Makekeng 25:8 - Deduamiti

⁸ Anu botucnginau naric kecbadeac yeni neac womong kpetiac mong megec.

Makekeng 25:8 ပူးပေါင်းရင်းမြစ်များ

Makekeng 15:17

Nga ge wangecnunuma kemma geangga tikibangec yombonnu heihomec anemmenade. Ge geanggaoc tacyac annadeac amabangec mengerenec, yainoc geangga marigango ama kpetiac menec.

Makekeng 15:2

Kebu ye kucna nga yegecna amma yeng onggonnuec. Ni ye dengerekecbade yennoc Anutuna, ye kpac kuneng mibade, ye mannaac Anutu.

Makekeng 29:45

Anu ni Isracel medacfora yeneac botucnginau kecma Anutungina kecduae nga kecbesandua.

Makekeng 29:46

Ifi amba negenggecde, ni Kebu Anutunginango botucnginau kecbadeac Aigitabangecfunac hesicyunukenai. Ninoc Kebu Anutungina kecdua kecduae nga kecbesandua.

Dzekarya 2:10

Ye yengenaoc yofi dede, “Yerusalaim ge sogac sogaiac yegec heina. Ni botucnginau kecbadeac habesandua.”

Dzekarya 8:3

Imocac ni monggoc Tsionnu dzigenema Yerusalaimgac botuhau tacbesandua. Ihai tacba yeni Yerusalaimgac kpara, “Yoac foraac taong,” ifi debesandae amma kurumenggac wasaiareng habuya habuya yeneac Kebu neac tikiac kpara, “Kpetiac tiki,” ifi debesandae.

Bangec kisiu 5:3

Kporucamahabuu kekecngina imoc Kebuac kicfu wonongagoc mi anudeac ngeni ngic me ngac imoc hesicyunuma ngadeau kemema kecbisia. Ni kporucamahabuu botucnginau kecduaeac ifi ambisia.”

Aposoro 7:44

“Kisicfocnina yeni bangec hocsiragoc, ihai Anutuac kporucwomong megec, imoc Anutungo Mose siriha edzahema derecgemiec, imocac sirihau memea.

2 Korinti 6:16

Negenggec, Anutuac womong nga nemuonga botucngirau yoac dedzege naric mi feude. Imoc yofiac, nenang Anutu kekehagoc, yeac womong. Anutungo imocac yofi deec, “Ni amagerecna yenearu mema yenigoc kecbade. Kecma yeneac Anutu amba yeneng ngicngacfocna anggecde.” (Sese 26:12; Yer 32:38; Edz 37:27)

Hebiraio 3:6

Mose ye kingangkpepe kecma Anutuac uayoac modackefec nga Kristongo Anutuac Medac kecma uayoac modacma yeac amagareng kecde. Amma nenang kengeha kpac kurumenggac wiac menide, imoc wiac engena negemma serima mekecnideu Anutuac amanoc angkecnide.

Yohaneac kpefing 21:3

Taru ni enacudumengtoa ngictau tatacfunac negemba yofi deec, “Henggec Anutuac womong imoc ngicngac yenigoc nanu yeni yeac areng anggec Anutu yengenaoc yenigoc kecma Anutungina kefude.