asu faingemmeec.

2 Timoteo 2:19

Anu Anutungo wotung seria faiu kemeec nande, imoc goroc goroc naric mi anude. Imohai yoac yofi oho ohoya fede, “Kebungo ngicngacfora negengyunuude.” (Bki 16:5 Septuaginta mitikibiunac.) Nga mong yofi, “Ngicngac Kebuac kpac kpacandae, yeni faka nga angammeme kopocsicgoc, imoc sasawa wama araing kecbisia.”

Yohaneac kpefing 7:2

Anu ni angero mong henai. Ye Anutu kekehagoc yeac onga mekecma wenac ere ereaunac haec. Nga angero 4 yeni bangec nga kondung memanganegecdeac ua yemmeyemmea, yeng yeneac kpacma yofi deec,