Makekeng 27:21 - Deduamiti

²¹ Anu Kebugoc ewacemeemeac kporucamau Kebungo wiac heigboringemmekecduaeac wiac mana kpetiac nga kpataning yombonggac kpoructoaac ngadeau, imohai Aharon nga medacfora yeni tofocnacfunac kecma asoac Kebu neac kicfu kifa imoc garenggekecbisia. Singseringina imocngo Isracelac fingecsahe feengkefudesoc ngenearu feengkecbeso.

Makekeng 27:21 ပူးပေါင်းရင်းမြစ်များ

Fingec fingec 1:5

Mendzicyuruma kperagiac kpara hadzing kparec nga kundunggac kpara tofocnac kparec. Anu ama toforema wereckenu uameme mocgu anec.

Fingec fingec 1:8

Fingeru oda imocac kpara sawa deec. Anu ama toforema wereckenu uameme yohockang anec.

Mitiyegec 134:1

Kebuac kingang ngic Kebuac amau tofocnac nangandae, ngeni sasawango hadacma Kebu kenehebisia.

Makekeng 12:14

Anu wenac imocngo ngeneac nasotoangina angkecbeso, imoc kifasoc tacbisia. Nga tacgecdesoc Kebungo faka meec imocac negensima kecbisia. Imoc fingecsahengina feengkefudesoc imoc meserima mekecgec singngina seria amma feengkecbeso.

Makekeng 16:34

Anu Aharon ye Kebungo Mose dederecge ammiec, imocac siricfu amma Kebungo wiac heigboringemmekecduaeac wiac, imocac fanihau fau tarec.

Makekeng 25:16

Ni Kebungo wiac heigboringemmekecduaeac wiac gemba geng imoc katapa imocac manau faibesena.

Makekeng 28:43

Anu Aharon nga medacfora yeni Kebugoc ewacemeemeac kporucamau kenggecdesoc me womonggareng ua megecdeac arata mewegenegecde, naso imohai dzei imoc heima kengkecbisia. Yeni kopocsicac turung mema homebauac ifi angkecbisia. Singseria imoc Aharon nga fingecsahea fingecenggecdesoc yenearu feengkecbeso.

Makekeng 29:28

Nga Isracelngicngac yeni Aharon nga medacfora yeneac ifi faiengkecbisia. Imocngo yeneac sesengina angkefude. Isracel ngichabu yeni ruaeac sese ohoma yenahafoc neandae, imocac tosea imoc Aharon nga medacfora yeneac ambeso. Yeni ifi amma sesengina Kebu mima kecbisia.

Makekeng 29:42

Anu sesegerec imoc Kebugoc ewacemeemeac kporucamaac naguu Kebuac kicfu hafoangoc ohokecgecde, imoc fingecsahengina fingecenggecdesoc ngenearu wenacsoc fekecbeso. Ni imohai fingecngemmema gegoc yoac denegeng angkecdede.

Makekeng 29:44

Ni Kebugoc ewacemeemeac kporucama nga arata yeri kpetiac anecdeac ambade. Amma Aharon nga medacfora momoc kpetiac anggecdeac desiyunuba yeni neac womonggareng ua mekecbisia.

Makekeng 30:21

Yeni homebauac hanimaringina dzuacbisia. Singseria imocngo fingecsahengina feengkefudesoc yenearu feengkecbeso.”

Makekeng 30:36

Anu ge imohacnac goa kpedzamena wit uha isoc anu imocac toseabisic Kebugocewacemeemeac kporucamau Kebungo wiac heigboringemmekecduaeac wiac tacde, imocac fanihau faina tacbeso. Taru ni gegoc imohaiewacdede. Wiac imoc negenggec kpetiac nga kpataning yombong ambeso.

