1 Kebungo Mose yoac yofi edeec.
Femanu Mose ye hoeng manau tikiu emma hadzing tofocnac foti ihai kefec.
“Ge kemema Isracel ngicngacareng sasawa yofi edeyununa, ‘Ngeni heresongongina fedesoc seseac wiac kpedzucnema nearu mehadacbisia.’
Mose ye Isracelkpebung hafoangoc kpedzucyunudacma yofi edeyunuec, “Kebungo ngeni yoac yomoc modacgecdeac dederecge angemmeec.
Anu Mose ye Isracelkpebung hafoangoc yofi edeyunuec, “Kebungo faka yomoc modacgecdeac dederecge angngemmede.
Ngeni tembuc tembuc sasawango wiac fengemmede imohacnac goa songogoc mema Kebuac sese faibisia. Nga ngeni sasawango ubangerecgoc Kebuac sese imoc gol nga silwa amma aieng sacsac,
amma kifanananggaac kerecdoku, semeng uaunac wiac homuna gombunga imoc nadzic nadzicac kerecdoku nga hosuc homungkerenggac kerec homuna gombunga negemma mehama,
Yeni ifi amma Kebugoc ewacemeemeac kporucamaac kporucwomongagocac ua imoc sasawa mesidacgec. Kebungo Mose dederecge ammiec, Isracelac medacfora yeni imoc sasawa modacma medacgec.
Medacma kporucwomong nga imocac wiac sasawa, imocac honaha sasawa, fombonga sasawa, memeseriac ic sasawa nga icsira herea hafoangoc sasawa nga hania sasawa mema Mosearu mekenggec.
Kebungo Mose dederecge ammiec, imocac siricfu Isracel medacfora yeni ua hafoangoc ifinoc modacma medacgec.
“Ge wiac imoc sasawa enara yeneac mariunac menade imoc Kebugoc ewacemeemeac kporucamaac uaac amma mekecbisia. Amma Lewingic yeni uaarengngina tembuc tembuc fede, imocac siriha negensima wiac imoc yeneac mariu faidacbesena.”
