Makekeng 24:6 - Deduamiti

⁶ Anu Mose ye sac tosea mema sokocfu kpakeu kemeu tosea mema arata witiau gigiec.

Makekeng 24:6 ပူးပေါင်းရင်းမြစ်များ

Mitiyegec 99:6

Mose nga Aharon yereng yeac womonggareng habugoc kefoc nga Samue ye yeac kpac kuneng kpacma nunumu ua mekefec. Yeni desambic ammigec yeng negengyemmema turunga merengyemmekefec.

Makekeng 12:22

Amma hissop dzaring fawabisicbisic goa mema sac otou nemuruckema imocngo naguac sangoya noboc noboc nga odaha wibigeng imohai hosobisia. Hosoma ngenearunac mongngo ama ngadeau mong mi mama ama manau tacmagec ama wereckembeso.

Makekeng 12:7

Kpebucyunuma ubangina herecgedacma sacngina mebisia. Mema imocngo nagu sangoya noboc noboc nga wibigeng hosobisia. Amma ama imohaingoc tacma fusia nebisia.

Makekeng 24:8

Ifi degec Mosengo sac mema ngicngachabu witinginau kpegima yoac yofi deec, “Negendae, Kebungo ngenigoc yoac sasawa dedzegeecmoc imocac dzadzahacac sac yomoc.”

Makekeng 29:16

Faigec kpehou amma sawa kapianec mema arata yerecgema gigibesena.

Makekeng 29:20

Faigec ge imoc kpehou amma sawa kapianec mema Aharon nga medacfora yeneac kedzacngina foiubigeng emu tegiau hosoma maringina nonggea foiubigeng nga haningina nonggea foiubigeng imoc momoc hosobesena. Hosoma sawa tosea imoc arata yerecgema gigidacna heibeso.

1 Korinti 11:25

Nga yaka negec wisickeu ye kpakenec mema yofi deec, “Kpakenec yomoc sacnaac dzadzahac gboria. Ngeni imoc negecdesoc neac negensima nekecbisia.”

Kolosai 1:20

Ye medahaac ifi negemma wiac sasawa bangecfu nga kurumennu fede, imoc Anutu yengenagoc uba mocgu anggecdeac medahaac sawa mariponnu maec, imoc mema wiac sasawa imocngo mengereu ruae fingerec.

Hebiraio 12:24

Nga ngeni Yesuaru hagec yeng dzadzahac gboriaac ngic botucnina andenoc. Amma ye sawa kpegiec, imocngo Abeac sacngo yoac deec, imoc ferahema kuhagoc yombong deude.

Hebiraio 8:9

Dzadzahac imoc warac bangecfocngina yenigoc meai, imocfia isoc kpac. Naso imohai neng maringinau mema Aigita bangecfunac hesicyunu hayai. Yeni dzadzahac meai, imoc wama imocgoc mi kecgecac ni ifingoc wayunuma ioc baoc ayemmeai.” Ye ifi dema monggoc torokpeec,

Hebiraio 9:18

Imocac amma dzadzahac esea imoc sacngo meserigec.

Hebiraio 9:19

Nga Mosengo dedeseriyoac sasawa ngicngac edederecge ayemmedaru wisickeu burumaka nga noning ngiwa sacngina mema dokugoc yerecgema ramadzoea sacsac nga babacmeac mema sacfu nemuruckema imocngo kibi kpou kpouya amma ngicngac sasawa witinginau kpegiu nadzicyemmeec.

Hebiraio 9:21

Anu Mosengo kporucwomong witiau nga manau amma sesegerec faifaiac wiac hania hania tarec, imoc ifingoc sacngo kpegiu sasawa nadzicmidarec.

1 Petoro 1:19

Ye Kristoac sacngo bummengunuec. Nga Kristoac sac imoc wiac engena yombong, imoc rama medaha mong puringa kpac nga ebiha kpac, yeac sac isoc. (Mke 12:5; 29:1; Sese 22:17-25)

1 Petoro 1:2

Anutu Manggacngo bic negenu feecac yeng meisingngunuma yofi desiec, Tiri Asungo ngenearu ua meu yadiseri amma kpetiac anggecde. Ifi amma ngeni yeac enac tofohogec Yesu Kristoac sacngo kpegiu nadzicngemmeec kecdae. Yeac danggunuc nga ruaengo ngenearu sahema febeso.