Makekeng 23:7 - Deduamiti

⁷ Amma ge garengga mema ikoc amma yoacfu faifaifaka, imohacnac meickema herau yombong kecbesena. Ngic kopocsiha kpac nga ngic dindingac yeri homecfu mi faiyurubesena. Imoc yofiac, ni godzucngic ye dindingac mi demibade.

Makekeng 23:7 ပူးပေါင်းရင်းမြစ်များ

Fingec fingec 18:23

Namma Kebuac wegenahau kemma yofi dema kpesimiec, “Ge ngic dindingac nga ngic Anutu ngadehema mangana megecdeac ayemmeande yeni momocngoc meicyunudacnade, ge Kebu ifia kpac.

Mitiyegec 119:29

Ge ikocfakaunac onggonnuma ubangerec anemma dedeseriyoacga kpounenna.

Mitiyegec 94:21

Yeni ngic dindingac kpehomegecdeac yoac dedzege angkecma ngic kopocsiha kpac homecac arennu desigecde.

Makekeng 20:13

Ge ngicngac mi yunuhomebesena.

Makekeng 20:16

Ge ngic me ngac gegoc wegenac kecde ye enacfu faifai mi ammibesena.

Makekeng 23:1

Ge enacfu faifai nga sebiu faifai mi ambesena. Nga ge godzungicac maria mema ye nanggema hepucyoac ikoha mi debesena.

Makekeng 34:7

Amma ye yoac dzegema imoc modackefu imocngo tausenga tausenga yenigoc seria fekefude. Nga faka mangana ngicngac ayemmekecgec amma singyoac ferahegec amma turungnginagoc yeni kopocsicngina wayemmeude. Ye mangana megec imocac turunga eng mi wadarude. Ye imocac kpemeting imoc esamedacfocngina nga bangecfocngina yeneac fingecsahe arenga harebec nga neackpac yenearu imoc kpouyemmeude.”

Nahum 1:3

Kebu ye herebuya dengecdengec hakecde nga ye kuctoayagoc amma ngicngac kopocsicnginaac turung kpoukpou faka imoc mi waande nga hoengngo hanititiyaac yube angkecde amma firang kuhagoc nga gbungparandanggac manau sing kengande.

Ruka 3:14

Nga wasaingic goa yeneng ifingoc kpesimigec, “Anu neni dafi annide?” Ifi degec deec, “Ngeni godzufaka me ikocfu amma degbedicfu monggarunac hiedzo mi mebisia. Ngeni uanginaac bummekecdae, hiedzo imocsac fengemmebeso.”

Roma 1:18

Ngicngac goa yeni Anutuac faka nga yoac ngadehema sing ferahaandae amma faka nga yoac fora kpema waandae. Ngicngac imoc yeneac turunga kurumenunac fingeru Anutungo imoc kpouyemmeude.

Efeso 4:25

Amma nenang sebi mocguac oruc kickedzac nga hanimaria kecma meficemema kecdimbeac ngeni sasawa faka ikoha wadacma yoac fora tosofocngina yenigoc denegeng amma kecbisia.

1 Tesaronike 5:22

Amma ngeni mangana hania hania imoc hengkpatebisia.