Makekeng 26:36 - Deduamiti

³⁶ Anu kporucama naguyaac negemma witic kibia dorong nga giweng amma sacsac nga linenkporuc pososoc yumuyumuya mema kporucama naguyaac kporuc mong memusunggema megec kibi kibi ambeso.

Makekeng 26:36 ပူးပေါင်းရင်းမြစ်များ

Mitiyegec 78:60

Ye amagereha Silo fekefec, imoc wama kporucwomonga ngicngac yeneac botucfu tarec, imoc ifingoc wama

Makekeng 26:31

Anu mana kpetiac nga kpataning yombonggac naguac kpoructoa imoc witic kibia dorong nga giweng amma sacsac nga linenkporuc pososoc yumuyumuyango mebesena. Imoc marikibingicngo keruw ongaac siriha arenggeu kporucfu memusunggema mebisia.

Makekeng 27:16

Anu totong naguac kporuc megecde imocac hereayaac kubit twenti ambeso. Kporuc imoc witic dorong, giweng nga sacsac amma linenwitic pososoc yumuyumuyango memusunggema megec kibi kibi ambeso. Nga imocac icsira herea hafoangoc neackpac haningina neackpacngoc mebeso.

Makekeng 28:15

Nga yoacfu yoac isinggema desigecdeac mokucac kaso mong mebesena. Imocac kporuha masecngakpiac kporuc isoc golwitic nga witic dorong, giweng nga sacsac amma linenwitic pososoc yumuyumuyango kporuc memusunggema mebesena.

Makekeng 28:39

Anu linenwitic pososocngo kporuc kibi kibi memusunggema ngakpingina mana mena. Nga ge orucac du linenkporucngo mema fadeng mong kporuc kibi kibingo memusunggebesena.

Makekeng 35:11

Imoc womong kporucamayagoc nga kperaha nga honac nga fombong nga memeseriac ic odaha nga hongngoc nga icsira herea hafoangoc amma haningina

Makekeng 35:15

amma hosuc homungkerenggac oho oho arata tofoyagoc amma nadzicmigecdeac kerecdoku nga hosuc homungkerenggac kerec homuna gombunga nga kporucwomong naguac kporuc

Makekeng 36:37

Anu kporucamaac naguac kporuc imoc witic kibia dorong, giweng nga sacsac amma linenkporuc pososoc yumuyumuyango memusunggema megec kibi kibi anec.

Makekeng 38:18

Anu sobeng naguyaac kporuc imoc odahaac kubitkpete twenti nga hongngaac kubitkpete marimong amma emubigeng made imocac odahaac kubitkpete marimong anec. Marikibimemengicngo imoc witic kibia dorong, giweng nga sacsac mema linenwitic memusunggema meu odaac kporuc megec imocngo kibi kibi ifi fingecma feec.

Makekeng 39:29

Nga fadeng imoc linen pososoc yumuyumuya nga witic dorong, giweng amma sacsac imocngo megec. Imoc Kebungo Mose dederecge ammiec, imocac siricfu yombong medacgec.

Makekeng 39:33

Medacma kporucwomong nga imocac wiac sasawa, imocac honaha sasawa, fombonga sasawa, memeseriac ic sasawa nga icsira herea hafoangoc sasawa nga hania sasawa mema Mosearu mekenggec.

Makekeng 40:5

Nammagec hosuc homungkerenggac arata golngo memea meemma Kebungo wiac heigboringemmekecduaeac katapa imocac fanihau faima kporucwomong naguac kporuc faibesena.

Bangec kisiu 3:25

Nga Gereson arengfora yeni wiac yofi garenggegecdeac deyec deyemmea, yeni Kebugoc ewacemeemeac kporucamaac manau kporucwomong tarec, imocac kporuc sasawa amma kporucamaac kporuc sasawa nga kperaha nga Kebugoc ewacemeemeac kporucamaac naguac kporuc garenggegec.

Bangec kisiu 9:15

Anu kporucwomong medacma mesigec wenac imohai hoeng mongngo kporucwomong semeec, nga imoc kpara mong Kebungo wiac heigboringemmekecduaeac kporucama. Hoengngo imoc semema femanu ama toforeu siriha gerecborang isoc anu kperagima kporucwomong witiau tackemmanu ama wereckenec.

Yohane 10:9

Ni neannaoc nagu. Mongngo nearu ferecgema oda manau enudeu Anutungo ye ebicfunac mesiu komoc kpeude. Amma ye naguusing engemmama amma nenesemeng meficgeude.

Yohane 14:6

Kpesimiu Yesungo yofi deec, “Ninoc sing nga yoac fora amma kekec. Ngic mongngo nia kpacfu Manggacaru keng keng imocac sing mong mi fede.