Makekeng 30:8

Amma ama toforebeso ammanu ye kifa tatacnginau faiyunuma kpedzereckeu dzeu hosuc homungkereng ohokecbeso. Imoc ifi wenacsoc angkefu hosuc homungkerenggac sese imocngo Kebuac kicfu fingecsahengina feengkefudesoc fekecbeso.

Makekeng 40:3

Nanu imocac manau Kebungo wiac heigboringemmekecduaeac katapa faima imoc mana kpetiac nga kpataning yombonggac kporucngo hedzickebesena.

Malecaki 2:7

Womonggareng ye neac negen negentegecac kpoukpou yoacna garenggebeso. Ammanu ngicngac yeni kpoukpouyoac imoc megecdeac yearu hagec ye imoc kpouyemmebeso. Nocac ye kurumenggac wasaiareng habuya habuya yeneac Kebu yeac siducdede ngicnoc ande.

Bangec kisiu 18:23

Imocac amma Lewingic yenennoc Kebugoc ewacemeemeac kporucamaac ua mebisia amma faka mangana goa megecdeu, yeni yenaocngoc ebic imoc tofohobisia. Singseria imocngo fingecsahengina feengkefudesoc yenearu fefeseri fekecbeso. Anu yeni Isracelngicngac yeneac botucfu kecma bangec hedzic hendzira mong mi megecde.

Bangec kisiu 18:5

Ammanu Isracelngicngac yeneac herena monggoc bubacac ngeneng kpetiac womong nga arata garenggema kecbisia.

Bangec kisiu 19:21

Singseria imocngo yenearu nasoya nasoya feengkecbeso. Nga ngic ye ngic goa wonongnginagoc kongaha anggecdeac dokudzidzia gigidacmoc ye ifingoc wambaya dzuacbeso. Nga mongngo kongaha anganggac doku imoc kpesereudeu ye ifingoc Kebuac hehenu wonongagoc amma kecmanu ama toforebeso.

Bangec kisiu 35:29

Nga ngeni noboc noboc kecgecdesoc yoac desi desi ua feude imohai singseria imocngo fingecsahengina feengkefudesoc ngenearu fekecbeso.

Bangec kisiu 8:9

Mema Lewingic hesicyunuma Kebugoc ewacemeemeac kporucamaac hoangau kemma nanggec Isracelkpebung hafoangoc kpedzucyunudacbesena.

Mataio 4:16

Ngicngac kundunnu kecgec, yeni kperagi kuneng henggec nga ngicngac homecac bageu bangecfu kecgec, yeneac botucfu kperagia fingerec.” (Yes 9:1-2) Yoac imoc fora anudeac ye Kafanaung taonnu tacyac anec.

Ruka 12:35

“Ngeni kporucngina seria kpema kifangina kpedzereckema efaima kecbisia.

Yohane 5:35

Yohane ye siriha yofi, kifa mong dzema mekperagingunuande, ye ifi isoc anec. Mekperagingunuu ngeni naso wegenanec kperagi imocac songo negemma kperagia imohai kecgec.

2 Korinti 4:6

Anutungo yofi deec, “Kundununac kperagi fingecna.” (Fing 1:3) Anutu yennoc ubaherenina mekperagikecde. Amma Kristo ye Anutuac kuc nga kibikperagia negentegecde, negen negentegec imocngo yeac kicmesuyaunac hama ubaherenina mekperagiude.

2 Petoro 1:19

Ifi negemma, profete yeneng yoac ohogec, imoc nenannu seria fede. Imoc kifa mong isoc nga imoc amabangec kundung fede, imohai mekperagimanu ama wereckenu asoac asomengngo herenginau dzema mekperagingunuude, ngeni kicngina ihacgeng fima hoanggegec ngereeude.

Yohaneac kpefing 2:1

“Ge Efeso kpebung, yeneac angeroaru kibi yomoc ohoma faina kenu.” “Ngic ye asomeng 7 marifoiau menande nga kifa nanangagoc 7 yeneac botucfu yerecgede, yeng ngeneac yofi dede,