Makekeng 26:1 - Deduamiti

¹ Kporucwomong imoc kporuc herea 10ngo mebesena. Kporuc imoc linen pososoc yumuyumuyango mema witic kibia dorong nga giweng amma sacsac yombong mema imoc mebesena. Nga marikibimemeac negen negengngic meyununa yeneng kporucfu keruw onga memusunggema mebisia.

Makekeng 26:1 ပူးပေါင်းရင်းမြစ်များ

Makekeng 25:18

Ifi faima hamango gol heimengere amma keruw onga yohockang mema tapaac witiau tegia wegenac imocac witiau noboc noboc faiyurubesena.

Makekeng 25:4

nga witic dorong, giweng nga sacsac, linenwitic pososoc amma noning dzoeya.

Makekeng 25:8

Anu botucnginau naric kecbadeac yeni neac womong kpetiac mong megec.

Makekeng 26:2

Nga kporuc mocgu mocguac hereanginaac kpete imoc kubit 28 nga odacnginaac kpete imoc kubit neackpac ambeso nga kporuc sasawa imoc kpetengina siriha mocgungoc ambisia.

Makekeng 26:31

Anu mana kpetiac nga kpataning yombonggac naguac kpoructoa imoc witic kibia dorong nga giweng amma sacsac nga linenkporuc pososoc yumuyumuyango mebesena. Imoc marikibingicngo keruw ongaac siriha arenggeu kporucfu memusunggema mebisia.

Makekeng 26:36

Anu kporucama naguyaac negemma witic kibia dorong nga giweng amma sacsac nga linenkporuc pososoc yumuyumuya mema kporucama naguyaac kporuc mong memusunggema megec kibi kibi ambeso.

Makekeng 31:7

Yeni Kebugoc ewacemeemeac kporucama nga Kebungo wiac heigboringemmekecduaeac katapa nga tapea imocac witiau nga kporucamaac wiac sasawa mebisia.

Makekeng 35:11

Imoc womong kporucamayagoc nga kperaha nga honac nga fombong nga memeseriac ic odaha nga hongngoc nga icsira herea hafoangoc amma haningina

Makekeng 35:35

Amma ye marikibiac negen negeng nga negen negentegecngo mewakeyuruu yeri icfu mendzic mendzic ua hania hania naric meecde. Yeri ifingoc witic dorong nga giweng nga sacsacngo amma linenwitic pososocngo kporuc onganginagoc memusunggeec kibi kibi anu kporuc siricngina gombunga gombunga naric meecde. Yeri marikibi ua gboria naric arenggema ua sasawa ifia meecde.

Makekeng 35:6

witic dorong, giweng, sacsac nga linenwitic pososoc nga noning dzoeya,

Makekeng 36:35

Anu marikibingic yeneng witic kibia dorong, giweng nga sacsac nga linenkporuc pososoc yumuyumuya mema mana kpetiac nga kpataning yombonggac kpoructoa megec imohai keruwac onga memusunggema megec.

Makekeng 39:3

Nga marikibingic yeneng gol hepatanggegec efea yombong anu merecgegec witic fingeru imocngo wiac kibia dorong, giweng, sacsac amma linenwitic pososoc botucnginau faima kporuc memusunggegec kibi kibi fingerec.

Makekeng 40:2

“Afo hanac hanaheau wenac uameme kpete mocgu imohai Kebugoc ewacemeemeac kporucamaac kporucwomong kpedzina nambeso.

Bangec kisiu 3:25

Nga Gereson arengfora yeni wiac yofi garenggegecdeac deyec deyemmea, yeni Kebugoc ewacemeemeac kporucamaac manau kporucwomong tarec, imocac kporuc sasawa amma kporucamaac kporuc sasawa nga kperaha nga Kebugoc ewacemeemeac kporucamaac naguac kporuc garenggegec.

Bangec kisiu 4:25

Yeni kporucwomonggac kporuc nga Kebugoc ewacemeemeac kporucama nga kperaha nga imocac witiau dolfin kondungyanggac sebera faiandaemoc amma Kebugoc ewacemeemeac kporucamaac naguyaac kporuc, imoc sasawa tofohokecbisia.

Yohane 1:14

Anu enacyoacngo sebifusiagoc amma botucninau kefec. Kefu medac mocgungo fingecma Manggacarunac kuc nga kibikperagia mekefec, kuc nga kibikperagia imocnoc hening. Henni yearu danggunuc nga yoac fora wake wakea fede.

Yohane 2:21

Yesungo ine yengena sebiaac womonnu yoac heima deec.

Hebiraio 8:2

Amma ye Anutuac womong yeac womong fora kurumennu nande, ihai kingangkpekpe ua mema kecde. Womong imoc ngicngo mi memea, kpac. Anutu yengenaoc imoc mema faiec.

Hebiraio 9:2

Anu kporucwomong mana warac warac feec, imocac kpara Mana kpetiac. Nga mana warac warac imohai kifanananga amma tebo icsogongagoc nanoc.

Hebiraio 9:9

Ngicngac yofinenggac kecdae, yeni imocac ongea isoc ande. Yeni Anutuac womonnu yeac ubangerec nga kopocsicac sesegerec meemma faimiandae nga imocngo ine yeneac herenegen negengngina hafoangoc naric mi dzuacyemmeude.

Yohaneac kpefing 19:8

Ifi anu wambaya gombunga kongaha nga kibikperagiagoc heiudeac migec. Wambaya gombunga imoc ngicngac kpetiac yeneac angammeme dindingac.”

Yohaneac kpefing 21:3

Taru ni enacudumengtoa ngictau tatacfunac negemba yofi deec, “Henggec Anutuac womong imoc ngicngac yenigoc nanu yeni yeac areng anggec Anutu yengenaoc yenigoc kecma Anutungina kefude.