Makekeng 26:32 - Deduamiti

³² Anu ge akasia icngo icsira herea hafoangoc neackpac mema kporuc imocac witinginau nanggebesena. Ic imoc golngo gborocyunuma honacngina golngo mema haningina neackpac silwango mema witinginau nanggeyunubesena.

Makekeng 26:32 ပူးပေါင်းရင်းမြစ်များ

Esta 1:6

Sobeng imoc kporuc kongackongac nga asongasong sufafac lineng nanangngagoc memea imohai gbedickegec nanec. Nanu lineng kongackongac nga borangborang mudzemudzea, wiac ifia gontaningango kambackambac kibia hereaherea imocgoc memea. Ammanu imohai heitatac gol nga silwango ongeagoc kibia haniahania imocngo sintitiau nanangagoc memea amma hoc mong usuac yadaya asomadohagoc buma kuneng imocngo tegiau faigec nanec.

Makekeng 25:5

Nga ramangiwaac sebera sacsac amma dolfin kondungyanggac sebera amma akasia ic.

Makekeng 26:31

Anu mana kpetiac nga kpataning yombonggac naguac kpoructoa imoc witic kibia dorong nga giweng amma sacsac nga linenkporuc pososoc yumuyumuyango mebesena. Imoc marikibingicngo keruw ongaac siriha arenggeu kporucfu memusunggema mebisia.

Makekeng 26:33

Nanggeyunuma mana kpetiac yombonggac naguac kpoructoa imocac honacfu gbedickena nanu Kebungo wiac heigboringemmekecduaeac katapa mema imoc mana kpetiac nga kpataning yombonggac naguac kpoructoaac manau, imohai mekemma faibesena. Imoc yofiac, kporuc imocngo womonggac mana kpetiac nga mana kpetiac nga kpataning yombong mendzicyuruude.

Makekeng 26:37

Nga kporuc imocac amma akasia icngo icsira herea hafoangoc marimong mema nanggeyunuma golngo gborocyunudacbesena. Amma honacngina golngo mebesena amma aieng sacsac gerea hetinggena patatakeu hania marimong imocngo mebesena.

Makekeng 36:38

Mema icsira herea hafoangoc marimong amma imoc yeneac honacngina nga ic witinginau kunengngina nga witicngina mema golngo gborocyunudacma haningina marimong aieng sacsacngo megec.