Makekeng 26:33 - Deduamiti

³³ Nanggeyunuma mana kpetiac yombonggac naguac kpoructoa imocac honacfu gbedickena nanu Kebungo wiac heigboringemmekecduaeac katapa mema imoc mana kpetiac nga kpataning yombonggac naguac kpoructoaac manau, imohai mekemma faibesena. Imoc yofiac, kporuc imocngo womonggac mana kpetiac nga mana kpetiac nga kpataning yombong mendzicyuruude.

Makekeng 26:33 ပူးပေါင်းရင်းမြစ်များ

Makekeng 25:16

Ni Kebungo wiac heigboringemmekecduaeac wiac gemba geng imoc katapa imocac manau faibesena.

Makekeng 26:32

Anu ge akasia icngo icsira herea hafoangoc neackpac mema kporuc imocac witinginau nanggebesena. Ic imoc golngo gborocyunuma honacngina golngo mema haningina neackpac silwango mema witinginau nanggeyunubesena.

Makekeng 27:10

Nga totonggac icsira herea hafoangoc imoc yeni twenti ambisia nga haningina aieng sacsacngo memea imoc ifingoc twentingoc ambisia. Anu icsira herea imocac honac nga witic imoc ine silwango mebesonga.

Makekeng 27:21

Anu Kebugoc ewacemeemeac kporucamau Kebungo wiac heigboringemmekecduaeac wiac mana kpetiac nga kpataning yombonggac kpoructoaac ngadeau, imohai Aharon nga medacfora yeni tofocnacfunac kecma asoac Kebu neac kicfu kifa imoc garenggekecbisia. Singseringina imocngo Isracelac fingecsahe feengkefudesoc ngenearu feengkecbeso.

Makekeng 36:36

Amma icsira herea hafoangoc neackpac akasia icngo mema golngo gborocyunuma honacngina golngo mema silwa gerea hetinggegec patatakeu hania neackpac megec.

Makekeng 40:21

Heima katapa imoc kporucwomonnu meemma fau taru mana kpetiac nga kpataning yombonggac kpoructoa gbedickeu mama Kebungo wiac heigboringemmekecduaeac katapa hedzickeec. Kebungo Mose dederecge ammiec, imocac siricfu yombong meec.

Makekeng 40:3

Nanu imocac manau Kebungo wiac heigboringemmekecduaeac katapa faima imoc mana kpetiac nga kpataning yombonggac kporucngo hedzickebesena.